Радиои Озодӣ бо истифода аз манобеи худ, шабакаҳои иҷтимоӣ ва мақомоти расмӣ то имрӯз номи алакай нафареро гирд овардааст, ки дар ҷараёни даргириҳои мусаллаҳонаи рӯзҳои 14-17-уми сентябри соли 2022 дар сарҳади Тоҷикистон бо Қирғизистон (асосан дар марзи Исфараю Бобоҷон Ғафуров бо ноҳияҳои Бодканду Лайлаки Қирғизистон) кушта шудаанд. Озодӣ мегӯяд, боз ҳам ин рӯйхат ғайрирасмӣ аст ва ҳанӯз ниҳоӣ нест. Ин дар ҳолест, ки мақомоти Тоҷикистон  расман кушта шудани 41 нафарро тасдиқ кардаанд, вале гуфта буданд, ки шумори қурбониён метавонад боз биафзояд. Ҷониби Қирғизистон ҳалокати 59 нафар ва ҷароҳат бардоштани 198 шаҳрвандашро дар ҷараёни муноқишаи охирин дар марз бо Тоҷикистон тасдиқ кардааст. 

Аксари қурбониён рӯзи 16 сентябр, ки нуқтаи авҷи хушунатҳо дар марзи ду кишвар шуд, ба ҳалокат расидаанд.

Мутаассифона, дар байни қурбониён, сокинони мулкӣ, аз ҷумла занону кӯдакон низ зиёданд.

Мақомоти Тоҷикистон қаблан дар бораи ҳалокати дастикам 28 сокини мулкӣ хабар дода буданд. 25 нафари онҳо рӯзи 16 сентябр дар се ҳамлаи нирӯҳои Қирғизистон, ки якеаш бо БТР ва ду ҳамлаи дигар бо ҳавопаймои бесарнишин сурат гирифта буданд,  кушта шуданд.

Аз ин шумор 7 нафар, бо шумули 5 узви як оила (бибӣ, ду келин ва ду тифли яке панҷсолаю дуюмӣ шашсола) бар асари ҳамлаи БТР Қирғизистон ба як мошини “Ёрии таъҷилӣ” дар болои пули деҳаи Чорқишлоқ дар канори Исфара кушта шуданд.

Ҳамин тавр, наздикиҳои шоми 16 сентябр, алакай баъди эълони оташбас ҳавопаймои бесарнишини Қирғизистон ба як мактаб ва масҷид дар ҷамоати Овчӣ Қалъачаи ноҳияи Бобоҷон Ғафуров ҳамла овард. Дар натиҷаи ҳамлаи дрон ба мактаб 6 нафар ба ҳалокат расида, ҳамла ба масҷид 12 кушта ва 20 захмӣ ба ҷо гузошт.

Ба навбати худ, ҷониби Қирғизистон низ нирӯҳои Тоҷикистонро ба ҳамлаҳо ва куштори сокинони мулкӣ айбдор мекунад.

Муноқишаи ахир дар марзи Тоҷикистону Қирғизистон бо инак наздики 130 қурбониаш хунинтарин муноқиша нафақат дар таърихи муноқишаҳои марзии Тоҷикистону Қирғизистон, балки дар таърихи низоъҳои марзии тамоми Осиёи Марказӣ баъд аз суқути Иттиҳоди Шӯравӣ шумурда мешавад. Дар поёни моҳи апрели соли 2021 дар як муноқишаи дигари мусаллаҳона дар ҳамин марзи Исфараю Бобоҷон Ғафуров бо Бодканду Лайлак 55 нафар (36 нафар аз тарафи Қирғизистон ва 19 нафар аз тарафи Тоҷикистон) кушта ва беш аз 200 нафари дигар маҷруҳ шуданд.

