4 ДУЗДӢ ДАР КӮЛОБУ МӮЪМИНОБОД ВА ЁВОНУ ТУРСУНЗОДА ВА ҚАЛЛОБИИ ЗАНИ 35-СОЛА
Аз навори хабарҳои маркази матбуоти ВКД Тоҷикистон аз 22.05.2023
Ифшо гардидани якчанд ҷинояти дуздӣ
Ба ШВКД дар шаҳри Кулоб бо ариза марди 39-солаи сокини шаҳри мазкур муроҷиат намудааст, ки 8-уми майи соли 2023, тахминан соати 19:20-дақиқа, шахсони номаълум бо роҳи пинҳонӣ аз заминҳои чарогоҳи деҳаашон як сар чорвои калони шохдорро дуздида, аз ҷойи ҳодиса ғайб задаанд.
Зарари расонидашуда 7 ҳазору 500 сомониро ташкил медиҳад.
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 33-солаи сокини ҳамин шаҳр бо гумони содир намудани ҷинояти дуздӣ дастгир карда шуд.
Инчунин, ба ШВКД дар ноҳияи Ёвон аризаи марди 39-солаи сокини ноҳияи мазкур ворид гардидааст, ки 18-уми майи соли 2023, тахминан соатҳои 15:00 шахсони номаълум бо роҳи пинҳонӣ вориди манзили истиқоматиаш шуда, аз онҷо 5 ҳазору 500 сомониро дуздида, аз ҷойи ҳодиса ғайб задаанд.
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия ду ҷавонзани 22 ва 23-солаи сокинони ҳамин ноҳия ҳамчун гумонбар дар содир намудани ҷинояти дуздӣ дастгир карда шуданд.
Ҳамзамон, ба ШВКД дар ноҳияи Муъминобод бо ариза марди 49-солаи сокини ноҳияи мазкур муроҷиат намудааст, ки 19-уми майи соли 2023, тахминан соати 12:30-дақиқа шахсони номаълум бо роҳи пинҳонӣ аз мавзеи мазори Талак, як сар чорвои калони шохдорро дуздида, аз ҷойи ҳодиса ғайб задаанд.
Зарари расонидашуда 5 ҳазор сомониро ташкил медиҳад.
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 35-солаи сокини ҳамин ноҳия бо гумони содир намудани ҷинояти дуздӣ дастгир карда шуд.
Ҳамин тариқ, дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 47-солаи сокини шаҳри Турсунзода ҳамчун гумонбар дар содир намулдани ҷинояти дуздӣ дастгир карда шуд.
Номбурда, 20-уми майи соли 2023, тахминан соати 10:40-дақиқа бо тариқи пинҳонӣ ба дукони фурӯши телефонҳои мобилиаш, воқеъ дар бозори марказии шаҳри Турсунзода, ки ба ҷавони 25-солаи сокини шаҳри мазкур тааллуқ дорад даромада, аз он ҷо 1-адад телефони мобилии тамғаи “Айфон-11”-ро бо симкорташ дуздида, аз ҷойи ҳодиса ғайб задааст.
Оид ба ин ҳодисаҳо тафтишот идома дорад.
Ошкор гардидани қаллобии зани 35-сола
Ба ШВКД дар ноҳияи И.Сомонӣ аризаи марди 38-солаи сокини ноҳияи мазкур ворид гардидааст, ки моҳи июли 2020, зани 35-солаи сокини ҳамин ноҳия бо роҳи фиреб ба бовариаш даромада, аз ӯ 5 ҳазор доллари амрикоӣ гирифта ваъда додааст, ки дар муддати 20 рӯз бармегардонад, аммо номбурда ваъдаашро иҷро накарда, маблағашро то ҳол барнагардонидааст.
Аз рӯи ҳодисаи мазкур тафтишот идома дорад.