ИДОМАИ ТАҒЙИРОТИ КАДРӢ: СУХАНГӮИ ПРЕЗИДЕНТ БА НАФАҚА РАФТ
Президенти Тоҷикистон рӯзи 29 январи соли 2024 тағйироти кадрӣ дар сафҳои ҳукуматашро идома дод. Аз ҷумла бо амрҳои президент Абдуфаттоҳ Шарифзода, ки беш аз 20 сол боз сухангӯи президент буд, “бо сабаби ба нафақа баромадан” аз вазифаи роҳбари Хадамоти матбуотии Президенти Ҷумҳурии Тоҷикистон озод карда шуда, ба ҷои ӯ Заробиддин Қосимӣ сухангӯи нави президент таъйин шуд. Заробиддин Қосимӣ, ки 56 сол дошта, зодаи ноҳияи Данғара аст, дар гузашта сухангӯи вазорати дифоъ ва як муддат муовини сухангӯи президент ва мудири хабаргузории давлатии “Ховар” буд. Ӯ солҳои охир ба кори дипломатӣ гузашта, аввал сафири Тоҷикистон дар Арабистони Саудӣ ва ахиран дар Миср буд.
Ҳамчунин рӯзи 29 январ бо фармонҳои президент, Матлубахон Сатториён тарки мақоми муовини сарвазир карда, билофосила ба ҷои Зулфия Давлатзода вазири фарҳанг таъйин карда шуд.
Аммо ба ҷои худи Сатториён президент Дилрабо Мансуриро муовини сарвазир таъйин кард.
Таъйини Дилрабо Мансурӣ, устоди собиқи Донишгоҳи техникии Тоҷикистон, ки аз соли 2015 вакили Маҷлиси намояндагон ва 4 соли охир муовини раиси ин палатаи парлумон буд, иттифоқан дар рӯзе сурат гирифт, ки ӯ ба синни 50 расид. Дилрабо Мансурӣ 29 январи соли 1974 дар шаҳри Хуҷанд ба дунё омадааст.
Ҳамин тавр, бо фармонҳои президент, Саъдӣ Қодирзода аз мақоми раиси Кумитаи давлатии сармоягузорӣ ва идораи амволи давлатӣ барканор ва ба ҷои ӯ Султон Раҳимзода таъйин шуд. Раҳимзода 49 сол дошта, зодаи шаҳри Норак аст ва аз соли 2020 раҳбарии Бунёди наҷоти Аралро бар уҳда дошт.
Ҳамчунин рӯзи 29 январ бо қарорҳои ҳукумат Ҳилолбӣ Қурбонзода аз мансаби раиси кумитаи занон ва оилаи ҳукумати Тоҷикистон “бо сабаби ба кори дигар гузаштан” барканор гардида, ба ҷои ӯ Бунафша Файзиддинзода таъйин шуд. Файзиддинзода то кунун раиси шаҳри Левакант (собиқ Сарбанд ва Калининобод) дар вилояти Хатлон буд.
Ҷамшед Каримзода, Комил Гулмуродзода ва Рукмина Сафарзода аз вазифаи муовинони вазири молия низ “бо сабаби ба кори дигар гузаштан” барканор гардида, аз миёни онҳо Рукмина Сафарзода ба ҷои Шаҳло Сайфзода муовини раиси “Амонатбонк” таъйин шуд.
Ҳамчунин рӯзи 29 январ бо қарорҳои ҳукумат, Нусратулло Мирзозода аз мақоми муовини раиси Кумитаи давлатии амнияти миллӣ, Давлатзода Сайфиддин аз вазифаи ректори Донишгоҳи давлатии Бохтар ба номи Носири Хусрав, Шарифзода Мумин Машокир аз вазифаи ректори Донишгоҳи давлатии ҳуқуқ, бизнес ва сиёсати Тоҷикистон дар шаҳри Хуҷанд барканор гардиданд. Ба ҷои Мумин Шарифзода Ҳошимзода Ҳомид Ҳасан ва ба ҷои Давлатзода Қурбонзода Маҳмадалӣ Раҳмат роҳбарони нави ин ду донишгоҳ таъйин шудаанд. Ректори нави Донишгоҳи Бохтар ду соли охир раиси кумитаи иқтисод ва молияи Маҷлиси намояндагон, палатаи поёнии парлумони Тоҷикистон буд.
Сайфиддин Давлатзода баъди тарки мақоми ректорӣ билофосила раиси Комиссияи олии аттестатсионии назди Президенти Тоҷикистон таъйин шуд. Ӯ дар ин мақом Абдулҳаким Розиқзодаро иваз кард.
Ҳамчунин Амонулло Салимзода, аз хонаводаи пурнуфузи Салимзодаҳо аз ноҳияи Данғара, ки аз соли 2020 дар мақоми муовини якуми раиси вилояти Хатлон кор мекард, ба ҷои Нуралӣ Асозода президенти Академияи илмҳои кишоварзии Тоҷикистон таъин карда шуд.
ФАРМОНИ
ПРЕЗИДЕНТИ ҶУМҲУРИИ ТОҶИКИСТОН
Дар бораи аз вазифаи муовини
Сарвазири Ҷумҳурии Тоҷикистон
озод намудани Сатториён М.А.
Мутобиқи моддаи 69 Конститутсияи Ҷумҳурии Тоҷикистон фармон медиҳам:
1. Сатториён Матлубахон Амонзода бо сабаби ба кори дигар гузаштан аз вазифаи муовини Сарвазири Ҷумҳурии Тоҷикистон озод карда шавад.
2. Фармони мазкур барои тасдиқ ба Маҷлиси Олии Ҷумҳурии Тоҷикистон пешниҳод карда шавад.
Президенти
Ҷумҳурии Тоҷикистон Эмомалӣ Раҳмон
ш. Душанбе
29 январи соли 2024
№712
ФАРМОНИ
ПРЕЗИДЕНТИ ҶУМҲУРИИ ТОҶИКИСТОН
Дар бораи аз вазифаи вазири
фарҳанги Ҷумҳурии Тоҷикистон
озод намудани Давлатзода З.Д.
Мутобиқи моддаи 69 Конститутсияи Ҷумҳурии Тоҷикистон фармон медиҳам:
1. Давлатзода Зулфия Давлат бо сабаби ба кори дигар гузаштан аз вазифаи вазири фарҳанги Ҷумҳурии Тоҷикистон озод карда шавад.
2. Фармони мазкур барои тасдиқ ба Маҷлиси Олии Ҷумҳурии Тоҷикистон пешниҳод карда шавад.
