ДУЗДИИ ЛИБОСИ КӮДАКОНА АЗ ЯК МАҒОЗА ДАР ПОЙТАХТ ВА ҒОРАТИ ҶАВОНЗАН ДАР ВАҲДАТ
Сокини 30-солаи ноҳияи Сино бо гумони дуздии либоси кӯдакона ба маблағи 30 ҳазор сомонӣ аз анбори як мағоза дастгир шудааст.
ххххххххххх
Ҷавони 23-солаи сокини шаҳри Ваҳдат ба он гумонбар мешавад, ки шоми 13 феврал дар дохили мошини такси аз дасти як ҷавонзани 19-сола телефонашро ба зӯрӣ кашида гирифтааст.
Аз навори хабарҳои маркази матбуоти ВКД Тоҷикистон аз 17.02.2023
Боздошт гардидани марди 30-сола бо ҷурми дуздии либосҳои кӯдакона
Ба ШВКД-2 дар ноҳияи Сино аризаи марди 28-солаи сокини ноҳияи мазкур ворид гардидааст, ки моҳи сентябри соли 2021 шахсони номаълум бо роҳи пинҳонӣ аз анборхонаи мағозааш либосҳои кӯдаконаро дуздида, аз ҷойи ҳодиса ғайб задаанд.
Зарари расонидашуда 30 ҳазор сомониро ташкил медиҳад.
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 30-солаи сокини ҳамин ноҳия ҳамчун гумонбар дар содир намудани ҷинояти дуздӣ дастгир карда шуд.
Оид ба ин ҳодиса тафтишот идома дорад.
Тасарруфи телефони мобилӣ бо роҳи зӯроварӣ
Ба ШВКД дар шаҳри Ваҳдат бо ариза ҷавонзани 19-солаи сокини шаҳри мазкур муроҷиат намудааст, ки 13-уми феврали соли 2023, тахминан соати 17:30-дақиқа, ҳангоми дар автомашинаи кироякаши тамғаи “Опел” нишастанаш, як шахси ношинос бо тахаллуси “Беҳрӯз” ном шахс ӯро бе ягон асос дашномҳои қабеҳ дода, бо зӯроварӣ аз дасташ телефони мобилии тамғаи “Редми 9 С”-ро тасарруф намуда аз ҷойи ҳодиса ғайб задааст.
Зарари расонидашуда 2 ҳазор сомониро ташкил медиҳад.
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия муайян карда шуд, ки ҷинояти мазкурро ҷавони 23-солаи сокини ҳамин шаҳр содир намудааст.
Оид ба ин ҳодиса тафтишот идома дорад.