ВидеоҲодиса

АКС АЗ ҶОИ ҲОДИСА: ЯК “ЗАПРАВКА” ДАР СУҒД ҲАНӮЗ БО КОР САР НАКАРДА БА КОМИ ОТАШ РАФТ

Рӯзи 19 марти соли 2023  нуқтаи фурӯши сӯзишвории “Кабир 77” дар ноҳияи Ҷаббор Расулови вилояти Суғд ба коми оташ рафтааст. Ин “заправка” мебоист рӯзҳои наздик кушода мешуд. Барои фурӯнишондани сӯхтор 13 мошини сӯхторнишонӣ ҷалб карда шудааст.

Хабарнигори Sputnik Тоҷикистон аз маҳалли ҳодиса хабар дод, ки бар асари ин ҳодисаи нохуш иморат ва асбобу таҷҳизотҳои техникии таъминкунандаи маводи сӯхт сип сиёҳ ба хокистар табил шудаанд.

Бино ба гуфтаи Фаррух Юсуфӣ, сардори идораи сӯхторнишонии ноҳияи Ҷаббор Расулов, сӯхтор тақрибан соати 9:25 дақиқа рух додааст.

“Сӯхтор дар масоҳати 40 метри мураббаъ доман паҳн кардааст. Хушбахтона алангаи оташ то бушкаи калони захиракунандаи газу бензин нарасида ва касе аз кормандони иншоот осеби ҷиддии ҷисмонӣ набардоштаанд”, – гуфт, Юсуфӣ.

Нуқтаи фурӯши сӯзишвории “Кабир 77” навсохтмон буда, тоза барои шурӯъ намудани фаъолият омодагӣ медид, вале пеш аз кушода шуданаш ба коми оташ рафт.

В Джаббар-Расуловском районе сгорела новая АЗС - Sputnik Тоҷикистон, 1920, 19.03.2023

Баъзе ронандаҳои шоҳроҳи Душанбе – Хуҷанд, шоҳиди ҳодиса шудаанд, гуфтанд, ки сӯхтор ба дараҷае шиддат гирифт, ки дуди сиёҳи он то ба фарози осмон мепечид.Бино ба иттилоъи мақомот барои хомӯш намудани оташсӯзӣ 13 адад нақлиёти обпошандаи идораи сӯхторнишонӣ аз шаҳру навоҳии Бӯстон, Бобоҷон Ғафуров ва Хуҷанду спитамен сафарбар карда шудаанд.

Мақомот сабаб ва зарари расида аз ҳодисаро таҳқиқ мекунанд.

Бар пояи иттилоъи мақомот давоми соли гузашта дар Суғд беш аз 460 мавриди оташсӯзӣ ба қайд гирифта шудааст, ки бисёрашон дар пайи нақзи қоидаҳои бехатарӣ аз сӯхтор рух додаанд.

В Джаббар-Расуловском районе сгорела новая АЗС - Sputnik Тоҷикистон, 1920, 19.03.2023

Агар Шумо шоҳиди ҳодисаи ҷолибе шудед, видео ва акс бигиред ва бо ин шумора ба “Бомдод” фиристед. Шумораи мо (WhatsApp, Viber, IMO, Telegram): +420 777 404 854

Назари Шумо чист?

Шарҳҳое, ки дар он таҳқиру дашном ва ё иттилооти дурӯғ бошад, нашр карда намешаванд!

Back to top button