ҲАЛОКАТИ 6 НАФАР, АЗ ҶУМЛА 4 ПИЁДАГАРД ДАР 5 САДАМАИ РӮЗҲОИ 17-20 НОЯБР
Маркази матбуоти ВКД Тоҷикистон хабар дод, ки тайи рӯзҳои 17-20 ноябри соли 2023 дар 5 садама дар гӯшаҳои гуногуни ҷумҳурӣ 6 нафар, аз ҷумла 4 пиёдагард ва як ронандаву як мусофир ба ҳалокат расидаанд.
Аз ҷумла 17-уми ноябри соли 2023, тахминан соати 19:30-дақиқа, ронандаи мошини тамғаи «Мерседес Бенс-Атего», Раҳмонов Абдураҳим Ҳамидович, соли таваллудаш 1963, сокини ноҳияи Б.Ғафуров, ҳангоми ҳаракат дар роҳи мошингарди “Душанбе-Хуҷанд-Чаннок” аз самти шаҳри Хуҷанд, ба самти шаҳри Душанбе аз уҳдаи идораи воситаи нақлиёт набаромада, дар минтақаи ҷамоати деҳоти Деҳмойи ноҳияи Ҷ.Расулов, пиёдагард Азизов Ризо Тухтаевич, соли таваллудаш 1949, сокини ноҳияи мазкурро пахш намудааст. Дар натиҷа, пиёдагард Азизов Р.Т. ҷароҳатҳои гуногуни ҷисмонӣ бардошта, дар ҷойи ҳодиса ба ҳалокат расидааст.
18-уми ноябри соли 2023, тахминан соати 21:00, ронандаи мошини тамғаи “Лексус”, Холов Сиёвуш Гулназарович, соли таваллудаш 2002, сокини шаҳри Душанбе, ҳангоми ҳаркат бо роҳи кӯчаи Р.Набиеви шаҳри Душанбе аз самти кӯчаи Шестопалов ба самти кӯчаи Ҷ.Расулов ҳангоми расидан дар кӯчаи Р.Набиев, пиёдагарди ноболиғ Давлатов Умедҷон Ҳикматуллоевич, соли таваллудаш 2015, сокини пойтахтро зада аз пой мефтонад. Дар натиҷа, ноболиғ Давлатов У.Ҳ. ҷароҳатҳои гуногуни ҷисмонӣ бардошта, дар ҷойи ҳодиса ба ҳалокат расидааст.
18-уми ноябри соли 2023, тахминан соати 13:00, ронандаи мошини тамғаи «КАЗ-469», Зарифов Муродалӣ Нурович, соли таваллудаш 1970, сокини ноҳияи Кӯҳистони Мастчоҳ, ҳангоми ҳаракат дар роҳи мошингарди деҳаи Ланглифи ноҳияи Кӯҳистони Мастчоҳ, аз уҳдаи идораи воситаи нақлиёт набаромада, аз баландии 300 метр ба поён чаппа шудааст. Дар натиҷа, ронанда Зарифов М. ва мусофири мошини мазкур Нусратов Боймурод Гулмирзоевич, соли таваллудаш 1970, сокини ҳамин ноҳия, аз ҷароҳатҳои гуногуни ҷисмонии бардоштаашон дар ҷойи ҳодиса ба ҳалокат расидаанд.
19-уми ноябри соли 2023, тахминан соати 08:00, ронандаи автомашимнаи тамғаи «Хонда СР-В», Турсунов Наимҷон Додоҷонович, соли таваллудаш 1982, сокини шаҳри Хуҷанд, ҳангоми ҳаракат дар роҳи мошингарди “Б.Ғафуров-Ҷ.Расулов», дар кӯчаи Ёваи ноҳияи Б.Ғафуров аз уҳдаи идораи воситаи нақлиёт набаромада, пиёдагарди ноболиғ, Мамадҷонов Аҳлиддин Содирҷонович, соли таваллудаш 2013, сокини ноҳияи мазкурро пахш намудааст. Дар натиҷа, аз ҷароҳатҳои гуногуни ҷисмонӣ пиёдагарди ноболиғ дар беморхона ба ҳалокат расидааст.
20-уми ноябри соли 2023, тахминан соати 20:40-дақиқа, ронандаи мошини тамғаи “БМВ”, Якубов Бахтовар Валиҷонович, соли тавалллудаш 1995, сокини шаҳри Истаравшан, ҳангоми ҳаракат аз самти кӯчаи А.Ҷомӣ ба самти кӯчаи Деҳотии пойтахт, аз уҳдаи идораи воситаи нақлиёт набаромада, пиёдагард Набиев Баҳром Амиралиевич, соли тавалллудаш 1963, сокини ноҳияи Фархорро пахш намудааст. Дар натиҷа, пиёдагард Набиев Б.А. ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст.
Оид ба ин ҳодисаҳо таҳқиқот идома дорад.
Роҳҳои Тоҷикистон аз лиҳози садамаҳои марговараш пурхатар дониста мешаванд. Ҳар сол бар асари садамаҳо дар роҳҳои Тоҷикистон то 400 нафар ба ҳалокат расида, беш аз 1200 тани дигар маъюб мешаванд. Бино ба охирин омори ВКД, танҳо дар нимаи аввали соли 2023 дар роҳҳои Тоҷикистон дар 492 садама 193 нафар ба ҳалокат расида, 514 нафари дигар ҷароҳат бардоштаанд.