ҚУРБОНИИ РАЪДУ БАРҚ ДАР ЗАРКОН, ҒАРҚ ШУДАНИ НАВРАС ДАР ДАРВОЗ, ХУДКУШИИ ХОНАНДАИ СИНФИ 8 ДАР ПАНҶАКЕНТ (ВИДЕО)
Аз навори хабарҳои Кумитаи ҳолатҳои фавқулоддаи Тоҷикистон
Як сокини 53-солаи деҳаи Заркони ҷамоати деҳоти Исмоили ноҳияи Б.Ғафуров дар раъду барқ ба ҳалокат расидааст. Мавсуф дар чарогоҳ машғули чорвочаронӣ будааст. Ҳамчунин аз ҳалокати 27 сар чорвои хурд низ гузориш расидааст.
**** **** ****
Шашуми майи соли равон соати 11:30 як хонандаи синфи 7 МТМУ №6 аз деҳаи Шикеви ҷамоати деҳоти Нулванди ноҳияи Дарвоз ҳангоми оббозӣ дар рӯди Панҷ ғарқ шудааст. Аҳолии деҳа ҷасади ӯро пайдо карда ва ба волидонаш супурдаанд.
**** **** ****
Рӯзи 6-майи соли 2022 тахминан соатҳои 17:00 дақиқа дар километри 115-уми шоҳроҳи Ваҳдат-Рашт-Ҷиргатол бинобар сабаби намнокӣ ва баланд шудани сатҳи оби дарёи Вахш қисми шоҳроҳи мазкур бо дарозии 15-метр, паҳноии 2-метр фурӯ рафт.
Корҳои рафъи паёмадҳои ин ҳодиса бо ҷалби як техникаи муҳандисӣ идома дорад. Дар айни замон роҳ яктарафа боз аст.
********* ********* ********
Рӯзи 4-майи соли 2022 соати 10:00 дақиқа хонандаи синфи 8-уми МТМУ №15 шаҳри Панҷекат Ардашери Баҳодур баъди дарс аз мактаб баромада, ба самти номаълум меравад ва касе дигар хабаре аз ӯ пайдо намекунад.
Мақомот баъди дидани наворҳои камераҳои назоратии болои пӯли мошингузари ҷамоати деҳоти Хурмӣ мушоҳида кардаанд, ки мавсуф худро аз болои пӯл ба дарёи Зарафшон сарозер кардааст.
Ҷасади ӯро рӯзи 6-уми май пайдо ва ба наздиконаш супурданд. Сабаби даст ба худкушӣ задани ин хонанда таҳқиқ мешавад.
ТАФСИЛОТИ ИН ҲОДИСА ИНҶОСТ: