ВидеоНомаҳо ба президентНуқтаи назарҶомеа

НОМАИ ПЕШ АЗ МАРГИ ҒИЁСИДДИН АЮБЗОДА: ДАР МАРГИ МАН ДУ ҚОРӢ-ИШКАМБА ГУНАҲКОРАНД!

Худо донаду ман донаму ту ҳам донӣ,

Ки як фулуз надорад Ғиёси Ревадӣ.

Ин байт аз номаи пеш аз марги Ғиёсиддин Аюбзода, як корманди “Амонатбонк” аз деҳаи Ревади ноҳияи Айнӣ аст, ки шаби 4 октябр дар ҷои кораш худро ба дор овехт.

Ғиёсиддин, ки ҳамагӣ 27 сол дошту писари ягонаи хонавода буд ва се фарзанди хурдсолашро ятим гузошт,  номаи пеш аз маргашро дар компютер ба шакли муроҷиат ба падараш Аюб Хуҷов навиштааст ва дар он муфассал шарҳ медиҳад, ки чаро даст ба ҷони ҷавони худ зад? Ғиёсиддин аз падараш хостааст, ки ин номаро ҳамчун васияти ӯ пеш аз намози ҷанозааш ба мардум қироат кунанд. Ҳатто чанд нафарро ном бурдааст, ки ба навиштаи Ғиёсиддин, “оратор”, яъне наттоқанд ва ин матнро метавонанд хуб қироат кунанд.

Маълум нест, ки оё ин васияти Ғиёсиддини ҷавонмаргро иҷро карданд ё на, вале номаи охирини ӯ, ки нусхааш ба дасти пойгоҳи хабарии “Бомдод” низ расид, парда аз бисёре аз розҳои марги ӯро мебардорад ва асрори худкушиашро мекушояд.

Дар пайи худкушии ин корманди бонк фарзияҳои мухталифе ба миён омаданд ва бархе ҳатто ба “Амонатбонк” дарафтоданд, ки шояд болои кормандаш фишори равонӣ овардааст.

Вале Ғиёсиддин дар номааш навиштааст, мушкиле, ки бори гаронаш риштаи зиндагии ӯро қатъ кард, рабте ба кораш дар “Амонатбонк” надорад, балки ду Қорӣ-Ишкамбаи даврони мо бо фоизҳои миёншикан (ҳар рӯз – 15 ҳазор сомонӣ!!!) як бачаи ҷавонро миёнашро чунон шикастаанд, ки бечора ба ғайр аз ҳалқаи дор ягон роҳи дигари наҷотро пайдо накардааст.

 Бино ба нақли марҳум, ӯ ду сол пеш 150 ҳазор сомонӣ маблағи аз “Амонатбонк” гирифтаашро  ба таври мармуз гум кардааст.  “Ягон хонаводаам нафаҳмад гуфта, аз Ҳочие ба номи Айёр (Ҳоҷи Айёр) ном шахс ба воситаи Бобои Туяк ин пулро бо фоиз гирифтам аввал вай ба ман гуфт, ки ба мӯҳлати як моҳ 5% (панҷ фоиз) медиҳи ман розӣ шудам ба кадом хотир ба хотире, ки падар, модар ва дигар аъзои оила нафаҳманду шарманда нашавем дар байни мардум, аммо шармандагӣ аз ин зиёдтар мешавад ба андозае, ки то ҳол шуд”, – навиштааст дар охирин номааш Ғиёсиддин.

Ӯ дар марги худ ҳамин ду нафарро гунаҳкор мекунад ва менависад, ки вақте ба доми Ҳоҷӣ Айёр афтод, баъди чанде “бин просент ҳафтаина шуд аз шармандаги одамо нафаҳманд гуфта, сар шуд просент додан ҳафтае 15000 (понздаҳ) ҳазор сомонӣ ки ин маблағро ман дигар ёфта додан натонистам фақат гаппаш ҳамин буд ман хонетон мерам ҷои мурди мана ёфт мани рӯсиёҳ падару модар нафаҳманд гуфта аз мардум қарзгириро сар кардам аз тамоми мардум қарздор шудам аз ҷубронҳои мардум бурдарасход задам раису бечора коргароро фиреб карда.”

Ҳоҷӣ Айёр дар охир фоизи қарзашро ҳаррӯза карда, ҳар рӯз ба қарзи Ғиёсиддин 15 ҳазор сомонӣ (!!!) меафзудааст. Дар натиҷа ин бачаи ҷавон 900 ҳазор сомонӣ қарздор шудааст. Ӯ менависад, ки рӯзи маргаш на ба бонк, балки Душанбе пеши Ҳоҷӣ Айёр рафта, аз вай илтиҷо карда буд, ки пардохти қарзро ба қафо партояд ва ба вай каме маҷол диҳад, вале Ҳоҷӣ Айёр ва бобои Туяк баракс фишорро болои Ғиёсиддин боз ҳам бештар кардаанд ва гуфтаанд, агар пулро надиҳад, ба хонаашон мераванд. Ғиёсиддин мегӯяд, баъди ин ӯ тасмим гирифт, ки тарки ин дунё кунад.

