ДУЗДИИ ДУЧАРХА ДАР ПОЙТАХТ ВА БОЗДОШТИ СОКИНИ АЙНӢ БАРОИ 3 ҲАЗОР ДОЛЛАР
Аз навори хабарҳои маркази матбуоти ВКД Тоҷикистон аз 08.04.2023
Ба даст афтодани марди дучархадузд
Ба ШВКД-1 дар ноҳияи Сино аризаи марди 29-солаи сокини ноҳияи мазкур ворид гардидааст, ки 11-уми марти соли 2023, тахминан соати 10:20-дақиқа, шахсони номаълум бо роҳи пинҳонӣ аз кӯчаи Р.Набиеви пойтахт 1-адад дучархаашро дуздида, аз ҷойи ҳодиса ғайб задаанд.
Зарари расонидашуда 2 ҳазору 800 сомониро ташкил медиҳад.
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 28-солаи сокини ҳамин ноҳия бо гумони содир намудани ҷинояти дуздӣ дастгир карда шуд.
Аз рӯи ин ҳодиса тафтишот идома дорад.
Ошкор гардидани амали қаллобӣ
Парвандаи ҷиноятӣ бо моддаи 247 қисми 2 Кодекси ҷиноятии Ҷумҳурии Тоҷикистон нисбати марди 31-солаи сокини ноҳияи Айнӣ оғоз карда шудааст.
Номбурда, 22-юми феврали соли 2023, бо роҳи фиреб ба боварии зани 38-солаи сокини шаҳри Хуҷанд даромада, бо баҳонаи аз ҷавобгарии ҷиноятӣ озод намудан, аз ӯ ба маблағи 3 ҳазор доллари амрикоӣ гирифта, ба манфиати худаш сарф намудааст.
Оид ба ин ҳодиса тафтишот идома дорад.