Президенти
Ҷумҳурии Тоҷикистон Эмомалӣ Раҳмон
ш. Душанбе
29 январи соли 2024
№713
ФАРМОНИ
ПРЕЗИДЕНТИ ҶУМҲУРИИ ТОҶИКИСТОН
Дар бораи аз вазифаи раиси Кумитаи давлатии сармоягузорӣ
ва идораи амволи давлатии Ҷумҳурии Тоҷикистон
озод намудани Қодирзода С.С.
Мутобиқи моддаи 69 Конститутсияи Ҷумҳурии Тоҷикистон фармон медиҳам:
1. Қодирзода Саъдӣ Сангинмурод бо сабаби ба кори дигар гузаштан аз вазифаи раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон озод карда шавад.
2. Фармони мазкур барои тасдиқ ба Маҷлиси Олии Ҷумҳурии Тоҷикистон пешниҳод карда шавад.
Президенти
Ҷумҳурии Тоҷикистон Эмомалӣ Раҳмон
ш. Душанбе
29 январи соли 2024
№714
ФАРМОНИ
ПРЕЗИДЕНТИ ҶУМҲУРИИ ТОҶИКИСТОН
Дар бораи аз вазифаи Сафири Фавқулодда ва
Мухтори Ҷумҳурии Тоҷикистон дар Ҷумҳурии
Арабии Миср озод намудани Қосимӣ Заробиддин
Мутобиқи моддаи 69 Конститутсияи Ҷумҳурии Тоҷикистон фармон медиҳам:
Қосимӣ Заробиддин бо сабаби ба кори дигар гузаштан аз вазифаи Сафири Фавқулодда ва Мухтори Ҷумҳурии Тоҷикистон дар Ҷумҳурии Арабии Миср озод карда шавад.
Президенти
Ҷумҳурии Тоҷикистон Эмомалӣ Раҳмон
ш. Душанбе
29 январи соли 2024
№715
ФАРМОНИ
ПРЕЗИДЕНТИ ҶУМҲУРИИ ТОҶИКИСТОН
Дар бораи аз вазифаи раиси Муассисаи давлатии
«Комиссияи олии аттестатсионии назди Президенти Ҷумҳурии
Тоҷикистон» озод намудани Розиқзода А.Ш.
Мутобиқи моддаи 69 Конститутсияи Ҷумҳурии Тоҷикистон фармон медиҳам:
Розиқзода Абдулҳакими Шералӣ бо сабаби ба нафақа баромадан аз вазифаи раиси Муассисаи давлатии «Комиссияи олии аттестатсионии назди Президенти Ҷумҳурии Тоҷикистон» озод карда шавад.
Президенти
Ҷумҳурии Тоҷикистон Эмомалӣ Раҳмон
ш. Душанбе
29 январи соли 2024
№716
ФАРМОНИ
ПРЕЗИДЕНТИ ҶУМҲУРИИ ТОҶИКИСТОН
Дар бораи аз вазифаи Президенти Академияи
илмҳои кишоварзии Тоҷикистон
озод намудани Асозода Н.М.
Мутобиқи моддаи 69 Конститутсияи Ҷумҳурии Тоҷикистон фармон медиҳам:
Асозода Нуралӣ Маҳмадулло бо сабаби ба кори дигар гузаштан аз вазифаи Президенти Академияи илмҳои кишоварзии Тоҷикистон озод карда шавад.
Президенти
Ҷумҳурии Тоҷикистон Эмомалӣ Раҳмон
ш. Душанбе
29 январи соли 2024
№717
ФАРМОНИ
ПРЕЗИДЕНТИ ҶУМҲУРИИ ТОҶИКИСТОН
Дар бораи аз вазифаи раиси
шаҳри Леваканти вилояти Хатлон
озод намудани Файзиддинзода Б.
Мутобиқи моддаи 69 Конститутсияи Ҷумҳурии Тоҷикистон фармон медиҳам:
Файзиддинзода Бунафша бо сабаби ба кори дигар гузаштан аз вазифаи раиси шаҳри Леваканти вилояти Хатлон озод карда шавад.
Президенти
Ҷумҳурии Тоҷикистон Эмомалӣ Раҳмон
ш. Душанбе
29 январи соли 2024
№718
ФАРМОНИ
ПРЕЗИДЕНТИ ҶУМҲУРИИ ТОҶИКИСТОН
Дар бораи муовини
Сарвазири Ҷумҳурии Тоҷикистон
таъин намудани Мансурӣ Д.С.
Мутобиқи моддаи 69 Конститутсияи Ҷумҳурии Тоҷикистон фармон медиҳам:
1. Мансурӣ Дилрабо Сайдулло муовини Сарвазири Ҷумҳурии Тоҷикистон таъин карда шавад.
2. Фармони мазкур барои тасдиқ ба Маҷлиси Олии Ҷумҳурии Тоҷикистон пешниҳод карда шавад.
Президенти
Ҷумҳурии Тоҷикистон Эмомалӣ Раҳмон
ш. Душанбе
29 январи соли 2024
№719
МАНСУРӢ Дилрабо Сайдулло
аз 17 марти соли 2020 дар ҷаласаи якуми Иҷлосияи якуми Маҷлиси намояндагони Маҷлиси Олии Ҷумҳурии Тоҷикистон даъвати шашум муовини Раиси Маҷлиси намояндагони Маҷлиси Олии Ҷумҳурии Тоҷикистон интихоб шуд.
