ҚАЛЛОБӢ БА МАБЛАҒИ 120 ҲАЗОР ДОЛЛАР ВА АВБОШӢ ДАР ДОХИЛИ МОШИНИ “МЕРСЕДЕС”
Сокини 51-солаи шаҳри Истаравшан ба он гумонбар мешавад, ки ҳанӯз соли 2013 аз як сокини шаҳри Ҳисор барои тиҷорат 120 ҳазор доллар гирифта, инак 10 сол боз барнамегардонад.
ххххххххххххххх
Сокини 28-солаи Душанбе ба он гумонбар мешавад, ки рӯзи 1 январ, соати 15:10 дар дохили мошини “Мерседес” ба пойи рости сокини 37-солаи Турсунзода як зарбаи корд задааст.
Аз навори хабарҳои маркази матбуоти ВКД Тоҷикистон аз 03.01.2023
Ошкор шудани ҳолати қаллобӣ
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 51-солаи сокини шаҳри Истаравшан бо гумони қаллобӣ дастгир карда шуд.
Номбурда, моҳи марти соли 2013 бо роҳи фиреб ба боварии марди 48-солаи сокини шаҳри Ҳисор даромада, аз ӯ барои тиҷорат 120 ҳазор доллари амрикоӣ гирифта, то ҳол маблағашро барнагардонидааст.
Аз рӯи ин ҳодиса тафтишот идома дорад.
Авбошӣ дар дохили автомашина
Ба ШВКД-1 дар ноҳияи Шоҳмансур бо ариза марди 37-солаи сокини шаҳри Турсунзода муроҷиат намудааст, ки 1-уми январи соли 2023, тахминан соати 15:10-дақиқа, дар дохили автомашинаи тамғаи «Мерседес Бенс», марди 28-солаи сокини шаҳри Душанбе, бо ӯ муноқиша карда бо корд як маротиба ба пойи росташ задааст.
Дар натиҷа, ҷабрдида ҷароҳати вазнини ҷисмонӣ бардошта, дар беморхона бистарӣ гардидааст.
Аз рӯи ин ҳодиса тафтишот идома дорад.