СОКИНИ ШАҲРИНАВ ҲАМДЕҲААШРО БО ТАБАР КУШТА, СИПАС ӮРО ОТАШ ЗАДААСТ
Марди 49-солаи сокини ноҳияи Шаҳринав ба он муттаҳам мешавад, ки рӯзи 3 декабр, тахминан соати 11, дар ҳудуди деҳаашон бо марди 45-солаи ҳамдеҳааш ҷанҷол карда, ба гардани ӯ як зарбаи табар задааст ва сипас онро мардро оташ задааст. Тафсилоти дигари ҳодиса ва сабаби ин муноқишаи маргбори ду ҳамдеҳа ҳанӯз дастрас нест. Ба марди дастгиршуда аз 8 то 15 соли зиндон таҳдид мекунад.
хххххххххх
Ду сокини ноҳияи Рӯдакӣ ба он гумонбар мешаванд, ки шаби 2 ба 3 октябр аз оғили сокини 46-солаи ин ноҳия говашро дуздида, ба вай 3200 сомонӣ зарар расондаанд.
Аз навори хабарҳои рӯзи 4 декабри маркази матбуоти ВКД Тоҷикистон
Ошкор гардидани ҷинояти одамкушӣ бо истифода аз табар
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 49-солаи сокини ноҳияи Шаҳринав бо гумони содир намудани ҷинояти одамкушӣ, дастгир карда шуд. ВКД гуфт, номбурда, 3-юми декабри соли 2021, тахминан соати 11.00, дар ҳудуди деҳаашон бо марди 45-солаи сокини ноҳияи мазкур ҷангу ҷанҷол карда, бо табар 1-маротиба ба гарданаш зада, баъдан охиронро оташ зада, ба ҳалокат расонидааст. Оид ба ин ҳодиса тафтишот идома дорад.
Аз “Бомдод”: Тафсилоти дигари ҳодиса ва сабаби ин муноқишаи маргбори ду ҳамдеҳа ҳанӯз дастрас нест. Ба марди дастгиршуда аз 8 то 15 соли зиндон таҳдид мекунад. Вале агар ин куштор ҳамчун куштор бо бераҳмии махсус ҷамъубаст шавад, ба ӯ аз 15 то 25 соли зиндон таҳдид хоҳад кард.
Кушода шудани ҷинояти дуздии чорво
Ба ШВКД-1 дар ноҳияи Рӯдакӣ бо ариза марди 46-солаи сокини ноҳияи мазкур муроҷиат намудааст, ки шаби 2-юм ба 3-юми октябри соли 2021, тахминан соати 01.30-дақиқа, шахсони номаълум бо роҳи пинҳонӣ аз дохили оғилхонааш 1-сар чорвои калони шохдорро дуздида, аз ҷойи ҳодиса ғайб задаанд. Зарари расонидашуда 3 ҳазору 200-сомониро ташкил медиҳад.
Зимни гузаронидани чорабиниҳои оперативӣ-ҷустуҷӯӣ аз ҷониби кормандони милитсия мардони 30-сола ва 26-солаи сокинони ноҳияи Рӯдакӣ бо гумони содир намудани ҷинояти мазкур, дастгир карда шуданд.
Оид ба ин ҳолат тафтишот идома дорад.