Соли таваллуд: 29 январи соли 1974 Ҷои таваллуд: шаҳри Хуҷанд
Миллат: тоҷик Маълумот: олӣ
Соли 1996 Филиали Хуҷандии Донишгоҳи техникии Тоҷикистонро хатм кардааст
Ихтисос: муҳандис-технолог
Кадом забонҳои хориҷиро медонад: русӣ, англисӣ
Унвони илмӣ: доктори илмҳои техникӣ (2009) Узви вобастаи АМИТ (2017)
Вакили халқ ҳаст ё не: Вакили Маҷлиси намояндагони Маҷлиси Олии Ҷумҳурии Тоҷикистон
Бо мукофотҳои давлатӣ сарфароз
гардонида шудааст ё не: Ордени «Шараф дараҷаи 2», соли 2021
Мукофотҳои соҳавӣ: Аълочии маорифи Тоҷикистон, соли 2010
Вазъи оилавӣ: оиладор, соҳиби 2 фарзанд
Суроға: ш.Душанбе, кӯчаи Пушин 81, ҳуҷраи 6
Кор ва фаъолияти собиқа:
| Солҳои 1991-1996 | Донишҷӯи Филиали Хуҷандии Донишгоҳи техникии Тоҷикистон ба номи академик М.Осимӣ |
| 05-09 соли 1997 | Лаборанти калони кафедраи «Ресандагӣ ва иқтисодиёти соҳа»-и Филиали Хуҷандии Донишгоҳи техникии Тоҷикистон ба номи академик М.Осимӣ |
| Солҳои 1997-2001 | Ассистенти кафедраи «Технологияи матоъ, кешбофӣ ва маҳсулоти дӯзандагӣ»-и Филиали Хуҷандии Донишгоҳи техникии Тоҷикистон ба номи академик М.Осимӣ |
| Солҳои 2001-2005 | Иҷрокунандаи вазифаи мудири кафедраи «Технологияи матоъ, кешбофӣ ва маҳсулоти дӯзандагӣ»-и Филиали Хуҷандии Донишгоҳи техникии Тоҷикистон ба номи академик М.Осимӣ |
| Солҳои 2005-2008 | Мудири кафедраи «Технологияи саноати бофандагӣ ва маҳсулоти дӯзандагӣ»-и Филиали Хуҷандии Донишгоҳи техникии Тоҷикистон ба номи академик М.Осимӣ |
| Солҳои 2008-2010 | Дотсенти кафедраи «Технологияи саноати бофандагӣ ва маҳсулоти дӯзандагӣ»-и Филиали Хуҷандии Донишгоҳи техникии Тоҷикистон ба номи академик М.Осимӣ |
| Солҳои 2010-2014 | Муовини директор оид ба илм ва инноватсияи Донишкадаи политехникии Донишгоҳи техникии Тоҷикистон ба номи академик М.Осимӣ |
| Солҳои 2014-2015 | Директори Донишкадаи политехникии Донишгоҳи техникии Тоҷикистон ба номи академик М.Осимӣ |
| Солҳои 2015-2020 | Вакили Маҷлиси намояндагон, узви Кумитаи Маҷлиси намояндагони Маҷлиси Олии Ҷумҳурии Тоҷикистон оид ба энергетика, саноат, сохтмон ва коммуникатсия (даъвати панҷум) |
| Аз моҳи марти соли 2020 то 29 январи соли 2024 | Муовини Раиси Маҷлиси намояндагони Маҷлиси Олии Ҷумҳурии Тоҷикистон (даъвати шашум) |
ФАРМОНИ
ПРЕЗИДЕНТИ ҶУМҲУРИИ ТОҶИКИСТОН
Дар бораи вазири фарҳанги Ҷумҳурии Тоҷикистон
таъин намудани Сатториён М.А.
Мутобиқи моддаи 69 Конститутсияи Ҷумҳурии Тоҷикистон фармон медиҳам:
1. Сатториён Матлубахон Амонзода вазири фарҳанги Ҷумҳурии Тоҷикистон таъин карда шавад.
2. Фармони мазкур барои тасдиқ ба Маҷлиси Олии Ҷумҳурии Тоҷикистон пешниҳод карда шавад.
Президенти
Ҷумҳурии Тоҷикистон Эмомалӣ Раҳмон
ш. Душанбе
29 январи соли 2024
№720
САТТОРИЁН Матлубахон Амонзода
аз 03 ноябри соли 2020 дар вазифаи муовини Сарвазири Ҷумҳурии Тоҷикистон кор мекунад
Соли таваллуд 19 сентябри соли 1972 Ҷои таваллуд ноҳияи Б.Ғафуров
Миллат тоҷик Маълумот олӣ
Соли 1994 Донишкадаи давлатии омӯзгории Хуҷандро хатм кардааст
Ихтисос муаллими забон ва адабиёти тоҷик
Унвони илмӣ номзади илмҳои филологӣ
Кадом забонҳои хориҷиро медонад русӣ, форсӣ, англисӣ
Вакили халқ ҳаст ё не вакили Маҷлисҳои вакилони шаҳри Гулистон ва вилояти Суғд
Бо мукофотҳои давлатӣ сарфароз гардонида шудааст ё не — соли соли 2011 медали ҷашнии «20 солагии Истиқлолияти давлатии Ҷумҳурии Тоҷикистон», соли 2017 Медали «Хизмати шоиста»
Кор ва фаъолияти собиқа:
| Солҳои 1989-1994- | Донишҷӯи Донишкадаи давлатии омӯзгории ба номи С.М. Киров, шаҳри Хуҷанд |
| Солҳои 1994-2002- | Танзимгар, муаллима, сармуаллимаи кафедраи забони тоҷикии факултети филологияи тоҷики Донишгоҳи давлатии ба номи Б.Ғафуров, шаҳри Хуҷанд |
| Солҳои 2002-2003- | Муовини декан, сармуаллимаи кафедраи забони тоҷикии факултети филологияи тоҷики Донишгоҳи давлатии ба номи Б.Ғафуров, шаҳри Хуҷанд |
| Солҳои 2003-2008- | Сармутахассис, муовини мудири шуъбаи илм, сармуаллимаи кафедраи забони тоҷикии Донишгоҳи давлатии ба номи Б.Ғафуров, шаҳри Хуҷанд |
| Солҳои 2008-2011- | Раиси Кумитаи кор бо занон ва оилаи мақомоти иҷроияи ҳокимияти давлатии вилояти Суғд, шаҳри Хуҷанд |
| 01-08 соли 2011- | Иҷрокунандаи вазифаи раиси шаҳри Табошари вилояти Суғд |
| Солҳои 2011-2014- | Раиси шаҳри Истиқлоли вилояти Суғд |
| Солҳои 2014-2018 | Раиси шаҳри Гулистони вилояти Суғд |
| Солҳои 2018-2020 | Раиси Кумитаи иҷроияи Ҳизби Халқии Демократи Тоҷикистон дар вилояти Суғд |
| аз ноябри соли 2020 то 29 январи соли 2024 | Муовини Сарвазири Ҷумҳурии Тоҷикистон |
ФАРМОНИ
ПРЕЗИДЕНТИ ҶУМҲУРИИ ТОҶИКИСТОН
Дар бораи раиси Кумитаи давлатии сармоягузорӣ
ва идораи амволи давлатии Ҷумҳурии Тоҷикистон
таъин намудани Раҳимзода С.Н.
Мутобиқи моддаи 69 Конститутсияи Ҷумҳурии Тоҷикистон фармон медиҳам:
1. Раҳимзода Султон Нурмаҳмадпур раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон таъин карда шавад.
2. Фармони мазкур барои тасдиқ ба Маҷлиси Олии Ҷумҳурии Тоҷикистон пешниҳод карда шавад.
