ДАЛЛАГИИ ҶАВОНЗАНИ 25-СОЛА, 2 ДУЗДӢ ДАР РӮДАКИВУ ДЕВАШТИЧ ВА 2 ҚАЛЛОБӢ ДАР ХУҶАНД
Аз навори хабарҳои маркази матбуоти ВКД Тоҷикистон аз рӯзи 19 августи соли 2024
Ифшо шудани даллагии ҷавонзани 25-сола
Зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия муайян карда шуд, ки ҷавонзани 25-солаи сокини ноҳияи Деваштич 10-уми августи соли 2024, тахминан соати 09:30-дақиқа, дар ҳудуди ноҳияи Ҷ.Расулов марди 27 ва зани 31-солаи сокинони шаҳри Гулистон ва ноҳияи Деваштичро барои алоқаи ҷинсӣ намудан шинос карда, ҳамчун мукофот 800 сомонӣ гирифтааст.
Нисбати гумонбаршаванда парвандаи ҷиноятӣ бо қисми 1 моддаи 239 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.
Боздошти ноболиғи 15-сола ва зани 27-сола бо ҷурми дуздӣ
Ба ШВКД-2 дар ноҳияи Рӯдакӣ аризаи зани 40-солаи сокини ноҳияи мазкур ворид гардидааст, ки 15-уми августи соли 2024, тахминан соати 11:30-дақиқа, шахсони номаълум бо роҳи пинҳонӣ ба хонаи истиқоматиаш даромада, аз он ҷо 11 ҳазор сомонӣ, 500 доллари амрикоӣ ва ҷавоҳироти гуногуни тиллоӣ, ки арзишашон 8 ҳазору 800 сомониро ташкил медиҳад, дуздида аз ҷойи ҳодиса ғайб задаанд.
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия муайян карда шуд, ки ин ҷиноятро ноболиғи 15-солаи сокини ҳамин ноҳия содир намудааст.
Инчунин, ба ШВКД дар ноҳияи Деваштич бо ариза зани 30-солаи сокини ҳамин ноҳия муроҷиат намудааст, ки 15-уми августи соли 2024, тахминан соати 19:30-дақиқа, шахсони номаълум бо роҳи пинҳонӣ ба хонаи истиқоматиаш даромада, аз он ҷо 3 ҳазор сомониро дуздида, аз ҷойи ҳодиса ғайб задаанд.
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия муайян карда шуд, ки ин ҷиноятро зани 27-солаи сокини ноҳияи мазкур содир намудааст.
Нисбати гумонбаршаванда парвандаи ҷиноятӣ бо қисми 2 моддаи 244 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.
Ошкор шудани ҳолатҳои қаллобӣ дар шаҳри Хуҷанд
Зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия муайян карда шуд, ки марди 48-солаи сокини шаҳри Хуҷанд коргари ҶДММ «Мабетск» соли 2015 дар маҳаллаи 19-ум дар рӯ ба рӯи «Кохи матбуот» сохтмони бинои истиқоматиро оғоз намуда, санаи 20-уми октябри соли 2015, ҳуҷраи №107, дар ошёнаи 10-уми бинои мазкурро ба масоҳати 119 метри мураббаъ бо тартиб додани шартномаи сармоягузорӣ ба марди 52-солаи сокини ноҳияи Б.Ғафуров ба маблағи 59 ҳазору 500 доллари амрикоӣ, баробар ба 390 ҳазору 915 сомонӣ фурӯхта, санаи 10-уми августи соли 2023 шартномаи сармоягузории №22-ро бекор намуда, хонаи мазкурро ба дигар кас фурӯхта, ба ҷабрдида зарари калони молиявӣ расонидааст.
Нисбати гумонбаршаванда парвандаи ҷиноятӣ бо қисми 4 моддаи 247 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.
Инчунин, ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия муайян карда шуд, ки марди 34-солаи сокини шаҳри Хуҷанд 26-уми августи соли 2019, бо роҳи фиреб ба боварии марди 42-солаи сокини шаҳри мазкур даромада, 12 ҳазору 737-адад либосҳои мактабӣ, ки арзиши умумиашон 2 миллиону 134 ҳазору 860 сомониро ташкил медиҳад, ҳамчун насия гирифта, аз он маблағ 1 миллиону 834 ҳазору 860 сомониашро баргардонида, боқимонда 300 ҳазор сомониашро то ҳол барнагардонидааст.
Нисбати гумонбаршаванда парвандаи ҷиноятӣ бо қисми 4 моддаи 247 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.