ДАР КӮЧАИ ИСПЕЧАКИ ДУШАНБЕ НОБОЛИҒИ 14-СОЛА МАРДИ 42-СОЛАРО КОРД ЗАДААСТ
Аз навори хабарҳои маркази матбуоти ВКД Тоҷикистон аз 24.04.2023
Бо корд захмӣ гардидани марди 42-сола аз ҷониби ноболиғи 14-сола
Зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия ноболиғи 14-солаи сокини шаҳри Душанбе бо гумони қасдан расонидани зарари вазнин ба саломатӣ дастгир карда шуд.
Номбурда, 22-юми апрели соли 2023, тахминан соати 01:00, ҳангоми дар кӯчаи Испечаки пойтахт қарор доштанаш, бе ягон асос бо марди 42-солаи сокини ҳамон ҷо ҷангу ҷанҷол карда, бо корд 1 маротиба ба шикамаш задааст.
Дар натиҷа, ҷабрдида ҷароҳати вазнини ҷисмонӣ бардошта, дар беморхона бистарӣ гардидааст.
Оид ба ин ҳодиса тафтишот идома дорад.
Ошкор шудани ҷиноятҳои дуздӣ
Ба ШВКД-1 дар ноҳияи Шоҳмансур аризаи марди 26-солаи сокини ноҳияи мазкур ворид гардидааст, ки 14-уми апрели соли 2023, шахсони номаълум бо роҳи пинҳонӣ автомашинаи тамғаи «Лексус ЭС»-ро шикаста аз онҷо 13 ҳазору 450 сомониро дуздида аз ҷойи ҳодиса ғайб задаанд.
Зарари расонидашуда 18 ҳазору 200 сомониро ташкил медиҳад.
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия ноболиғи 15-солаи сокини шаҳри Ваҳдат бо гумони дуздӣ дастгир карда шуд.
Инчунин, дар натиҷаи баргузор намудани чорабиниҳои оперативӣ-ҷустуҷӯӣ аз ҷониби кормандони милитсия марди 33-солаи сокини шаҳри Исфара, ки пеш бо моддаи 244 қисми 4 Кодекси ҷиноятии Ҷумҳурии Тоҷикистон суд шудааст, ҳамчун гумонбар дар содир намудани ҷинояти дуздӣ дастгир карда шуд.
Номбурда, 21-уми апрели соли 2023, тахминан соати 14:30-дақиқа бо роҳи пинҳонӣ ба хонаи истиқоматии марди 33-солаи сокини ноҳияи Спитамен даромада, аз он ҷо 4 ҳазору 200 сомониро дуздида, аз ҷойи ҳодиса ғайб задааст.
Нисбати гумонбаршаванда парвандаи ҷиноятӣ бо моддаи 244 қисми 2 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.
Ифшо гардидани кирдори қаллобии марди 47-сола
Ба ШВКД-2 дар ноҳияи Сино бо ариза зани 65-солаи сокини ноҳияи мазкур муроҷиат намудааст, ки моҳи марти соли 2016, дар кӯчаи Испечаки шаҳри Душанбе марди 47-солаи сокини ноҳияи мазкур бо роҳи фиреб ба бовариаш даромада, аз ӯ маротибаи аввал 1 ҳазору 500 доллари амрикоӣ гирифта ваъда додааст, ки дар муддати кутоҳ бармегардонад, аммо номбурда ваъдаашро иҷро накарда, маротибаи 2-юм аз ҷабрдида 18 ҳазору 500 доллари амрикоӣ гирифта то ҳол маблағҳояшро барнагардонидааст.
Аз рӯи ин ҳодиса тафтишот идома дорад.