Президенти
Ҷумҳурии Тоҷикистон Эмомалӣ Раҳмон
ш. Душанбе
29 январи соли 2024
№721
РАҲИМЗОДА Султон Нурмаҳмадпур
аз 28 сентябри соли 2020 дар вазифаи Раиси Кумитаи Иҷроияи Фонди Байналмиллалии наҷоти Арал кор мекунад
Соли таваллуд 12 декабри соли 1974 Ҷои таваллуд шаҳри Норак
Миллат тоҷик Маълумот олӣ
соли 1996 Донишгоҳи аграрии Тоҷикистонро хатм кардааст
Ихтисос муҳандиси сохтмони иншоотҳои обӣ
Кадом забонҳои хориҷиро медонад русӣ, англисӣ, форсӣ
Вакили халқ ҳаст ё не нест
Бо мукофотҳои давлатӣ сарфароз гардонида шудааст ё не — соли 2011 медали ҷашнии «20-солагии Истиқлолияти давлатии Ҷумҳурии Тоҷикстон»
Кор ва фаъолияти собиқа:
| Солҳои 1991-1996 | Донишҷӯи Донишгоҳи аграрии Тоҷикистон, шаҳри Душанбе |
| Солҳои 1996-1997 | Электоромонтёри лабораторияи электортехникии Нерӯгоҳи Барқии Обии Норак |
| Солҳои 1999-2000 | Техники шӯъбаи истеҳсолӣ-техникии ҶСК «Норак НБОсоз» |
| Солҳои 2000-2002 | Оператори мошинҳои электронии ҳисоббарори сехи иншоотҳои обии НБО-и Норак |
| Солҳои 2002-2003 | Муҳандиси барномасози сехи иншоотҳои НБО-и Норак |
| Солҳои 2003-2004 | Сармутахассиси бахши иттилоотии Кумитаи Иҷроияи Фонди Байналмилалии наҷоти Арал |
| Солҳои 2004-2005 | Сардори бахши иттилоотии Кумитаи Иҷроияи Фонди Байналмилалии наҷоти Арал |
| Солҳои 2005-2009 | Иҷрокунандаи вазифаи Раиси Кумитаи Иҷроияи Фонди Байналмиллалии наҷоти Арал, шаҳри Душанбе |
| Солҳои 2009-2010 | Мудири Шӯъбаи экология ва ҳолатҳои фавқулоддаи Дастгоҳи иҷроияи Президенти Ҷумҳурии Тоҷикистон |
| Солҳои 2010-2013 | Муовини якуми Вазири мелиоратсия ва захираҳои оби Ҷумҳурии Тоҷикистон, шаҳри Душанбе |
| Солҳои 2013-2019 | Муовини якуми Вазири энергетика ва захираҳои оби Ҷумҳурии Тоҷикистон |
| Солҳои 2019-2020 | Сафири Фавқулодда ва мухтори Ҷумҳурии Тоҷикистон дар Ҷумҳурии Ҳиндустон ҳамзамон Сафири Фавқулодда ва Мухтори ҶТ дар Ҷумҳурии Федеративии Демократии Непал ва дар Ҷумҳурии Демократии Сотсиалистии Шри-Ланка |
| аз сентябри соли 2020 то 29 январи соли 2024 | Раиси Кумитаи Иҷроияи Фонди Байналмиллалии наҷоти Арал |
ФАРМОНИ
ПРЕЗИДЕНТИ ҶУМҲУРИИ ТОҶИКИСТОН
Дар бораи раиси Муассисаи давлатии «Комиссияи олии аттестатсионии назди Президенти Ҷумҳурии Тоҷикистон»
таъин намудани Давлатзода С.Х.
Мутобиқи моддаи 69 Конститутсияи Ҷумҳурии Тоҷикистон фармон медиҳам:
Давлатзода Сайфиддин Хайриддин раиси Муассисаи давлатии «Комиссияи олии аттестатсионии назди Президенти Ҷумҳурии Тоҷикистон» таъин карда шавад.
Президенти
Ҷумҳурии Тоҷикистон Эмомалӣ Раҳмон
ш. Душанбе
29 январи соли 2024
№722
ДАВЛАТЗОДА Сайфиддин Хайриддин
аз 24 январи соли 2020 дар вазифаи Ректори Муассисаи давлатии таълимии «Донишгоҳи давлатии Бохтар ба номи Носири Хусрав» кор мекунад
Соли таваллуд 25 сентябри соли 1970 Ҷои таваллуд ноҳияи Данғара
Миллат тоҷик Маълумот олӣ
соли 1996 Донишгоҳи давлатии омӯзгории Тоҷикистонро хатм кардааст
Ихтисос химик-биолог
Унвони илмӣ дотсент, доктори илмҳои биологӣ
Кадом забонҳои хориҷиро медонад русӣ, англисӣ (бо луғат)
Вакили Маҷлиси вакилони халқ ҳаст ё не- не
Бо мукофотҳои давлатӣ сарфароз гардонида шудааст ё не –не
Кор ва фаъолияти собиқа:
| 09-11 соли 1988 | Борбардори Идораи савдои шаҳри Норак |
| Солҳои 1988-1990 | Хизмат дар сафи Қувваҳои мусаллаҳи Иттифоқи советӣ |
| 01-05 соли 1991 | Сарпешоҳанги Мактаби миёнаи №51, ноҳияи Данғара |
| Солҳои 1991-1996 | Донишҷӯи Донишгоҳи давлатии омузгории Тоҷикистон |
| Солҳои 1996-1998 | Ассисенти кафедраи ботаника ва экологияи кишоварзии Донишгоҳи аграрии Тоҷикистон, шаҳри Душанбе |
| Солҳои 1998-2000 | Аспиранти шӯъбаи рӯзонаи институти ботаникаи АИҶТ, шаҳри Душанбе |
| Солҳои 2000-2006 | Омӯзгори калони кафедраи ботаника ва экологияи кишоварзии Донишгоҳи аграрии Тоҷикистон |
| Солҳои 2006-2007 | Дотсенти кафедраи ботаника ва экологияи кишоварзии Донишгоҳи аграрии Тоҷикистон, шаҳри Душанбе |
| Солҳои 2007-2009 | Мудири кафедраи ботаника ва экологияи кишоварзии Донишгоҳи аграрии Тоҷикистон, шаҳри Душанбе |
| Солҳои 2009-2010 | Мутахассиси пешбари Раёсати таҳсилоти олии касбӣ ва баъди дипломии Вазорати маорифи Ҷумҳурии Тоҷикистон |
| Солҳои 2010-2014 | Сармутахассиси Раёсати таҳсилоти олии касбӣ ва баъди дипломии Вазорати маорифи Ҷумҳурии Тоҷикистон |
| Солҳои 2014-2015 | Сардори Раёсати таҳсилоти ибтидоӣ ва миёнаи касбии Вазорати маорифи Ҷумҳурии Тоҷикистон, шаҳри Душанбе |
| Солҳои 2015-2018 | Сардори Раёсати илму маърифати Дастгоҳи иҷроияи Президенти Ҷумҳурии Тоҷикистон |
| Солҳои 2018-2020 | Муовини Вазири маориф ва илми Ҷумҳурии Тоҷикистон |
| аз январи соли 2020 то 29 январи соли 2024 | Ректори Муассисаи давлатии таълимии «Донишгоҳи давлатии Бохтар ба номи Носири Хусрав» |
ФАРМОНИ
ПРЕЗИДЕНТИ ҶУМҲУРИИ ТОҶИКИСТОН
Дар бораи Президенти Академияи
илмҳои кишоварзии Тоҷикистон
таъин намудани Салимзода А.Ф.
