ВидеоХабарҳои кӯтоҳ

БОЗДОШТИ ЯК НАВРАСИ 14-СОЛА БАРОИ ДУЗДИИ 6 ҲАЗОР ДОЛЛАР ВА ЯК МИЛЛИОН РУБЛ

Маркази матбуоти ВКД Тоҷикистон аз ошкор шудани дуздии маблағи хеле бузург аз ҷониби як наврас дар ноҳияи Мастчоҳ хабар дод.

Бино ба иттилои расмӣ, ба ШВКД дар ноҳияи Мастчоҳ бо ариза зани 72-солаи сокини ноҳияи мазкур муроҷиат намудааст, ки шаби 4 ба 5-уми январи соли 2022, шахсони номаълум бо роҳи пинҳонӣ ба хонаи истиқоматиаш даромада, аз он ҷо 6 ҳазор доллари амрикоӣ ва 950 ҳазор рубли русиро дуздида, аз ҷойи ҳодиса ғайб задаанд.

Дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия ноболиғи 14-солаи сокини ҳамин ноҳия ҳамчун гумонбар дар содир намудани ҷинояти дуздӣ дастгир карда шуд.

Аз рӯи ин ҳодиса тафтишот идома дорад.

Агар Шумо шоҳиди ҳодисаи ҷолибе шудед, видео ва акс бигиред ва бо ин шумора ба “Бомдод” фиристед. Шумораи мо (WhatsApp, Viber, IMO, Telegram): +420 777 404 854

Назари Шумо чист?

Шарҳҳое, ки дар он таҳқиру дашном ва ё иттилооти дурӯғ бошад, нашр карда намешаванд!

Back to top button