ДУЗДИИ 3 ЗАРДЕВОР АЗ КОРХОНАИ “ҚУМУ ШАҒАЛ” ДАР ЛУЧОБ
Ба ШВКД-1 дар ноҳияи Рӯдакӣ бо ариза ҷавони 23-солаи сокини шаҳри Душанбе муроҷиат намудааст, ки моҳи июни соли 2021, шахси номаълум бо роҳи пинҳонӣ аз корхонаи “Қуму-шағал”, воқеъ дар деҳаи Лучоб, 3-адад қисмҳои таҷҳизоти зардеворро дуздида, аз ҷойи ҳодиса ғайб задааст. Зарари расонидашуда 78 ҳазору 660 сомониро ташкил медиҳад.
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 49-солаи сокини пойтахт бо гумони содир намудани ҷинояти дуздӣ дастгир карда шуд.
Ҳамин тариқ ба ШВКД дар ноҳияи Восеъ бо ариза зани 45-солаи сокини ҳамин ноҳия муроҷиат намудааст, ки шаби 16 ба 17-уми октябри соли 2021, тахминан соати 00:30-дақиқа, шахси номаълум бо роҳи пинҳонӣ ба хонаи истиқоматиаш даромада, аз дохили ҷузвдон ҷавоҳироти гуногуни тиллоӣ ва нуқрагиро дуздида, аз ҷойи ҳодиса ғайб задааст.
Зарари расонидашуда 9 ҳазору 100 сомониро ташкил медиҳад.
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия ҷавони 21-солаи сокини ноҳияи зикргардида бо гумони содир намудани ҷинояти дуздӣ дастгир карда шуд. Аз рӯи ин ҳодисаҳо тафтишот идома дорад.