Мутобиқи моддаи 69 Конститутсияи Ҷумҳурии Тоҷикистон фармон медиҳам:
Салимзода Амонулло Файзулло Президенти Академияи илмҳои кишоварзии Тоҷикистон таъин карда шавад.
Президенти
Ҷумҳурии Тоҷикистон Эмомалӣ Раҳмон
ш. Душанбе
29 январи соли 2024
№723
САЛИМЗОДА Амонулло Файзулло
аз 03 ноябри соли 2020 дар вазифаи Муовини якуми раиси вилояти Хатлон кор мекунад
Соли таваллуд 30 майи соли 1967 Ҷои таваллуд ноҳияи Данғара
Миллат тоҷик Маълумот олӣ
соли 1991 ва 2006 Донишгоҳи аграрии Тоҷикистонро хатм кардааст
Ихтисос агрономи олим, иқитисодчӣ, доктори илмҳои кишоварзӣ, профессор
Кадом забонҳои хориҷиро медонад русӣ, англисӣ
Вакили халқ ҳаст ё не нест
Бо мукофотҳои давлатӣ сарфароз гардонида шудааст ё не – соли 2011 медали ҷашнии «20 – солагии Истиқлолияти давлатии Тоҷикистон»
Кор ва фаъолияти собиқа:
| Солҳои 1984-1985 | Донишҷӯи Институти хоҷагии қишлоқи Тоҷикистон, шаҳри Душанбе |
| Солҳои 1985-1987 | Хизмат дар сафи Қувваҳои Мусаллаҳи Шӯравӣ вилояти Амур |
| Солҳои 1987-1991 | Донишҷӯи Институти хоҷагии қишлоқи Тоҷикистон, шаҳри Душанбе |
| Солҳои 1991-1993 | Лаборанти калони Институти илмӣ-тадқиқотии биотехнология, ноҳияи Рӯдакӣ |
| Солҳои 1993-1996 | Ассистенти кафедраи «Технологияи нигоҳдорӣ ва коркарди маҳсулоти кишоварзӣ»-и Донишгоҳи аграрии Тоҷикистон, шаҳри Душанбе |
| Солҳои 1996-1997 | Аспиранти кафедраи «Физиологияи наботот ва биотехнология»-и Донишгоҳи аграрии Тоҷикистон, шаҳри Душанбе |
| Солҳои 1997-2001 | Ассистент, муаллими калон, дотсенти кафедраи «Технологияи нигоҳдорӣ ва коркарди маҳсулоти кишоварзӣ», ҷонишини декани факултаи агробизнеси Донишгоҳи аграрии Тоҷикистон, шаҳри Душанбе |
| Солҳои 2001-2004 | Ёрдамчии Сарвазири Ҷумҳурии Тоҷикистон |
| Солҳои 2004-2007 | Ноиби ректори Донишгоҳи аграрии Тоҷикистон оид ба таҳсили ғоибона |
| Солҳои 2007-2008 | Мудири шӯъбаи таҳсили ғоибонаи Донишгоҳи аграрии Тоҷикистон |
| Солҳои 2008-2009 | Ноиби ректори Донишгоҳи аграрии Тоҷикистон оид ба таҳсили ғоибона |
| Солҳои 2009-2013 | Ноиби ректори Донишгоҳи аграрии Тоҷикистон оид ба таълим |
| Солҳои 2013-2020 | Ректори Донишгоҳи аграрии Тоҷикистон |
| 01-11 соли 2020 | Вазири кишоварзии Ҷумҳурии Тоҷикистон |
| аз ноябри соли 2020 то 29 январи соли 2024 | Муовини якуми Раиси вилояти Хатлон |
АМРИ
ПРЕЗИДЕНТИ ҶУМҲУРИИ ТОҶИКИСТОН
Шарифзода Абдуфаттоҳ Абдуваҳҳоб бо сабаби ба нафақа баромадан аз вазифаи роҳбари Хадамоти матбуотии Президенти Ҷумҳурии Тоҷикистон озод карда шавад.
Президенти
Ҷумҳурии Тоҷикистон Эмомалӣ Раҳмон
ш. Душанбе
29 январи соли 2024
№АП-501
АМРИ
ПРЕЗИДЕНТИ ҶУМҲУРИИ ТОҶИКИСТОН
Қосимӣ Заробиддин роҳбари Хадамоти матбуотии Президенти Ҷумҳурии Тоҷикистон таъин карда шавад.
Президенти
Ҷумҳурии Тоҷикистон Эмомалӣ Раҳмон
ш. Душанбе
29 январи соли 2024
№АП-502
ҚОСИМӢ Заробиддин
Аз 31 августи соли 2020 дар мансаби Сафири Фавқулодда ва Мухтори Ҷумҳурии Тоҷикистон дар Ҷумҳурии Арабии Миср кор мекунад.
Соли таваллуд: 04.11.1967 Ҷои таваллуд: н.Данғара, в.Хатлон
Миллат: тоҷик Таҳсилот: олӣ
Соли 1991 Донишгоҳи милии Тоҷикистон хатм кардааст.
