ОШКОР ШУДАНИ ДУЗДИҲО ДАР БОЗОРИ “САХОВАТ” ВА МАҒОЗАИ “ГАНҶ”
Аз навори хабарҳои маркази матбуоти ВКД Тоҷикистон аз 24.07.2023
Ба ШВКД-1 дар ноҳияи Фирдавсӣ ба ариза марди 27-солаи сокини ноҳияи мазкур муроҷиат намудааст, ки 12-уми июни соли 2023, тахминан соати 16:40-дақиқа, ҷавони 22-солаи сокини ноҳияи Рудакӣ, ки пеш бо моддаи 159 қисми 2 Кодекси ҷиноятии Федератсияи Россия суд шудааст, бо роҳи пинҳонӣ аз дохили автомашинаи тамғаи “ФОТОН”, ки дар назди бозори “Саховат” беназорат меистод, 9 ҳазору 700 сомониро дуздида, аз ҷойи ҳодиса ғайб задааст.
Инчунин, ба ШВКД-1 дар ноҳияи Сино аризаи зани 27-солаи сокини шаҳри Турсунзода ворид гардидааст, ки 19 ба 20-уми июли соли 2023, тахминан соати 01:30-дақиқа, марди 34-солаи сокини пойтахт бо роҳи пинҳонӣ 1-адад телефони мобилиаш тамғаи «Самсунг», ки арзишаш 2 ҳазору 500 сомониро ташкил медиҳад, дуздида, аз ҷойи ҳодиса ғайб задааст.
Ҳамин тариқ, зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия муайян карда шуд, ки ноболиғи 17-солаи сокини шаҳри Душанбе моҳи апрели соли 2022, бо ҳамроҳии рафиқаш “Меҳроб” ном шахс бо роҳи пинҳонӣ ба мағозаи «Ганҷ», ки ба марди 33-солаи сокини пойтахт тааллуқ дорад, даромада, аз хазинаи мағозаи мазкур 12 ҳазор сомониро дуздида, аз ҷойи ҳодиса ғайб задаанд.
Барои муайян ва дастгир намудани “Меҳроб” ном шахс чорабиниҳои оперативӣ-ҷустуҷӯӣ аз ҷониби кормандони милитсия идома дорад.
Оид ба ин ҳодисаҳо тафтишот давом дорад.