ҒОРАТГАР ШАБОНА АНГУШТАРИ ТИЛЛО ВА ТЕЛЕФОНИ СОКИНИ ПОЙТАХТРО КАШИДА ГИРИФТААСТ
Аз навори хабарҳои маркази матбуоти ВКД Тоҷикистон аз 15.03.2023
Боздошт гардидани марди ғоратгар
Ба ШВКД-1 дар ноҳияи Шоҳмансур аризаи марди 36-солаи сокини ноҳияи мазкур ворид гардидааст, ки 1-уми феврали соли 2023, тахминан соатҳои 22:20-дақиқа, ҳангоми дар истгоҳи назди бинои “Ватан”-и пойтахт қарор доштанаш, бо роҳи ошкоро ва зӯроварӣ марди 36-солаи сокини ҳамин ноҳия 1-адад ангуштарини тиллоӣ ва 1-адад телефони мобилии тамғаи “Редми Нот-9”-ашро тасарруф намуда, аз ҷойи ҳодиса ғайб задааст.
Зарари расонидашуда 5 ҳазору 900 сомониро ташкил медиҳад.
Аз рӯи ин ҳодиса тафтишот идома дорад.
Ифшо гардидани ҷиноятҳои дуздӣ
Ба ШВКД дар шаҳри Ҳисор бо ариза марди 41-солаи сокини шаҳри мазкур муроҷиат намудааст, ки 12-уми марти соли 2023, ҳангоми дар боғи фарҳангӣ-фароғатии шаҳри Ҳисор қарор доштанаш, шахсони номаълум бо роҳи пинҳонӣ аз ҷайбаш 1-адад телефони мобилии тамғаи “Редми-6” ва 650 сомониашро дуздида аз ҷойи ҳодиса ғайб задаанд.
Зарари расонидашуда 5 ҳазору 600 сомониро ташкил медиҳад.
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия ноболиғи 15-солаи сокини ҳамин шаҳр бо гумони содир намудани ҷинояти дуздӣ дастгир карда шуд.
Инчунин, дар натиҷаи баргузор намудани чорабиниҳои опертавӣ-ҷустуҷӯӣ аз ҷониби кормандони милитсия марди 28-солаи сокини шаҳри Душанбе бо гумони содир намудани ҷинояти дуздӣ дастгир карда шуд.
Номбурда моҳи октябри соли 2022 бо роҳи пинҳонӣ вориди манзили истиқоматии зани 34-солаи сокини пойтахт шуда, аз онҷо 4 ҳазору 800 сомониро дуздида аз ҷойи ҳодиса ғайб задааст.
Ҳамзамон, номбарда моҳи декабри соли 2022 бо роҳи пинҳонӣ вориди утоқи кории марди 32-солаи сокини шаҳри Душанбе, ки дар кӯчаи С.Шерозӣ воқеъ мебошад, аз дохили кашаки ҷевони оҳанин дар 4 марҳила 30 ҳазору 500 сомониро дуздида аз ҷойи ҳодиса ғайб задааст.
Аз рӯи ҳодисаҳои мазкур тафтишот идома дорад.
Даст задани зани 45-сола ба ҷинояти қаллобӣ
Ба ШВКД-2 дар ноҳияи Шоҳмансур аризаи зани 60-солаи сокини ноҳияи мазкур ворид гардидааст, ки моҳи октябри соли 2022 зани 45-солаи сокини ноҳияи Б.Ғафуров бо роҳи фиреб ба бовариаш даромада, аз ӯ 500 доллари амрикоӣ гирифта, аз ҷойи ҳодиса ғайб задааст.
Оид ба ин ҳодиса тафтишот идома дорад.