ВидеоХабарҳои кӯтоҳ
ЯК ҶАВОН АЗ ПЕШИ БОЗОРИ “МЕҲРГОН” “ЛЕКСУС”-РО “ҒАЙРИҚОНУНӢ ҲАЙ КАРДА БУРДААСТ”
Маркази матбуоти ВКД Тоҷикистон хабар дод, ки дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия ҷавони 25-солаи сокини шаҳри Душанбе, бо гумони ғайриқонунӣ ҳай карда бурдани воситаи нақлиёт дастгир карда шуд.
Бино ба иттилои мақомот, ин ҷавон рӯзи 20-уми апрели соли 2022, тахминан соати 14:00, ҳангоми дар истгоҳи бозори “Меҳргон”-и пойтахт қарор доштанаш, бо роҳи пинҳонӣ автомашинаи тамғаи “Лексус”-ро ки ба ҷавони 26-солаи сокини ш.Душанбе тааллуқ дорад, ғайриқонунӣ ҳай карда, ба самти номаълум бурдааст.
Аз рӯи ин ҳодиса тафтишот идома дорад.