Ихтисос: забонҳои шарқ
Кадом забонҳои хориҷиро медонад: русӣ, арабӣ ва англисӣ
Вакили халқ хаст ё не: не
Бо мукофотҳои давлатӣ/соҳавӣ сарфароз гардонида шудааст ё не: не
Рутбаи дипломатӣ: Фиристодаи Фавқулодда ва Мухтори дараҷаи II
Рутбаи тахассусӣ: Мушовири давлатии дараҷаи 3
Вазъи оилавӣ: оиладор, соҳиби 6 фарзанд
КОР ВА ФАЪОЛИЯТИ СОБИҚА
| Солҳои 1990-1992 | — | омӯзгори забонҳои арабию форсӣ ва забону адабиёти тоҷик дар мактаби миёнаи №48-и н.Шоҳмансури ш.Душанбе; |
| Солҳои 1992-1993 | — | ходими хурди илмии пажӯҳишгоҳи ҳуқуқ ва фалсафаи Шарқи Академияи илмҳои Тоҷикистон, ш.Душанбе; |
| Солҳои 1993-1996 | — | нозир ва нозири калони Маркази матбуоти ВКД Ҷумҳурии Тоҷикистон, ш.Душанбе; |
| Солҳои 1996-2005 | — | сардори Маркази матбуоти Вазорати мудофиаи Ҷумҳурии Тоҷикистон, ш.Душанбе; |
| Солҳои 2005-2015 | — | машваратчии калон, Мушовири Президенти Ҷумҳурии Тоҷикистон ва Муовини роҳбари Хадамоти матбуоти Президенти Ҷумҳурии Тоҷикистон, ш.Душанбе; |
| Солҳои 2015-2016 | — | Директори АМИТ «Ховар»-и назди Ҳукумати Ҷумҳурии Тоҷикистон, ш.Душанбе; |
| 28.03.2016-31.08.2020 | — | Сафири Фавқулодда ва Мухтори Ҷумҳурии Тоҷикистон дар Шоҳигарии Арабистони Саудӣ; |
| Аз 31.08.2020 то 29 январи соли 2024 | — | Сафири Фавқулодда ва Мухтори Ҷумҳурии Тоҷикистон дар Ҷумҳурии Арабии Миср, ш. Қоҳира. |
ҲУКУМАТИ ҶУМҲУРИИ ТОҶИКИСТОН
ҚАРОР
аз 29 январи соли 2024 №15
ш. Душанбе
Дар бораи аз вазифаи раиси Кумитаи кор бо занон
ва оилаи назди Ҳукумати Ҷумҳурии Тоҷикистон
озод намудани Қурбонзода Ҳ.Ҷ.
Ҳукумати Ҷумҳурии Тоҷикистон қарор мекунад:
Қурбонзода Ҳилолбӣ Ҷумъахон бо сабаби ба кори дигар гузаштан аз вазифаи раиси Кумитаи кор бо занон ва оилаи назди Ҳукумати Ҷумҳурии Тоҷикистон озод карда шавад.
Раиси
Ҳукумати Ҷумҳурии
Тоҷикистон Эмомалӣ Раҳмон
ҲУКУМАТИ ҶУМҲУРИИ ТОҶИКИСТОН
ҚАРОР
аз 29 январи соли 2024 №16
ш. Душанбе
Дар бораи аз вазифаи муовини
якуми вазири молияи Ҷумҳурии Тоҷикистон
озод намудани Каримзода Ҷ.А.
Ҳукумати Ҷумҳурии Тоҷикистон қарор мекунад:
Каримзода Ҷамшед Абдураҳмон бо сабаби ба кори дигар гузаштан аз вазифаи муовини якуми вазири молияи Ҷумҳурии Тоҷикистон озод карда шавад.
Раиси
Ҳукумати Ҷумҳурии
Тоҷикистон Эмомалӣ Раҳмон
ҲУКУМАТИ ҶУМҲУРИИ ТОҶИКИСТОН
ҚАРОР
аз 29 январи соли 2024 №17
ш. Душанбе
Дар бораи аз вазифаи муовини
вазири молияи Ҷумҳурии Тоҷикистон
озод намудани Гулмуродзода К.Г.
Ҳукумати Ҷумҳурии Тоҷикистон қарор мекунад:
Гулмуродзода Карим Гулмурод бо сабаби ба кори дигар гузаштан аз вазифаи муовини вазири молияи Ҷумҳурии Тоҷикистон озод карда шавад.
Раиси
Ҳукумати Ҷумҳурии
Тоҷикистон Эмомалӣ Раҳмон
ҲУКУМАТИ ҶУМҲУРИИ ТОҶИКИСТОН
ҚАРОР
аз 29 январи соли 2024 №18
ш. Душанбе
Дар бораи аз вазифаи муовини
вазири молияи Ҷумҳурии Тоҷикистон
озод намудани Сафарзода Р.С.
Ҳукумати Ҷумҳурии Тоҷикистон қарор мекунад:
Сафарзода Рукмина Сафар бо сабаби ба кори дигар гузаштан аз вазифаи муовини вазири молияи Ҷумҳурии Тоҷикистон озод карда шавад.
Раиси
Ҳукумати Ҷумҳурии
Тоҷикистон Эмомалӣ Раҳмон
ҲУКУМАТИ ҶУМҲУРИИ ТОҶИКИСТОН
ҚАРОР
аз 29 январи соли 2024 №19
ш. Душанбе
Дар бораи аз вазифаи муовини раиси Кумитаи
давлатии амнияти миллии Ҷумҳурии Тоҷикистон
озод намудани Мирзозода Н.Н.
Ҳукумати Ҷумҳурии Тоҷикистон қарор мекунад:
Мирзозода Нусратулло Неъмат бо сабаби ба кори дигар гузаштан аз вазифаи муовини раиси Кумитаи давалатии амнияти миллии Ҷумҳурии Тоҷикистон озод карда шавад.
Раиси
Ҳукумати Ҷумҳурии
Тоҷикистон Эмомалӣ Раҳмон
ҲУКУМАТИ ҶУМҲУРИИ ТОҶИКИСТОН
ҚАРОР
аз 29 январи соли 2024 №20
ш. Душанбе
Дар бораи аз вазифаи ректори Муассисаи давлатии таълимии
«Донишгоҳи давлатии Бохтар ба номи Носири Хусрав»
озод намудани Давлатзода С.Х.
Ҳукумати Ҷумҳурии Тоҷикистон қарор мекунад:
Давлатзода Сайфиддин Хайриддин бо сабаби ба кори дигар гузаштан аз вазифаи ректори Муассисаи давлатии таълимии «Донишгоҳи давлатии Бохтар ба номи Носири Хусрав» озод карда шавад.