Бо гузашти беш аз 30 сол аз суқути СССР, аз 970 км марзи Тоҷикистону Қирғизистон то кунун беш аз 300 километраш ҳамчунон таъйин ва аломатгузорӣ нашудааст. Дар қитъаҳои баҳсӣ, ки асосан дар марзи ноҳияҳои Бодканду Лайлаки вилояти Бодканди Қирғизистон бо ҷамоатҳои шаҳри Исфара ва  ноҳияи Ғафурови вилояти Суғди Тоҷикистон ҷойгир шудаанд, ҳар сари чанд вақт бар сари обу замину чарогоҳу роҳ муноқишаҳо рух медиҳанд. Ин муноқишаҳо баъзан ба тирпаррониҳо мепечанд ва боиси ҳалокати мардум аз ду тараф мешаванд.

Дар солҳои 2021 ва 2022  (то муноқишаҳои моҳи сентябри соли ҷорӣ) дар натиҷаи задухӯрдҳои мусаллаҳона дар марзи ду кишвар дастикам 59 нафар  (36 нафар аз ҷониби Қирғизистон ва 23 нафар аз тарафи Тоҷикистон) кушта шуда, ҳудуди 270 нафар  аз ҳарду ҷониб захмӣ шуданд.

Марзи Исфараву Ворух бо ноҳияи Бодканд ва марзи ноҳияи Бобоҷон Ғафуров бо ноҳияи Лайлак  нуқтаҳои аз ҳама доғ дар марзи Тоҷикистону Қирғизистон ба шумор мераванд.

Номи 70 қурбонии низои 14-17 сентябр дар марзи Тоҷикистону Қирғизистон

Радиои Озодӣ

Радиои Озодӣ бо истифода аз манобеи худ, хешовандон, шабакаҳои иҷтимоӣ ва мақомоти маҳаллӣ то ин дам номи 70 нафареро гирд овард, ки ҳангоми даргириҳои мусаллаҳонаи 14-17-уми сентябр дар сарҳади Тоҷикистон бо Қирғизистон кушта шудаанд. Ин рӯйхат ғайрирасмӣ аст ва ниҳоӣ нест. Мақомоти Тоҷикистон дар бораи кушта шудани 41 нафар гузориш дода, рӯйхати пурраи қурбониёнро надоданд.

