АЗ 1 ИЮЛ МАОШУ НАФАҚАҲОРО ДАР ТОҶИКИСТОН 20 ФОИЗ БОЛО МЕБАРАНД
Аз 1 июли соли 2023 ҳаҷми маоши кормандони давлатӣ ва нафақаҳо дар Тоҷикистон аз 20 то 25 фоиз боло бурда мешаванд. Президенти Тоҷикистон Эмомалӣ Раҳмон ҳанӯз рӯзи 6 феврали соли 2023 бо имзои як фармон амр дод, ки “бо мақсади баланд бардоштани сатҳи некуаҳволӣ ва таъмини ҳифзи иҷтимоии аҳолӣ” аз 1 марти соли ҷорӣ маоши вазифавӣ (меъёрҳои тарифӣ)-и хизматчиёни ҳарбӣ, кормандони мақомоти ҳифзи ҳуқуқ ба андозаи 25 фоиз ва кормандони дигари ин мақомот ба андозаи 20 фоиз зиёд карда шуда, аз 1 июли соли 2023 маоши вазифавии кормандони ташкилотҳои соҳаи маориф, илм, тандурустӣ ва ҳифзи иҷтимоӣ, ҳаҷми стипендияҳои донишҷӯён ва нафақаи заминавӣ ва дигар нафақаҳои мавҷуда 20 фоиз боло бурда шаванд. Ҳамчунин нафақаҳои суғуртавӣ низ бояд аз 1 июл 16 фоиз индексатсия карда шаванд.
Ба ҳукумати Тоҷикистон амр дода шуда буд, то хароҷоти вобаста ба афзоиши маошу нафақаҳоро дар сохтори буҷаи давлатӣ аз нави ҳисобу китоб кунанд ва дар зарфи як моҳи оянда аз ҳисоби буҷа манбаъҳои боло бурдани маошу нафақаҳоро муайян ва ҳисобу китоб кунанд.
Дар соли 2023 боло бурдани ҳаҷми маошу нафақаҳо ва стипендияҳо аз ҷумлаҳои ваъдаҳои президент Эмомалӣ Раҳмон буд, ки 23 декабри соли 2022 дар паёми солонааш баён дошт.
Бар асоси фармони президент аз 6 феврал, аз 1 марти соли 2023 маоши вазифавии хизматчиёни ҳарбӣ, кормандони ҳифзи ҳуқуқ ба андозаи 25 фоиз ва дигар кормандони ин мақомот ба андозаи 20 фоиз ва аз 1 июли соли 2023 музди меҳнати вазифавии кормандони муассисаҳои маориф, илм, тандурустӣ, соҳаи ҳифзи иҷтимоӣ ба андозаи 20 фоиз зиёд карда мешавад.
Инчунин аз 1 июли соли 2023 нафақаи заминавӣ 20 фоиз зиёд карда шуда, ба андозаи 250 сомонӣ муқаррар карда мешавад.
Нафақаҳои суғуртавӣ, ки дар асоси Қонуни Ҷумҳурии Тоҷикистон «Дар бораи нафақаҳои суғуртавӣ ва давлатӣ» таъин карда шудаанд, ба андозаи 16 фоиз зиёд карда мешавад.
Нафақаҳои дигари амалкунанда, ки дар асоси қонунҳои Ҷумҳурии Тоҷикистон «Дар бораи таъмини нафақаи шаҳрвандони Ҷумҳурии Тоҷикистон» ва «Дар бораи нафақаҳои суғуртавӣ ва давлатӣ» таъин гардидаанд, ба андозаи 20 фоиз аз меъёри нафақаи заминавӣ зиёд карда мешавад.
Мутобиқи ин фармон аз 1 июли соли 2023 стипендияҳои амалкунандаи донишҷӯён ва намудҳои дигари стипендия ба андозаи 20 фоиз зиёд карда мешавад.
Хадамоти матбуоти президент гуфт, барои амалӣ намудани зиёдшавии музди меҳнати кормандони соҳаҳои мазкур аз рӯи андозаҳои дар боло зикргардида дар соли ҷорӣ аз ҳисоби буҷети давлатӣ маблағҳои зарурӣ равона мегардад. Ин ниҳод афзуд, “анҷом додани тадбири мазкур баҳри боз ҳам беҳтар намудани сатҳи некуаҳволии аҳолӣ, бахусус дастгирии давлатии қишри осебпазири ҷомеа дар шароити кунунии ҷомеаи ҷаҳонӣ ва татбиқи ҳадафмандонаи сиёсати иҷтимоии ҳукумати Ҷумҳурии Тоҷикистон равона гардидааст”.
