ОШКОР ШУДАНИ ДУ ҲОЛАТИ ҚАЛЛОБӢ ДАР ПОЙТАХТ ВА ЗАФАРОБОД
Аз навори хабарҳои маркази матбуоти ВКД Тоҷикистон аз 28.02.2023
Ба ШВКД-1 дар ноҳияи Сино аризаи марди 54-солаи сокини ноҳияи мазкур ворид гардидааст, ки моҳи июли соли 2015, ҳангоми дар кӯчаи С.Шерозии пойтахт қарор доштанаш марди 44-солаи сокини ноҳияи Восеъ, ки пеш бо моддаи 247 Кодекси ҷиноятии Ҷумҳурии Тоҷикистон суд шудааст, аз ӯ 20 ҳазор доллари амрикоиро гирифта ваъда додааст, ки дар муддати 7 шабонарӯз бармегардонад, аммо номбурда маблағи гирифтаашро ба манфиати шахсиаш сарф намуда, то ҳол барнагардонидааст.
Инчунин, зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия муайян карда шуд, ки марди 60-солаи сокини ноҳияи Б.Ғафуров, солҳои 2012-2016 якчанд маротиба бо роҳи фиреб ба боварии марди 61-солаи сокини ноҳияи Зафаробод даромада, бо баҳонаи дар ҳудуди ноҳияи Зафаробод корхонаи коркарди пахта бунёд намудан, аз ӯ 15 ҳазору 500 доллари амрикоӣ ва 18 ҳазору 592 сомонӣ гирифта ба манфиати шахсиаш сарф намудааст.
Нисбати гумонбаршаванда парвандаи ҷиноятӣ бо моддаи 247 қисми 4 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.