1. Насрулло Аскаров, 19-сола, сокини Кӯлканди ноҳияи Исфара. Дар қисми низомии Офтобрӯя хидмат мекард. Рӯзи 16-уми сентябр дафн кардандНурулло Аскаров
2. Раҳмиддин Холов, 22-сола, аз деҳаи Афзалии ҷамоати Бохтариёни ноҳияи Кушониён. Баъди 5 моҳи хидмат дар сафи нерӯҳои мусаллаҳ ва дар қисми низомии 0215-и КДАМ дар Исфара, 16-уми сентябр дар муноқиша дар марз бо Қирғизистон кушта шуд. (Манбаъ: Мақомоти расмӣ)Раҳмиддин Холов
3. Шодмон Ҳусейнов, 21-сола, аз деҳаи Абдураҳмони Ҷомии ҷамоати Заргари ноҳияи Кушониён. Баҳори соли гузашта ба сафи нерӯҳои мусаллаҳ даъват шудааст. Рӯзи 16-уми сентябри соли 2022 дар муноқиша дар марзи Тоҷикистону Қирғизистон кушта шуд. (Манбаъ: Мақомоти расмӣ)
4. Эркин Абдусатторзода, 38-сола, аз шаҳри Гулистон (Қайроққум), подполковники милитсия. Падари чаҳор фарзанд. Рӯзи 16-уми сентябри 2022 дар ҷараёни муноқиша дар марз кушта шудааст. (Манбаъ: Мақомоти расмӣ)
5. Маҳмадҷон Маҳмадов, аз ҷамоати Заргари ноҳияи Кушониёни вилояти Хатлон. Хатмкардаи Донишкадаи олии Нерӯҳои сарҳадии КДАМ-и Тоҷикистон. Рӯзи 16-уми сентябр дар марз кушта шудааст. (Манбаъ: Мақомоти расмӣ)Маҳмадҷон Маҳмадов
6. Зайниддин Холбоев, сарбоз аз деҳаи Зарбдори ноҳияи Панҷи вилояти Хатлон. Сарбози қисми низомии 0215 дар Исфара. (Манбаъ: Мақомоти расмӣ)Зайниддин Холбоев
7. Собирҷон Қувватов, 33-сола, аз ҷамоати Худоёр Раҷабови ноҳияи Восеъ. Рӯзи 16-уми сентябр ҳангоми хидмат дар Исфара кушта шудааст (Манбаъ: Мақомоти расмӣ)
8. Шӯҳрат Наҷмиддинзода, зодаи ноҳияи Ховалинги вилояти Хатлон, соли 1989 ба дунё омадааст. Сокини кӯчаи Обшорон. Оиладор, соҳиби як фарзанд. Корманди Шуъбаи Вазорати корҳои дохилӣ дар Ворух. (Манбаъ: Мақомоти вилояти Хатлон)Шӯҳрат Наҷмиддинзода
9. Сафаралӣ Ҳасани 23-сола аз ноҳияи Восеъ, рӯзи 14-уми сентябр, ҳангоми даргирӣ дар сарҳад кушта шуд. (Манбаъ: Радиои Озодӣ)Сафаралии Ҳасан
10. Нусратулло Фатҳулло, 25-сола, сокини деҳаи Гулистони ноҳияи Кушониён. Падари ду фарзанд ва ҳамсараш интизори тифли саввум. (Манбаъ: Фейсбук ва хешовандонаш)Нусратуллои Фатҳулло
11. Олимназар Холиқназаров, зодаи Бадахшон, падари як фарзанд. Подполковник. Модараш Гулдаста Орумбекова аз наздикони вазири собиқи фарҳанг Шамсиддин Орумбекзода. (Манбаъ: Фейсбук ва манобеи ҳукуматӣ)Олимназар Холиқназаров
12. Хирадманд Усмонзода, аз ноҳияи Айнӣ, деҳаи Вашан. 28 сол дошт, як фарзанд дорад. (Манбаъ: Фейсбук)Хирадманд Усмонзода
13. Майор Ғолиб Абдунабиев, афсари Кумитаи амнияти миллӣ. Сокини деҳаи Навободи ҷамоати Лоиқ Шералӣ, шаҳри Панҷакент. (Манбаъ: Фейсбук ва дӯстонаш)Ғолиб Абдунабиев
