ВидеоХабарҳои кӯтоҳ

ҶАВОНЗАНИ 27-СОЛА КИСАИ МАРДИ 70-СОЛАИ МЕҲМОНАШРО ХОЛӢ КАРД…

Аз навори хабарҳои маркази матбуоти ВКД Тоҷикистон аз 10.03.2023

Дастгир гардидани ҷавони 24-сола ва ғоратгарони ноболиғ

087

Ба ШВКД-1 дар ноҳияи Сино бо ариза ҷавони 23-солаи сокини ноҳияи мазкур муроҷиат намудааст, ки 12-уми феврали соли 2023, тахминан соатҳои 18:00, ҳангоми дар кӯчаи Н.Қарабоеви пойтахт қарор доштанаш ҷавони 24-солаи сокини ҳамин ноҳия, бо роҳи зӯроварӣ аз дасташ 200-сомониро тасарруф намуда, аз ҷойи ҳодиса ғайб задааст.
Инчунин, ба ШВКД дар шаҳри Ваҳдат аризаи ноболиғи 17-солаи сокини шаҳри мазкур ворид гардидааст, ки 8-уми марти соли 2023, тахминан соати 11:10-дақиқа, дар боғи марказӣ, воқеъ дар кӯчаи Фирдавсии шаҳри мазкур шахсони номаълум бо роҳи зӯроварӣ аз ҷайбаш 720 сомониро тасарруф намуда, аз ҷойи ҳодиса ғайб задаанд.
Ҳангоми гузаронидани чорабиниҳои оперативӣ-ҷустҷӯӣ аз ҷониби кормандони милитсия муайян карда шуд, ки ҷинояти мазкурро ду ноболиғи 16-солаи сокинони ҳамин шаҳр содир намудаанд.
Оид ба ин ҳодисаҳо тафтишот идома дорад.

Бо роҳи фиреб аз худ намудани истироҳатгоҳ

088

Ба ШВКД дар шаҳри Ҳисор бо ариза марди 32-солаи сокини шаҳри Душанбе муроҷиат намудааст, ки соли 2019 марди 37-солаи сокини шаҳри Душанбе, бо роҳи фиреб ба бовариаш даромада, аз ӯ истироҳатгоҳ, воқеъ дар шаҳри Ҳисорро ба маблағи 150 ҳазор сомонӣ харидорӣ намуда, то ҳол маблағашро пардохт накардааст.
Аз рӯи ҳолати мазкур парвандаи ҷиноятӣ бо моддаи 247 қисми 3 Кодекси ҷиноятии Ҷумҳурии Тоҷикистон оғоз гардида, тафтишот идома дорад.

Ба даст афтодани зани 27-сола бо ҷурми дуздӣ

1644688454 1ad0e96d7c8989627f87102b2e2bb681

Ба ШВКД дар ноҳияи Темурмалик аризаи марди 46-солаи сокини ноҳияи мазкур ворид гардидааст, ки аввалҳои моҳи сентябри соли 2020, шахсони номаълум бо роҳи пинҳонӣ аз чарогоҳи деҳаашон 2 сар чорвои калони шохдорро дуздида аз ҷойи ҳодиса ғайб задаанд.
Зарари расонидашуда 13 ҳазор сомониро ташкил медиҳад.
Ҳангоми гузаронидани чорабиниҳои оперативӣ-ҷустҷӯӣ аз ҷониби кормандони милитсия муайян карда шуд, ки ҷинояти мазкурро марди 35-солаи сокини ҳамин ноҳия содир намудааст.
Инчунин, ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия зани 27-солаи сокини ноҳияи Шарҳритус бо гумони содир намудани ҷинояти дуздӣ дастгир карда шуд.
Номбурда, 28-уми феврали соли 2023, тахминан соатҳои 20:30-дақиқа, марди 70-солаи сокини ноҳияи Фархорро ба хонаи истиқоматиаш даъват намуда, аз ҷайбаш 3500 сомонӣ, шиносномаи миллӣ ва 1-адад корти ширкати “Душанбе-сити”, ки дар дохили корт маблағи 6500 сомонӣ мавҷуд будааст, тариқи пинҳонӣ тасарруф намудааст.
Зарари расонидашуда 10 ҳазор сомониро ташкил медиҳад.
Аз рӯи ин ҳодисаҳо тафтишот идома дорад.

Агар Шумо шоҳиди ҳодисаи ҷолибе шудед, видео ва акс бигиред ва бо ин шумора ба “Бомдод” фиристед. Шумораи мо (WhatsApp, Viber, IMO, Telegram): +420 777 404 854

Назари Шумо чист?

Шарҳҳое, ки дар он таҳқиру дашном ва ё иттилооти дурӯғ бошад, нашр карда намешаванд!

Back to top button