Дар ҳоли ҳозир, ҳаҷми маошу нафақа дар Тоҷикистон аз ҳама пасттарин дар байни кишварҳои Шӯравии собиқ ба шумор меравад. Ба ин далел, манбаи асосии таъмини рӯзгори аксари хонаводаҳо дар Тоҷикистон на маошу нафақа, балки он пулҳоест, ки муҳоҷирони тоҷик аз хориҷ, асосан аз Русия мефиристанд.
ФАРМОНИ
ПРЕЗИДЕНТИ ҶУМҲУРИИ ТОҶИКИСТОН
Дар бораи тадбирҳои тақвият бахшидани сатҳи ҳифзи иҷтимоии
аҳолӣ ва зиёд намудани маоши амалкунандаи вазифавии кормандони
ташкилотҳои буҷетӣ, андозаи нафақа ва стипендия
Бо мақсади баланд бардоштани сатҳи некуаҳволӣ ва таъмини ҳифзи иҷтимоии аҳолӣ, мутобиқи моддаҳои 147 ва 149 Кодекси меҳнати Ҷумҳурии Тоҷикистон, моддаи 12 Қонуни Ҷумҳурии Тоҷикистон «Дар бораи нафақаҳои суғуртавӣ ва давлатӣ» ва моддаи 49 Қонуни Ҷумҳурии Тоҷикистон «Дар бораи таъмини нафақаҳои хизматчиёни ҳарбӣ» фармон медиҳам:
1. Аз 1 марти соли 2023:
– маоши вазифавӣ (меъёрҳои тарифӣ)-и хизматчиёни ҳарбӣ, кормандони мақомоти ҳифзи ҳуқуқ ба андозаи 25 фоиз ва кормандони дигари ин мақомот ба андозаи 20 фоиз зиёд карда шавад;
– маоши заминавӣ барои ҳисоб намудани коэффитсиентҳо барои рутбаҳои ҳарбии хизматчиёни ҳарбӣ ва махсуси кормандони мақомоти ҳифзи ҳуқуқ аз рутбаи қаторӣ то лейтенант 995 сомонӣ ва аз рутбаи лейтенанти калон то генерали артиш 895 сомонӣ муқаррар карда шавад;
– андозаи маоши заминавӣ ҳамчун асоси коэффитсиентҳои тарифӣ барои хизматчиёни давлатӣ, ки дар сохторҳои ҳарбӣ ва мақомоти ҳифзи ҳуқуқ фаъолият менамоянд, аз ҷумла мансабҳои маъмурии категорияҳои олӣ, якум, дуюм, сеюм, чоруми хизмати давлатӣ ба андозаи 895 сомонӣ ва барои мансабҳои маъмурии категорияҳои панҷум, шашум, ҳафтуми хизмати давлатӣ ба андозаи 995 сомонӣ муқаррар карда шавад.
2. Аз 1 июли соли 2023:
– маоши вазифавии кормандони ташкилотҳои соҳаи маориф, илм, тандурустӣ ва ҳифзи иҷтимоӣ 20 фоиз зиёд карда шавад;
– андозаи маоши заминавӣ барои ҳисоб намудани маоши вазифавии кормандони ташкилотҳои соҳаи тандурустӣ 20 фоиз зиёд карда шуда, 440 сомонӣ муқаррар карда шавад;
– стипендияҳои амалкунандаи донишҷӯён ва намудҳои дигари стипендия (ба ғайр аз стипендияҳои президентӣ ва курсантҳои муассисаҳои олии ҳарбӣ ва Академияи Вазорати корҳои дохилии Ҷумҳурии Тоҷикистон) ба андозаи 20 фоиз зиёд карда шаванд;
– нафақаи заминавӣ 20 фоиз зиёд карда шуда, ба андозаи 250 сомонӣ муқаррар карда шавад;
– нафақаҳои суғуртавӣ, ки дар асоси Қонуни Ҷумҳурии Тоҷикистон «Дар бораи нафақаҳои суғуртавӣ ва давлатӣ» таъин карда шудаанд, ба андозаи сатҳи таварруми ду соли охир баробари 16 фоиз индексатсия карда шаванд;
– нафақаҳои дигари амалкунанда, ки дар асоси қонунҳои Ҷумҳурии Тоҷикистон «Дар бораи таъмини нафақаи шаҳрвандони Ҷумҳурии Тоҷикистон» ва «Дар бораи нафақаҳои суғуртавӣ ва давлатӣ» таъин гардидаанд, ба андозаи 20 фоиз аз меъёри нафақаи заминавӣ баробар ба 50 сомонӣ зиёд карда шаванд.