14. Тағоймуродзода Шуҳратҷони Ҳикматулло, 24-сола. Сокини деҳаи Роҳи сотсиализми ҷамоати деҳоти Каленини ноҳияи Абдураҳмони Ҷомӣ. Бояд баъди адои хидмат моҳи октябр ба хона бармегашт.Манбаъ: (Мақомоти расмӣ, Инстаграм). (Манбаъ: Инстаграм)
15. Назрулло Олимов, 20-сола, ноҳияи Вахши вилояти Хатлон. (Манбаъ: Мақомоти расмӣ)Назрулло Олимов
16. Салоҳиддин Муъминов, 22-сола аз ноҳияи Вахш. (Манбаъ: Мақомоти расмӣ, Фейсбук)Салоҳиддин Муъминов
17. Шӯҳрат Абдулҳаев, сокини Хатлон. (Манбаъ мақомоти расмӣ)Шӯҳрат Абдулҳаев
18. Саидмуъмин Абдуллоев, зодаи деҳаи Кангурти ноҳияи Темурмалик, ронандаи фармондеҳи Гвардияи миллӣ дар марзи Тоҷикистону Қирғизистон ҳалок шудааст. (Манбаъ: Фейсбук ва хешовандонаш)
19. Ҳодибой Султонов, лейтенанти калони милитсия, корманди Шуъбаи корҳои дохилӣ дар шаҳри Исфара ҳангоми даргириҳо дар рӯзи 16-уми сентябри соли 2022 ҳалок шуд. (Манбаъ: Мақомоти расмӣ)
20. Фирдавс Худойбердиев 20-сола, зодаи шаҳраки Ҳаёти нави ноҳияи Ёвон дар задухӯрдҳои сарҳадӣ ҳалок шуд. Соли 2020 ба сафи Қувваҳои мусаллаҳи Тоҷикистон пайваста, орзуи дар оянда низомӣ шуданро доштааст. (Манбаъ: Фейсбук ва мақомоти расмӣ)
21. Раҳматшоҳи Шамсизод, 22-сола, аз деҳаи Меҳробод (Қурбоншаҳид)-и ноҳияи ВосеъРаҳматшоҳи Шамсизод
22. Саврон Худойбердиев, хатмкардаи Донишкадаи Кумитаи давлатии амнияти миллӣ. Дар хати сарҳад дар ҷараёни даргириҳо бо марзбонони Қирғизистон кушта шудааст. (Манбаъ: Фейсбук)
23. Содирбек Неъматзода, 25-сола, сокини деҳаи Истошони ҷамоати Лангари ноҳияи Мастчоҳ. 17-уми сентябр дар зодгоҳаш дафн карда шуд. Соҳиби як фарзанди ноболиғ. (Манбаъ: Мақомоти расмӣ)
24. Нурмуҳаммад (Атоев) Холзода, 32-сола. Дар деҳаи Ҳадишаҳр, ҷамоати Иван-тоҷики ноҳияи Кӯҳистони Мастчоҳ таваллуд шудааст. Соли 2012 ба сафи Қувваҳои Мусаллаҳи Ҷумҳурии Тоҷикистон даъват шуда, соли 2014 баъди адои хидмат дар шуъбаи Кумитаи амнияти миллӣ дар шаҳри Конибодом ба кор шуруъ кардааст. Оиладор соҳиби ду фарзанди ноболиғ. (Манбаъ: Мақомоти расмӣ)Нурмуҳаммад Атоев (Холзода)
25. Аловиддин Мирзоев, 36-сола, афсар. Дар муноқишаҳои марзии миёни Тоҷикистону Қирғизистон кушта шуд. Сокини деҳаи Искодари ноҳияи Айнӣ. Падари се фарзанд. (Манбаъ: Мақомоти расмӣ, Фейсбук)Аловиддин Мирзоев
26. Мансурҷон Қаюмов, зодаи деҳаи Кангурти ноҳияи Темурмалик, лейтенант.Мансурҷон Қаюмов
27. Шералӣ Раҳимзода, афсари нерӯҳои марзбонӣ. Зодаи деҳаи Кеврони ноҳияи Дарвоз. (Манбаъ: Видеои ҷаноза аз Фейсбук, мақомоти расмӣ)Шералӣ Раҳимзода
28. Зикруллои Амрулло, 20-сола, сокини шаҳраки Вахши ноҳияи Вахш. Қарор буд, баъди адои хидмати дусола ба хона баргардад. Дар зодгоҳаш ба хок супурда шуд.