Ӯ дар марги худ мушаххасан  Ҳоҷӣ Айёр ва бобои Туякро айбдор мекунад ва ба падараш навиштааст, ки бояд ҳамаи қарзҳои ҷамъшудаи ӯро ҳамин Ҳоҷӣ Айёр пардохт кунад. “То насупорад, аз даъво нагузаред”, таъкид кардааст Ғиёсиддин дар номааш.

“Ин ҳоҷӣ не, ин просентшик! О наход ҳоҷӣ рибо хӯрад?” навиштааст бо хашм Ғиёсиддин ва ин байтро дар номааш иқтибос овардааст:

Қаъбаро гуфтам, чаро ту курта мепӯшӣ сиёҳ?

Гуфт, шармам ояд аз ҳоҷиёни русиёҳ.

Ғиёсиддин дар номааш чандин бор аз падару модар ва аҳли хонавода ва ҳам аз фарзандони худ узр мепурсад, ки худ нохоста, ҳамаи онҳоро ғарқи андуҳу мотам мекунад.

“Ба наздаш рафтам, ки аққалан як камтар кумакам кун эҳ чи илоҷ нашуд ин мардак маро срок монд ва просентҳояш якрӯза шуд рӯзаш 15000 (понздаҳ ҳазор) сомонӣ ман дидам ,ки намешавад ман ба худкушӣ даст задам. Падарҷонам дар ҳолати навиштан фақат дар пеши чашмонам Шумо модар, Абдуллоҳҷон, Оиша, Омина, Азизабону, Дилрабо, Афроза, Фиребо, Фарзона, Шикебо аҳли оилаам маро бубахшед ҳамматон дар алоҳидагӣ чун ки ман барои ягон таи Шумо на фарзанди хуб на бародари хуб на ҳамсари хуб на падари хуб будам ман ҳеҷ чиз будам, барои ягонтаатон ягон чизе накардаам, ки гӯям…”  навиштааст Ғиёсиддин.

Ғиёсиддин Аюбзода аввалин нафаре дар Тоҷикистон нест, ки қурбони сӯдхӯрони ҳаромхӯр мешавад. Ҳамагӣ ду ҳафта пеш як сокини Ҳисор низ ба фишори фоизҳои қарзҳои ҷамъшудааш дигар тоб наоварда, худро ба дор овехта буд.

 Мутаассифона, дар қонунгузории кишвар то ҳол ҷазои мушаххасе барои чунин амал нест ва  шаҳрвандон дар муқобили рибохӯрони беинсоф беҳимоят боқӣ мемонанд.

Фоҷиаи Ғиёси Ревадӣ, ки ба қавли худаш бе ягон фулуз, вале бо ҳазорон армону алам аз дори  ин дунё рафт, бояд бепаёмад намонад ва ҳадди ақал дар қонунгузорӣ барои онҳое, ки бо чунин фоизҳои миёншикан мардумро аз ҳама дороияшон маҳрум мекунанд ва дар ниҳоят ба ҳалқаи дор тела медиҳанд, ҷазоҳои сангинтарин ҷорӣ карда шавад.

Туяков Айёр

МАТНИ ПУРРАИ НОМАИ ПЕШ АЗ МАРГИ ҒИЁСИДДИН АЮБЗОДА

(шакли навишти марҳум ҳифз шудааст)

Қаъбаро гуфтам, чаро ту курта мепӯшӣ сиёҳ,

Гуфт, шармам ояд аз ҳоҷиёни русиёҳ.

Салому дуруд ва бахшиши зиёд дӯстони азизам пеш аз ҳама аз ҳамаи Шумо хоҳони онам, маро пеш аз ҳама аз гуноҳонам гузаред, чунки ман аз якояки ин мардум қарздор ҳастам барои он ки ман 2-сол пеш ба маблағи 150000 (яксаду панҷоҳ) ҳазор сомонӣ маблағ аз Амонатбонк ва ин маблағро намедонам ё коргаронамон ё ягон шахс аз хонааомон дуздид. Саҳар аз хоб мехезаму ба кор раҳсипор шудам, ки ин дар сумкаам ин маблағ нест.

Ё ин ки ягон ҳамкорам ё ин ки ягон шахс ба ман ягон чизи мадҳушкунанда дода бошад шояд чунки дар хотирам тамоман наомад фақат маблағро аз таҳвилхонаи филиал гирифта будам дар хотирам ҳасту халос.

Падар дар муҳоҷирати меҳнатӣ қарор доштанд.

Ягон хонаводаам нафаҳмад гуфта, аз Ҳочие ба номи Айёр (Ҳоҷи Айёр) ном шахс ба воситаи Бобои Туяк ин пулро бо фоиз гирифтам аввал вай ба ман гуфт, ки ба мӯҳлати як моҳ 5% (панҷ фоиз) медиҳи ман розӣ шудам ба кадом хотир ба хотире, ки падар, модар ва дигар аъзои оила нафаҳманду шарманда нашавем дар байни мардум, аммо шармандагӣ аз ин зиёдтар мешавад ба андозае, ки то ҳол шуд.