3. Ҳукумати Ҷумҳурии Тоҷикистон ва мақомоти иҷроияи маҳаллии ҳокимияти давлатӣ:
– амалигардонии фармони мазкурро дар соли 2023 аз ҳисоби маблағҳои дар буҷети давлатии Ҷумҳурии Тоҷикистон барои маблағгузории фонди музди меҳнат ва таъминоти нафақа пешбинишуда, маблағҳои бақияи озод, иҷрои барзиёди даромади буҷетҳои ҷумҳуриявӣ, маҳаллӣ ва суғуртаи иҷтимоӣ ва нафақа, инчунин аз ҳисоби сарфаи моддаҳои ҳимояшавандаи буҷет, азнавтақсимкунии моддаҳои дигари хароҷот ва маблағҳои махсуси ташкилотҳои буҷетӣ таъмин намоянд;
– дар муҳлати як моҳ санадҳои худро ба фармони мазкур мутобиқ намоянд;
– ҳисобкунии музди миёнаи меҳнатро барои пардохти рухсатиҳои меҳнатӣ, кумакпулӣ дар вақти аз кор рафтан, кумакпулӣ барои корношоямии муваққатӣ ва ҳолатҳои дигаре, ки ба пардохти музди миёнаи меҳнат алоқаманданд (ба ғайр аз нафақа), мутобиқи Тартиби ҳисоб кардани музди миёнаи меҳнати корманд дар ҳамаи ҳолатҳо (пардохти кафолатнок ҳангоми иҷрои вазифаҳои давлатӣ ё ҷамъиятӣ, ҳангоми пардохти музди муҳлати рухсатӣ, ҳангоми пардохти музди меҳнати давраи гузаронидан ба кори дигар), ба ғайр аз музди миёнаи меҳнат ҳангоми таъйин намудани нафақа, ки бо қарори Ҳукумати Ҷумҳурии Тоҷикистон аз 1 июни соли 2007, №313 тасдиқ шудааст, амалӣ намоянд.
Президенти
Ҷумҳурии Тоҷикистон Эмомалӣ Раҳмон
ш. Душанбе
6 феврали соли 2023
№526
Шарҳи фармони Президенти Ҷумҳурии Тоҷикистон «Дар бораи тадбирҳои тақвият бахшидани сатҳи ҳифзи иҷтимоии аҳолӣ ва зиёд намудани маоши амалкунандаи вазифавии кормандони ташкилотҳои буҷетӣ, андозаи нафақа ва стипендия» аз 06.02.2023, №526
Президенти Ҷумҳурии Тоҷикистон муҳтарам Эмомалӣ Раҳмон дар Паём ба Маҷлиси Олии Ҷумҳурии Тоҷикистон 23 декабри соли 2022 бо мақсади беҳтар намудани вазъи иҷтимоии аҳолӣ зиёд намудани маоши вазифавии хизматчиёни ҳарбӣ, кормандони мақомоти ҳифзи ҳуқуқ, кормандони муассисаҳои соҳаи маориф, илм, тандурустӣ ва ҳифзи иҷтимоӣ, андозаи нафақа ва стипендияро зарур шумориданд.