29. Бахтовар Мирзоев, 25-сола. Сокини ҷамоати деҳоти “Гулистон” и ноҳияи Левакант. (Манбаъ: Мақомоти ноҳияи Левакант)Бахтовар Мирзоев
30. Муҳаммад Одинаев. Сокини шаҳраки Бахти ноҳияи Зафаробод. Соҳиби як фарзанд. Марзбон ва Хатмкардаи Донишгоҳи неруҳои марзбонӣ. Рӯзи 16-уми сентябр дар Ворух кушта шудааст. Манбаъ: Хешовандонаш ва Ютуб
31. Шамсулло Ҳайдаров, 42-сола. Сокини деҳаи Тоҷикистон-2, ноҳияи Фархор. (Манбаъ: Раъно Раҳимзода, сардори идораи кор бо занони Хатлон)
32. Меҳриддин Миралиев, аз деҳаи Тутои ҷамоати деҳоти Балхобии ноҳияи Муъминобод. 39-сола ва афсари нерӯҳои марзбонии Тоҷикистон. (Манбаъ: Фейсбук)Меҳриддин Миралиев
33. Ибодуллои Убайдулло, 31-сола, аз шаҳри Леваканди вилояти Хатлон. (Манбаъ: Фейсбук)Ибодуллои Убайдулло
34. Неъматуллои Раҳматулло, афсар аз маҳаллаи Энергетикаи шаҳри Норак. (Манбаъ: Фейсбук)
35. Сабриддин Ҷумъаев, афсари нерӯҳои марзбонӣ, ки дар вилояти Суғд хидмат мекард. Зодаи деҳаи Қазноқ, ҷамоати Нусратулло Махсуми ноҳияи Рашт. Дар зодгоҳаш бо ҳузури мақомоти расмӣ дафн шудааст. (Манбаъ: Фейсбук ва хешовандонаш)Маросими видоъ бо Сабриддин Ҷумъаев дар Рашт
36. Саидҷалол Расулзода, афсар, ноҳияи Восеъ. (Манбаъ: Ютуб)
37. Фатҳиддин Ҷаъфарзода, сокини шаҳри Ваҳдат. (Манбаъ: Фейсбук)
38. Сорбон Худойбердизода, 22-сола. Зодаи деҳаи Хишевакт, ҷамоати Ростровути ноҳияи Деваштич. Сорбон хатмкардаи Донишкадаи олии Нерӯҳои сарҳадии КДАМ дар шаҳри Исфара хидмат мекард. Зимни даргириҳои марзӣ 14-уми сентябр ҳалок шуд. (Манбаъ: Фейсбук)Сорбон Худойбердизода
39. Абдураҳим Нуров, 23-сола. Сокини деҳаи Нусратулло Махсуми ҷамояти Яккатути ноҳияи Абдураҳмони Ҷомӣ. Марзбон. Рӯзи 16-уми сентябр дар муноқиша дар марз кушта шуд. Манбаъ: (Хешовандонаш ва мақомоти расмӣ)
40. Муҳаммадҷон Пиров 29-уми апрели соли 1988 таваллуд шудааст. Оиладор соҳиби 3 фарзанд буд. Аз деҳаи Правдаи ҷамоати Иттифоқи ноҳияи Абдураҳмони Ҷомӣ. (Манбаъ: Мақомоти расмӣ)Муҳаммадҷон Пиров
41. Ҷамшед Набиев, сокини маҳаллаи Симиганҷи шаҳри Ваҳдат. Рӯзи 20-уми сентябр ба хок супурда шуд. Аз тири снайпер ба ҳалокат расидааст. Соҳиби ду фарзанд.
42. Ибодулло Рӯзиев, 20-сола. Сокини деҳаи Дӯстии ноҳияи Мир Сайид Алии Ҳамадонӣ. Рӯзи 18-уми сентябр дар Исфара тир хӯрда, 19-уми сентябр даргузаштааст. (Манбаъ: Фейсбук ва хешовандонаш)Ибодулло Рӯзиев
43. Некрӯз Исломов, 19-сола аз ноҳияи Хуросон. Рӯзи 17-уми сентябр ҳангоми хидмат кушта шудааст. (Манбаъ: Фейсбук, мақомоти расмӣ)Некрӯз Исломов
44. Аслан Менеқулов, 19-сола, сарбоз, шаҳри Бохтар. (Манбаъ: Мақомоти расмӣ)Аслан Менеқулов