Раиси
Ҳукумати Ҷумҳурии
Тоҷикистон Эмомалӣ Раҳмон
ҲУКУМАТИ ҶУМҲУРИИ ТОҶИКИСТОН
ҚАРОР
аз 29 январи соли 2024 №21
ш. Душанбе
Дар бораи аз вазифаи ректори Муассисаи давлатии таълимии
«Донишгоҳи давлатии ҳуқуқ, бизнес ва сиёсати Тоҷикистон
дар шаҳри Хуҷанд» озод намудани Шарифзода М.М.
Ҳукумати Ҷумҳурии Тоҷикистон қарор мекунад:
Шарифзода Мумин Машокир бо сабаби ба кори дигар гузаштан аз вазифаи ректори Муассисаи давлатии таълимии «Донишгоҳи давлатии ҳуқуқ, бизнес ва сиёсати Тоҷикистон дар шаҳри Хуҷанд» озод карда шавад.
Раиси
Ҳукумати Ҷумҳурии
Тоҷикистон Эмомалӣ Раҳмон
ҲУКУМАТИ ҶУМҲУРИИ ТОҶИКИСТОН
ҚАРОР
аз 29 январи соли 2024 №22
ш. Душанбе
Дар бораи аз вазифаи муовини раиси Корхонаи воҳиди давлатии
«Бонки амонатгузории Ҷумҳурии Тоҷикистон «Амонатбонк»
озод намудани Сайфзода Ш.Ҷ.
Ҳукумати Ҷумҳурии Тоҷикистон қарор мекунад:
Сайфзода Шаҳло Ҷамол бо сабаби ба кори дигар гузаштан аз вазифаи муовини раиси Корхонаи воҳиди давлатии «Бонки амонатгузории Ҷумҳурии Тоҷикистон «Амонатбонк» озод карда шавад.
Раиси
Ҳукумати Ҷумҳурии
Тоҷикистон Эмомалӣ Раҳмон
ҲУКУМАТИ ҶУМҲУРИИ ТОҶИКИСТОН
ҚАРОР
аз 29 январи соли 2024 №23
ш. Душанбе
Дар бораи раиси Кумитаи кор бо занон ва оилаи
назди Ҳукумати Ҷумҳурии Тоҷикистон
таъин намудани Файзиддинзода Б.
Ҳукумати Ҷумҳурии Тоҷикистон қарор мекунад:
Файзиддинзода Бунафша раиси Кумитаи кор бо занон ва оилаи назди Ҳукумати Ҷумҳурии Тоҷикистон таъин карда шавад.
Раиси
Ҳукумати Ҷумҳурии
Тоҷикистон Эмомалӣ Раҳмон
ФАЙЗИДДИНЗОДА Бунафша
аз 14 марти соли 2022 дар мансаби Раиси шаҳри Леваканти вилояти Хатлон кор мекунад
Соли таваллуд 25 июли соли 1976 Ҷои таваллуд ноҳияи Данғара
Миллат тоҷик Таҳсилот олӣ
Соли 1999 Донишкадаи давлатии забонҳои Точикистонро (рӯзона), соли 2012 магистратураи Донишкадаи такмили ихтисоси хизматчиёни давлатии Ҷумҳурии Тоҷикистонро хатм намудааст
Ихтисос омӯзгори фанни забони русӣ ва олмонӣ
Кадом забонҳои хориҷиро медонад русӣ, олмонӣ
Вакили халқ ҳаст ё не нест
Бо мукофотхои давлатӣ сарфароз гардонида шудааст ё не не
Кор ва фаъолияти собиқа:
| Солҳои 1999-2001- | омӯзгори мактаби миёнаи №95 ноҳияи Синои шаҳри Душанбе |
| Солҳои 2001-2006- | мутахассиси дараҷаи I шуъбаи умумии дастгоҳи Раиси ноҳияи Синои шаҳри Душанбе |
| Солҳои 2006-2007- | сармутахассиси шуъбаи сохтмон, нақлиёт ва алоқаи мақомоти иҷроияи маҳаллии ҳокимияти давлатии ноҳияи Синои шаҳри Душанбе |
| Соли 2007( 04-09) | мудири шуъбаи умумии дастгоҳи Раиси ноҳияи Синои шаҳри Душанбе |
| Солҳои 2007-2009- | мутахассиси пешбари шуъбаи савдо, хизмати маишӣ ва рушди соҳибкории мақомоти иҷроияи маҳаллии ҳокимияти давлатии ноҳияи Синои шаҳри Душанбе |
| Солҳои 2009-2011- | мудири шуъбаи ташкилӣ ва кор бо кадрҳои дастгоҳи Раиси ноҳияи Синои шаҳри Душанбе |
| Солҳои 2011-2012- | таҳсил дар курси магистратураи Донишкадаи такмили ихтисоси хизматчиёни давлатии Ҷумҳурии Тоҷикистон |
| Солҳои 2012-2016 | мудири шуъбаи рушди иҷтимоӣ ва робита бо ҷомеаи дастгоҳи Раиси ноҳияи Синои шаҳри Душанбе |
| Солҳои 2016-2017 | Сармутахассиси Раёсати кор бо идоракунии маҳали Дастгоҳи иҷроияи Президенти Ҷумҳурии Тоҷикистон |
| Солҳои 2017-2021 | Муовини Раиси ноҳияи Данғара |
| 11.2021 то 03.2022 | иҷрокунандаи вазифаи Раиси шаҳри Леваканти вилояти Хатлон |
| аз марти соли 2022 то 29 январи соли 2024 | Раиси шаҳри Леваканти вилояти Хатлон |
ҲУКУМАТИ ҶУМҲУРИИ ТОҶИКИСТОН
ҚАРОР
аз 29 январи соли 2024 №24
ш. Душанбе
Дар бораи ректори Муассисаи давлатии таълимии
«Донишгоҳи давлатии ҳуқуқ, бизнес ва сиёсати Тоҷикистон дар шаҳри
Хуҷанд» таъин намудани Ҳошимзода Ҳ.Ҳ.
Ҳукумати Ҷумҳурии Тоҷикистон қарор мекунад:
Ҳошимзода Ҳомид Ҳасан ректори Муассисаи давлатии таълимии «Донишгоҳи давлатии ҳуқуқ, бизнес ва сиёсати Тоҷикистон дар шаҳри Хуҷанд» таъин карда шавад.
Раиси
Ҳукумати Ҷумҳурии
Тоҷикистон Эмомалӣ Раҳмон
ҲУКУМАТИ ҶУМҲУРИИ ТОҶИКИСТОН
ҚАРОР
аз 29 январи соли 2024 №25
ш. Душанбе
Дар бораи ректори Муассисаи давлатии таълимии
«Донишгоҳи давлатии Бохтар ба номи Носири Хусрав»
таъин намудани Қурбонзода М. Р
Ҳукумати Ҷумҳурии Тоҷикистон қарор мекунад:
Қурбонзода Маҳмадалӣ Раҳмат ректори Муассисаи давлатии таълимии «Донишгоҳи давлатии Бохтар ба номи Носири Хусрав» таъин карда шавад.
