СОКИНИ НОҲИЯИ Б.ҒАФУРОВ 6 САР ГОВИ АМАКИ ХУДАШРО ДУЗДИДААСТ
Cокини 30-солаи ноҳияи Б.Ғафуров ба он айбдор мешавад, ки шаби 12 декабр ҳамроҳи “Эркабой” ном шахс аз оғили амаки худаш 6 сар чорвои калонро дуздида, ба соҳиби чорво 40 ҳазор сомонӣ зарар расондааст.
ххххххххххх
Сокини 20-солаи шаҳри Ваҳдат ба он айбдор мешавад, ки шаби 14 январ аз хонаи як сокини ноҳияи Файзоб як сар чорвои калонро дуздида, ба соҳибхона 9 ҳазор сомонӣ зарар расондааст.
ххххххххххххх
Сокини 33-солаи Душанбе ба он гумонбар мешавад, ки шаби 13 январ дар кӯчаи Зарнисори пойтахт сокини 32-солаи ноҳияи Б.Ғафуровро дашномҳои қабеҳ дода, телефонашро бо зӯрӣ кашида гирифтааст.
Аз навори хабарҳои маркази матбуоти ВКД Тоҷикистон аз 16.01.2023
Ифшо шудани дуздии чорвои калон
Нисбати марди 30-солаи сокини ноҳияи Б.Ғафуров парвандаи ҷиноятӣ бо моддаи 244 қисми 3 Кодекси ҷиноятии Ҷумҳурии Тоҷикистон оғоз карда шудааст. Номбурда, 12-уми декабри соли 2022, тахминан соати 23:00, бо ҳамроҳи “Эркабой” ном шахс бо роҳи пинҳонӣ аз оғилхонаи ҳавлии истиқоматии амакаш, марди 51-солаи сокини ҳамин ноҳия 6 сар чорвои калони шохдорро дуздида, аз ҷойи ҳодиса ғайб задаанд. Зарари расонидашуда 40 ҳазор сомониро ташкил медиҳад.
Инчунин, ба ШВКД дар ноҳияи Файзобод бо ариза марди 47-солаи сокини ноҳияи мазкур муроҷиат намудааст, ки 14-уми январи соли 2023, тахминан соати 20:00, шахсони номаълум бо роҳи пинҳонӣ аз дохили оғилхонаи ҳавлии истиқоматиаш 1 сар чорвои калони шохдорро дуздида, аз ҷойи ҳодиса ғайб задаанд. Зарари расонидашуда 9 ҳазор сомониро ташкил медиҳад.
Дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия ҷавони 20-солаи сокини шаҳри Ваҳдат бо гумони содир намудани ҷинояти дуздӣ дастгир карда шуд.
Боздошт гардидани марди 33-сола бо ҷурми ғоратгарӣ
Ба ШВКД-1 дар ноҳияи Фирдавсӣ бо ариза марди 32-солаи сокини ноҳияи Б.Ғафуров муроҷиат намудааст, ки 13-уми январи соли 2023, тахминан соати 21:00, ҳангоми дар кӯчаи Зарнисори пойтахт қарор доштанаш, марди 33-солаи сокини шаҳри Душанбе, бе ягон асос ӯро дашномҳои қабеҳ дода, бо роҳи ошкоро аз дасташ 1-адад телефони мобилии тамғаи «Редми-НОТ 9»-ро тасарруф намуда, аз ҷойи ҳодиса ғайб задааст. Зарари расонидашуда 1 ҳазору 650 сомониро ташкил медиҳад.
Аз рӯи ин ҳодиса тафтишот идома дорад.