БОЗДОШТИ ЯК ЗАН БАРОИ ДУЗДИИ ҶУЗВДОНИ ПУР АЗ ПУЛУ ҶАВОҲИРОТ ДАР БОЗОРИ “КОРВОН”
Аз навори хабарҳои маркази матбуоти ВКД Тоҷикистон аз 02.02.2023
Боздошт гардидани зани 28-сола бо ҷурми дуздии ҷузвдон
Ба ШВКД-1 дар ноҳияи Фирдавсӣ бо ариза зани 50-солаи сокини ноҳияи мазкур муроҷиат намудааст, ки 28-уми январи соли 2023, тахминан соати 12:00, шахсони номаълум бо роҳи пинҳонӣ дар ҶДММ Бозори «Корвон»-и шаҳри Душанбе 1-адад ҷуздонро, ки дар дохилаш 1000 доллари амрикоӣ, 6 ҳазору 700 сомонӣ ва ҷавоҳироти гуногуни тиллоӣ буд, дуздида аз ҷойи ҳодиса ғайб задаанд. Зарари расониадашуда 27 ҳазору 500 сомониро ташкил медиҳад.
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия зани 28-солаи сокини ноҳияи Фархор бо гумони содир намудани ҷинояти дуздӣ дастгир карда шуд.
Аз рӯи ҳодисаи мазкур тафтишот идома дорад.
Ифшо гардидани кирдори қаллобӣ
Ба ШВКД-1 дар ноҳияи Шоҳмансур бо ариза марди 35-солаи сокини ноҳияи Шаҳринав муроҷиат намудааст, ки моҳи июли соли 2022 дар кӯчаи М.Турсунзодаи шаҳри Душанбе марди 28-солаи сокини ноҳияи Б.Ғафуров бо роҳи фиреб ба бовариаш даромада, аз ӯ 2-адад автомашинаи тамғаҳои «Нисан» ва «Тойота Кемри»-ро ба маблағи 249 ҳазор сомонӣ нархгузорӣ карда гирифта, ваъда додааст, ки дар муддати кӯтоҳ маблағашонро бармегардонад, аммо номбурда то ҳол ваъдаашро иҷро накардааст.
Аз рӯи ин ҳодиса тафтишот идома дорад.