Дар ин робита фармони Президенти Ҷумҳурии Тоҷикистон «Дар бораи тадбирҳои тақвият бахшидани сатҳи ҳифзи иҷтимоии аҳолӣ, зиёд намудани маоши амалкунандаи вазифавии хизматчиёни давлатӣ, кормандони ташкилотҳои буҷетӣ, андозаи нафақа ва стипендия» 6 феврали соли 2023, №526 ба тасвиб расида, тибқи он аз 1 марти соли 2023 маоши вазифавии хизматчиёни ҳарбӣ, кормандони ҳифзи ҳуқуқ ба андозаи 25 фоиз ва дигар кормандони ин мақомот ба андозаи 20 фоиз ва аз 1 июли соли 2023 музди меҳнати вазифавии кормандони муассисаҳои маориф, илм, тандурустӣ, соҳаи ҳифзи иҷтимоӣ ба андозаи 20 фоиз зиёд карда мешавад.
Инчунин аз 1 июли соли 2023 нафақаи заминавӣ 20 фоиз зиёд карда шуда, ба андозаи 250 сомонӣ муқаррар карда мешавад.
Нафақаҳои суғуртавӣ, ки дар асоси Қонуни Ҷумҳурии Тоҷикистон «Дар бораи нафақаҳои суғуртавӣ ва давлатӣ» таъин карда шудаанд, ба андозаи 16 фоиз зиёд карда мешавад.
Нафақаҳои дигари амалкунанда, ки дар асоси қонунҳои Ҷумҳурии Тоҷикистон «Дар бораи таъмини нафақаи шаҳрвандони Ҷумҳурии Тоҷикистон» ва «Дар бораи нафақаҳои суғуртавӣ ва давлатӣ» таъин гардидаанд, ба андозаи 20 фоиз аз меъёри нафақаи заминавӣ зиёд карда мешавад.
Мутобиқи ин фармон аз 1 июли соли 2023 стипендияҳои амалкунандаи донишҷӯён ва намудҳои дигари стипендия ба андозаи 20 фоиз зиёд карда мешавад.
Барои амалӣ намудани зиёдшавии музди меҳнати кормандони соҳаҳои мазкур аз рӯи андозаҳои дар боло зикргардида дар соли ҷорӣ аз ҳисоби буҷети давлатӣ маблағҳои зарурӣ равона мегардад.
Анҷом додани тадбири мазкур баҳри боз ҳам беҳтар намудани сатҳи некуаҳволии аҳолӣ, бахусус дастгирии давлатии қишри осебпазири ҷомеа дар шароити кунунии ҷомеаи ҷаҳонӣ ва татбиқи ҳадафмандонаи сиёсати иҷтимоии Ҳукумати Ҷумҳурии Тоҷикистон равона гардидааст.
В ТАДЖИКИСТАНЕ ЗАРПЛАТЫ, ПЕНСИИ И СТИПЕНДИИ ПОДНИМУТ НА 20-25%
УКАЗ
ПРЕЗИДЕНТА РЕСПУБЛИКИ ТАДЖИКИСТАН
О мерах по усилению уровня социальной защиты населения и
увеличению действующих должностных окладов работников бюджетных
организаций, размеров пенсий и стипендий
В целях повышения уровня благосостояния и обеспечения социальной защиты населения, в соответствии со статями 147 и 149 Трудового кодекса Республики Таджикистан, статьей 12 Закона Республики Таджикистан «О страховых и государственных пенсиях» и статьей 49 Закона Республики Таджикистан «О пенсионном обеспечении военнослужащих» постановляю:
1. С 1 марта 2023 года:
– увеличить должностные оклады (тарифные ставки) военнослужащих, работников правоохранительных органов на 25 процентов и других работников этих органов на 20 процентов;
– установить базовый оклад для расчета коэффициентов для воинских званий военнослужащих и специальных званий сотрудников правоохранительных органов от звания рядового до лейтенанта 995 сомони и от звания старшего лейтенанта до генерала армии 895 сомони;
– установить размер базового оклада как основу тарифных коэффициентов для государственных служащих, работающих в военных структурах и правоохранительных органах, в том числе административных должностей высшей, первой, второй, третьей, четвертой категорий государственной службы в размере 895 сомони и для административных должностей пятой, шестой и седьмой категорий государственной службы в размере 995 сомони.
