ВидеоФарҳангҶанг дар Украина

32 СИТОРАИ УКРАИНАРО БАРОИ 50 СОЛ (!!!) АЗ ҲАҚҚИ ВУРУД БА РУСИЯ МАҲРУМ КАРДАНД

Идораи нашрияи русии “Известия”  рӯйхатти пурраи овозхонҳо, журналистон ва кормандони соҳаи фарҳанги Украинаро, ки аз ҳаққи вуруд ба қаламрави Русия то соли 2072, яъне барои 50 сол маҳрум карда шудаанд, нашр кард.

Дар ин рӯйхатти сиёҳ 31 намояндаи фарҳанги Украина, аз ҷумла барандагони барномаи машҳури “Орёл и решка” Андрей Бедняков ва Николай Серга, муҷрии барномаи телевизионии “Мир наизнанку” Дмитрий Комаров, овозхонҳои шинохтаи украинӣ Алексей Потапенко ва Анастасия Каменских (дуэти Потап ва Настя), Светлана Лобода, Дмитрий Монатик, Святослав Вакарчук, Андрей Данилко («Верка Сердючка»), ҳамчунин ҳунарпешаи синамо Мила Савицкая («Последний богатырь») шомил карда шудаанд.

“Известия” қаблан хабар дода буд, ки муҷрии собиқи барномаи “Орёл и решка”, видеоблогери украинӣ Антон Птушкинро низ барои 50 сол аз ҳаққи вуруд ба Русия маҳрум кардаанд.

Мақомоти Маскав расман дар ин бора ягон шарҳ надодаанд, вале сабаби аз ҳаққи вуруд ба Русия маҳрум кардани ин ситораҳои украинӣ метавонад интиқоди онҳо аз ҷанги Русия ба зидди Украина метавонад бошад.

Русия рӯзи 24 феврали соли 2022 амалиёти ҳарбиаш ба зидди Украина оғоз кард. Тайи қариб ду моҳи задухӯрдҳо байни нирӯҳои ду кишвар аз ҳарду тараф чандин ҳазор нафар кушта шуданд. Украина ахиран ҳалокати ҳудуди 3 ҳазор низомиашро дар ҷанг бо Русия тасдиқ кард. Русия баъди 6 рӯзи аввали ҷанг ҳалокати 498 низомиашро дар Украина тасдиқ кард, вале баъди моҳи март ҳама гуна маълумот дар бораи талафоташро муҳри махфӣ гузоштааст.

Агар Шумо шоҳиди ҳодисаи ҷолибе шудед, видео ва акс бигиред ва бо ин шумора ба “Бомдод” фиристед. Шумораи мо (WhatsApp, Viber, IMO, Telegram): +420 777 404 854

Назари Шумо чист?

Шарҳҳое, ки дар он таҳқиру дашном ва ё иттилооти дурӯғ бошад, нашр карда намешаванд!

Back to top button