СЕ АКС АЗ ҶОИ ҲОДИСА: МОШИНРО БО ТАНОБУ ҒАРҒАРА АЗ КАНАЛИ ВАРЗОБ БАРОВАРДАНД
Кумитаи ҳолатҳои фавқулоддаи Тоҷикистон хабар дод, ки дастаи наҷотдиҳандагонаш рӯзи 11 ноябр аз канали дериватсионии нирӯгоҳи Варзоб як мошини сабукрави тамғаи “Musso”-ро бо истифода кран берун овардаанд.
Гуфта мешавад, рӯзи панҷшанбе ба қисми навбатдории Кумита хабар расид, ки як мошини тамғаи «Musso», ки аз шаҳри Хуҷанд ба самти Душанбе равон буд, дар километри 8-уми роҳи Душанбе-Варзоб ба об сарозер шудааст.
Наҷотдиҳандагони Кумита фавран ба ҷойи ҳодиса расида, мошинро аввал бо симтаноб бастанд ва сипас бо ёрии ғарғара оҳиста-оҳиста аз об боло кардаанд.
“Хушбахтона, дар ин ҳодисаи нохуш касе осеб надид. Ронанда худ мустақилона тавонист аз дохили мошин берун шавад ва худро солим ба соҳил расонад”, – гуфта мешавад дар хабар.
КҲФ аз ронандагон хостааст, ки ҳангоми сафар қоидаҳои бехатариро риоя намоянд, суръати ҳаракатро боло набаранд ва ҷони худу ҳамроҳон ва роҳгузаронро ба хатар наяндозанд.