45. Муҳибулло Аббосов, сокини ҷамоати Зарзамини ноҳияи Бобоҷон Ғафуров. Соҳиби се фарзанд. Рӯзи 16-уми сентябр дар назди масҷиди ҷамоати Овчӣ-Қалъачаи ноҳияи Бобоҷон Ғафуров кушта шудааст.Муҳибулло Аббосов
46. Савринисо Ҳоҷибоева, 60-сола, ҷамоати Хистеварзи ноҳияи Бобоҷон Ғафуров​
47. Набиҷон Аҳмедов, ҷамоати Овчӣ-Қалъачаи ноҳияи Бобоҷон Ғафуров
48. Солеҳҷон Раҳимов, пизишки 45-солаи ҷамоати Овчӣ-Қалъачаи ноҳияи Бобоҷон Ғафуров
49. Насриддин Ҳайдаров, сокини ҷамоати Овчӣ-Қалъачаи ноҳияи Бобоҷон Ғафуров
50. Ғуломҷон Акбаров, сокини ҷамоати Овчӣ-Қалъачаи ноҳияи Бобоҷон Ғафуров
51. Абдусалом Абдушукуров, сокини ҷамоати Овчӣ-Қалъачаи ноҳияи Бобоҷон Ғафуров
52. Абдувосит Сатторов, сокини ҷамоати Овчӣ-Қалъачаи ноҳияи Бобоҷон Ғафуров
53. Муҳаммадҷон Болтуев, сокини ҷамоати Овчӣ-Қалъачаи ноҳияи Бобоҷон Ғафуров
54. Қирғизбой Қирғизбоев, сокини ҷамоати Овчӣ-Қалъачаи ноҳияи Бобоҷон Ғафуров
55. Умедҷон Султонов, сокини ҷамоати Овчӣ-Қалъачаи ноҳияи Бобоҷон Ғафуров
56. Каромат Зуҳурова (Сатторова), пизишк, ҷамоати Овчӣ-Қалъачаи ноҳияи Бобоҷон Ғафуров
57. Абдувоҳиди Абдуқаюм, сокини ҷамоати Овчӣ-Қалъачаи ноҳияи Бобоҷон Ғафуров, корманди Сарраёсати молияи вилояти Суғд
58. Бишарифа Воҳидова, 8-сола, ҷамоати Хистеварзи ноҳияи Бобоҷон Ғафуров. Рӯзи 16-уми сентябр кушта шудааст (Манбаъ: Идораи маорифи ноҳияи Бобоҷон Ғафуров)Бишарифа Воҳидова
59. Муродҷон Юсуфов, сокини ҷамоати Ворухи шаҳри Исфара
60. Мунаввархон Маҳмудова, 62-сола, сокини ҷамоати Чилгазии шаҳри ИсфараМунаввархон Маҳмудова
61. Аҳмадҷон Собиров, 3-сола, аз маҳаллаи лангари Чоркӯҳи Исфара. Наздиконаш гуфтанд, рӯзи 16-уми сентябр кушта шудааст. Падараш, Акмалҷон Собиров, захмӣ ва дар бемористон аст.
62. Абдураҳим Каримов, 47-сола, аз маҳаллаи Қарабоғи ҷамоати Сурхи Исфара. Рӯзи 16-уми сентябр дар муноқиша дар марз кушта шудааст. Соҳиби 5 фарзанд. (Манбаъ: Хешовандонаш)
63. Муҳайёхон Файёзова, 53-сола, ҷамоати Чоркӯҳи шаҳри Исфара
64. Дилноза Баҳромзода, 29-сола, ҷамоати Чоркӯҳи шаҳри Исфара
65. Садоқат Уктамзода, 25-сола, ҷамоати Чоркӯҳи шаҳри Исфара
66. Асмоа Амриддинзода, 6-сола, ҷамоати Чоркӯҳи шаҳри Исфара
67. Имрон Илҳомзода, 5-сола, ҷамоати Чоркӯҳи шаҳри ИсфараИмрон ва Асмоа
68. Баҳром Ҳакимови 51-сола, муаллим, деҳаи Хоҷаи Аълои ҷамоати Чоркӯҳи шаҳри ИсфараБаҳром Ҳакимов
69. Камолиддин Ашӯров, пизишк, навбатдори “Ёрии таъҷилӣ”, ҷамоати Сурхи шаҳри ИсфараКамолиддин Ашӯров
70. Ҳасанбой Валиев, ронандаи мошини “Ёрии таъҷилӣ”, ҷамоати Сурхи шаҳри Исфара

Агар Шумо шоҳиди ҳодисаи ҷолибе шудед, видео ва акс бигиред ва бо ин шумора ба “Бомдод” фиристед. Шумораи мо (WhatsApp, Viber, IMO, Telegram): +420 777 404 854