2. С 1 июля 2023 года:
– увеличить должностные оклады работников организаций сферы образования, науки, здравоохранения, социальной защиты на 20 процентов;
– увеличить размер базового оклада для расчёта должностного оклада работников организаций сферы здравоохранения на 20 процентов и установить в сумме 440 сомони;
– увеличить действующие стипендии студентов и другие виды стипендий (кроме президентских стипендий и курсантов высших военных учебных заведений и Академии Министерства внутренних дел Республики Таджикистан) в размере 20 процентов;
– увеличить базовую пенсию на 20 процентов и установить в размере 250 сомони;
– страховые пенсии, назначенные на основании Закона Республики Таджикистан «О страховых и государственных пенсиях», проиндексировать в размере уровня инфляции последних двух лет на 16 процентов;
– размеры других действующих пенсий, назначенных на основании законов Республики Таджикистан «О пенсионном обеспечении граждан Республики Таджикистан» и «О страховых и государственных пенсиях», увеличить на 20 процентов от размера базовой пенсии равную 50 сомони.
3. Правительству Республики Таджикистан и местным исполнительным органам государственной власти:
– обеспечить реализацию настоящего указа в 2023 году за счёт средств, предусмотренных в государственном бюджете Республики Таджикистан для оплаты фонда заработной платы и пенсионного обеспечения, средств свободных остатков, перевыполнения доходов республиканского, местных бюджетов и бюджета социального страхования и пенсий, а также за счёт экономии защищённых статей бюджета, перераспределения других статей расходов и специальных средств бюджетных организаций;
– в месячный срок привести свои акты в соответствие с настоящим указом;
– исчисление среднего заработка для оплаты трудовых отпусков, пособий при увольнении, пособий по временной нетрудоспособности и в других случаях, связанных с выплатой средней заработной платы (кроме пенсии), производить согласно Порядку исчисления среднего заработка, причитающегося работнику во всех случаях (производство гарантийных выплат при выполнении государственных или общественных обязанностей, при оплате времени отпуска, при выплате заработка за время перевода на другую работу), за исключением среднего заработка при назначении пенсии, утверждённому постановлением Правительства Республики Таджикистан от 1 июня 2007 года, №313.
Президент
Республики Таджикистан Эмомали Рахмон
г.Душанбе
6 февраля 2023 года
№526
Комментарий к Указу Президента Республики Таджикистан «О мерах по усилению уровня социальной защиты населения и увеличению действующих должностных окладов работников бюджетных организаций, размеров пенсий и стипендий» от 06.02.2023 года, № 526
Президент Республики Таджикистан уважаемый Эмомали Рахмон в Послании Маджлиси Оли Республики Таджикистан от 23 декабря 2022 года с целью улучшения социального положения населения подчеркнул необходимость увеличения должностных окладов военнослужащих, сотрудников правоохранительных органов, работников учреждений сфер образования и науки, здравоохранения и социальной защиты, размера пенсий и стипендий.
В связи с этим от 6 февраля 2023 года за № 526 утвержден Указ Президента Республики Таджикистан «О мерах по усилению уровня социальной защиты населения и увеличению действующих должностных окладов работников бюджетных организаций, размеров пенсий и стипендий», в соответствии с которым с 1 марта 2023 года должностные оклады военнослужащих, сотрудников правоохранительных органов будут увеличены на 25 процентов и других работников этих органов — на 20 процентов, а с 1 июля 2023 года должностные оклады сотрудников учреждений сфер образования и науки, здравоохранения и социальной защиты будут увеличены на 20 процентов.
Также с 1 июля 2023 года базовая пенсия будет увеличена на 20 процентов и будет установлена в размере 250 сомони.
Страховые пенсии, назначенные на основании Закона Республики Таджикистан «О страховых и государственных пенсиях», будут повышены на 16 процентов.
Другие действующие пенсии, назначенные на основании законов Республики Таджикистан «О пенсионном обеспечении граждан Республики Таджикистан» и «О страховых и государственных пенсиях», будут увеличены на 20 процентов от размера базовой пенсии.
Согласно этому Указу, с 1 июля 2023 года действующие студенческие стипендии и другие виды стипендий будут увеличены на 20 процентов.
С целью повышения заработной платы работников этих сфер по вышеуказанным показателям из государственного бюджета в текущем году будут выделены необходимые средства.
Осуществление этой меры направлено на дальнейшее повышение уровня благосостояния населения, прежде всего, на государственную поддержку уязвимых слоев общества в современных условиях мирового сообщества и целенаправленную реализацию социальной политики Правительства Республики Таджикистан.