Раиси
Ҳукумати Ҷумҳурии
Тоҷикистон Эмомалӣ Раҳмон
Қурбонзода Маҳмадалӣ Раҳмат
аз 24 августи соли 2022 дар Иҷлосияи навбатии Маҷлиси намояндагони Маҷлиси Олии Ҷумҳурии Тоҷикистон даъвати шашум Раиси Кумитаи Маҷлиси намояндагони Маҷлиси Олии Ҷумҳурии Тоҷикистон оид ба иқтисод ва молия интихоб шуд
Соли таваллуд: 20 феврали соли 1985 Ҷои таваллуд: ноҳияи Восеъ
Миллат: тоҷик Таҳсилот:олӣ
Соли2007 Донишгоҳи аграрии Тоҷикистонро (рӯзона) хатм кардааст.
Ихтисос: муҳосиб ва аудит
Унвони илмӣ: доктори илмҳои иқтисодӣ
Кадом забонҳои хориҷиро медонад: русӣ. англисӣ
Вакили халқ ҳаст ё не: Вакили Маҷлиси намояндагони Маҷлиси Олии Ҷумҳурии Тоҷикистон
Бо мукофотҳои давлатӣ сарфароз гардонида шудааст ё не: соли2021 бо медали «Хизмати шоиста» сарфароз гардонида шудааст
Вазъи оилавӣ: оиладор
Кор ва фаъолиятисобиқа:
| Солҳои 2022-2007 | Донишҷуи Донишгоҳи аграрии Тоҷикистон, шаҳри Душанбе | |
| 08.2007 то 10.2007 | Ходими хурди илмии шуъбаи «Шаклҳои моликият ва хоҷагидорӣ»-и Институти иқтисодиёт кишоварзии Академияи илмҳои кишоварзии Тоҷикистон, шаҳри Душанбе | |
| 10.2007 то 01.2008 | Иқтисодчии Институти иқтисодиёти кишоварзии Академияи илмҳои кишоварзии Тоҷикистон, шаҳри Душанбе | |
| Солҳои 2008-2011 | Аспиранти рӯзонаи Институти иқтисодиёти кишоварзии Академияи илмҳои кишоварзии Тоҷикистон, шаҳри Душанбе | |
| 04. 2011 то 05.2011 | Ходими илмии шуъбаи «Омӯзиши бозорҳои кишоварзӣ»-и Институти иқтисодиёти кишоварзии Академияи илмҳои кишоварзии Тоҷикистон, шаҳри Душанбе | |
| Солҳои 2011-2012 | Муаллими калони кафедраи «Фаъолияти бонкӣ»-и Донишкадаи иқтисодии Тоҷикистон, шаҳри Душанбе | |
| Аз 01.2012 то 01.2012 | Ходими калони илмии шуъбаи «Бозори воситаҳои истеҳсолот ва хизматрасонӣ»-и Институти иқтисодиёти кишоварзии Академияи илмҳои кишоварзии Тоҷикистон, шаҳри Душанбе | |
| Солҳои 2012 — 2013 | Мудири шуъбаи «Омӯзиши муаммоҳои иҷтимоию иқтисодии ноҳияҳои кӯҳистони»-и Институти иқтисодиёти кишоварзии Академияи илмҳои кишоварзии Тоҷикистон, шаҳри Душанбе | |
| Солҳои 2013 –2014 | Мудири кафедраи идоракунии давлатӣ ва маҳаллии Донишгоҳи миллии Тоҷикистон, шаҳри Душанбе | |
| Солҳои 2014 –2020 | Директори Коллеҷи технологии шаҳри Душанбе | |
| Аз 02.2020 то 11.2020 | Директори Коллеҷи информатика ва техникаи компютерии шаҳри Душанбе | |
| Солҳои 2020 -2022 | Ректори Донишгоҳи давлатии тиҷорати Тоҷикистон, шаҳри Душанбе | |
| Аз моҳи августи соли 2022 то ҳол | Вакили Маҷлиси намояндагони Маҷлиси Олии Ҷумҳурии Тоҷикистон, Раиси Кумитаи иқтисод ва молия |
ҲУКУМАТИ ҶУМҲУРИИ ТОҶИКИСТОН
ҚАРОР
аз 29 январи соли 2024 №26
ш. Душанбе
Дар бораи муовини раиси Корхонаи воҳиди давлатии
«Бонки амонатгузории Ҷумҳурии Тоҷикистон «Амонатбонк»
таъин намудани Сафарзода Р.С.
Ҳукумати Ҷумҳурии Тоҷикистон қарор мекунад:
Сафарзода Рукмина Сафар муовини раиси Корхонаи воҳиди давлатии «Бонки амонатгузории Ҷумҳурии Тоҷикистон «Амонатбонк» таъин карда шавад.
Раиси
Ҳукумати Ҷумҳурии
Тоҷикистон Эмомалӣ Раҳмон
Садриддин Шамсуддинзода ва Заробиддин Қосимӣ (Сироҷов) ду нафар ровӣ, наттоқ, журналисти ҳирфаӣ ва нодиру нотакрор дар таърихи телевизиони тоҷик ба ҳисоб мераванд. Ҳарду садои форам, дилнишин, ҷаззоб, нутқи равону бурро дошта, бидуни дикция ва бидуни тақлид дилхоҳ мавзӯъ ва барномаро дар сатҳи олии касбӣ иҷро менамоянд. Ҳар гоҳ аз телевизион ё радио садои ин ду нафарро мешунидам, бо диққати том гӯш медодам, хеле писанд буд ва ҳаст, ҳунару истеъдоди онҳоро фақат орзӯ мекунӣ (ё дар наздашон шогирдӣ мекунӣ). Умедворам, минбаъд низ барномаҳо ва мавзӯъҳои фаъолияти кории президентро ҳам аз садои хушу форами устод Садруддин Шамсиддинзода ва ҳам аз устод Заробиддин Қосимӣ мешунавем, барори кор, комёбӣ, бурдборӣ, муваффақият, пирӯзӣ дар касбу коратон орзӯмандам, ба Абдулфаттоҳ Шарифзода зиндагии хушу осуда таманно дорем!!! (Дикция (diction) бо пауза талаффӯз кардани калима, ибора ва ҷумла мебошад, ки хилофи талаботи наттоқӣ аст!