ҚАЛЛОБӢ БО ЧОЙИ ХУШК ВА ДУЗДИИ “АЙФОН” АЗ ДОХИЛИ МОШИН
Сокини 59-солаи Душанбе, ки пеш барои таҷовуз ба номус суд шудааст, ба он гумонбар мешавад, ки ҳанӯз моҳи январи соли 2017 бо роҳи фиреб ба боварии сокини 53-солаи пойтахт даромада, аз ӯ ба маблағи 5 ҳазор доллар чойи хушк гирифтааст, вале то ҳол пулашро надодааст.
хххххххххххххххххх
Сокини 20-солаи Душанбе ба он гумонбар мешавад, ки рӯзи 12 март аз дохили як мошини “Тойота Кемри”-и сокини 23-солаи Ҳисор, ки дар хиёбони Рӯдакии пойтахт беназорат меистод, як телефони мобили тамғаи “Айфон-13”-ро дуздидааст.
Аз навори хабарҳои рӯзи 24 марти маркази матбуоти ВКД Тоҷикистон
Ошкор шудани қаллобӣ ба маблағи 5 ҳазор доллари амрикоӣ
Ба ШВКД дар ноҳияи И.Сомонӣ бо ариза марди 53-солаи сокини пойтахт муроҷиат намудааст, ки моҳи январи соли 2017, марди 59-солаи сокини шаҳри Душанбе, ки пеш бо моддаи 138 Кодекси ҷиноятии Ҷумҳурии Тоҷикистон суд шудааст, бо роҳи фиреб ба бовариаш даромада, аз ӯ маҳсулоти «чойи хушк» ба маблағи 5 ҳазор доллари амрикоӣ гирифта, то ҳол маблағашро барнагардонидааст.
Аз рӯи ин ҳодиса тафтишот идома дорад.
Ифшо шудани дуздии телефони мобилии “Айфон-13”
Ба ШВКД дар шаҳри Ҳисор бо ариза ҷавони 23-солаи сокини шаҳри мазкур муроҷиат намудааст, ки 12-уми марти соли 2022, шахси номаълум аз дохили автомашинаи тамғаи “Тойота-Кемри”, ки дар хиёбони Рӯдакии пойтахт беназорат меистод, 1-адад телефони мобилии тамғаи “Айфон-13”-ро дуздида, аз ҷойи ҳодиса ғайб задааст.
Зарари расонидашуда 16 ҳазору 300 сомониро ташкил медиҳад.
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия ҷавони 20-солаи сокини шаҳри Душанбе ҳамчун гумонбар дар содир намудани ҷинояти дуздӣ дастгир карда шуд.
Аз рӯи ин ҳодиса тафтишот идома дорад.