Ҳоҷи Айёр баъд ман ба доми ин одам фитодам сар шуд пас аз як ҳафта бо рақамҳои чорто 6666 ҳамин доно боз ин одам, ки як бор занг мезанад халос назди Бобои Туяк рав ё ин ки Бобои Туяка бин просент ҳафтаина шуд аз шармандаги одамо нафаҳманд гуфта, сар шуд просент додан ҳафтае 15000 (понздаҳ) ҳазор сомонӣ ки ин маблағро ман дигар ёфта додан натонистам фақат гаппаш ҳамин буд ман хонетон мерам ҷои мурди мана ёфт мани рӯсиёҳ падару модар нафаҳманд гуфта аз мардум қарзгириро сар кардам аз тамоми мардум қарздор шудам аз ҷубронҳои мардум бурдарасход задам раису бечора коргароро фиреб карда.

Хостам бо дастонам нависам, аммо аз сабиби оне, ки бемории Ковид-19- ро гузаронидагӣ ҳастам ҳатто ручкаро ба дастонам гирифта натонистам албатта дар охир бо дастхатам ва як ду ҳарф тасдиқ мекунам. Ҳамаи он қарзҳое, ки аз ман ҳастанд бояд Ҳоҷи Айёр пардохт намояд дар маҷмӯъ 900000 (нуҳсад ҳазор) сомонӣ ин мардак ҳатто Фотеҳ ва Исматуллоро низ ба ҳамин ҳолат оварда қарздор кард ки бечораҳо қарздор шуда ба Россия гуреза шуданд.

Мақсад аз саршавии ин дастхат низ барои ҳамин аз Ҳоҷиён сар шуд наход ҳоҷи рибо хурад манро то ба ҷонам расонид, ки ман рози шудам, ки ба худкушӣ даст задам. Ман фарзандам дар бемористон қарор дошт ман рӯзи 7-8-9-10 август дар Хуҷанд қарор доштам маро чунин ба ҷонам расонидагиаст, ин одам ҳамин хел доно, ки ягон амалиёт бавоситаи бонк не фақат ба даст охирон бор ман ба воситаи бонк ба номи Туяк 10000 даҳ ҳазор сомонӣ фиристодагӣ будам баъд ба номи Ҳоҷи Айёр 2000 ду ҳазор сомонӣ ин як маротиба фиристодаги будам ин мардак э Худо ин ҳоҷи не ин просенчик кадом як гаппи инро ман гӯям ин маро ба балоҳои бад гирифтор кард ҳафтаи гузашта ба Душанбе ба наздаш рафтам як ҳафта шуд боз занг зада шиштас чо карди Эшон боз ҳафта ба наздаш рафтам, ки аққалан як камтар кумакам кун эҳ чи илоҷ нашуд ин мардак маро срок монд ва пронстҳояш якрӯза шуд рӯзаш 15000 (понздаҳ ҳазор) сомонӣ ман дидам ,ки намешавад ман ба худкушӣ даст задам.

Падарҷонам дар ҳолати навиштан фақат дар пеши чашмонам Шумо модар, Абдуллоҳҷон, Оиша, Омина, Азизабону, Дилрабо, Афроза, Фиребо, Фарзона, Шикебо аҳли оилаам маро бубахшед ҳамматон дар алоҳидагӣ чун ки ман барои ягон таи Шумо на фарзанди хуб на бародари хуб на ҳамсари хуб на падари хуб будам ман ҳеҷ чиз будам як ҳаромхуру як ифлос як палид

будам барои ягонтаатон ягон чизе накардаам, ки гӯям.

Дирӯз ман дар ҳалқаи аҳли оила фақат хуни дил мехурдам, ки ин маблағро чи гуна ёфта диҳам ҳама мепурсид маро барои чи мазаат нест, лекин ман ин сирро ба ягон кас гуфта натавонистам аз ҳаммаатон бахшиш. Падарҷонам ман қарздор нестам ҳамаашро бояд ҳамин Ҳоҷи Айёр диҳад баъд аз гуноҳаш гузаред майлаш ҳаволаи бад ба худо ба худо супоредаша равад ман ҳарчанд илтимос кардам ша ки аққалан шаш моҳ тоқат кун Фотеҳ да Россия биёяд 80000 (ҳаштод ҳазор) сомонӣ қарздор ҳавай тияд ман қарзата метиям не гуфт тоқат накард маро ҳамин кард, ки ман ғуломаш ӣшуда мондам ман аз пули касса гирифта додамша. Эҳҳҳҳ ҳоҷи ҳоҷи маро ба чи рӯз овардӣ ин ҳоҷиро ман чандан борҳо ба назди бахшиҳо бурдам наход ҳоҷи ба назди бахши равад. Ҳоҷи бояд одамро дастгирӣ кунад ман имрӯз Душанбе боз ба наздаш омадам дунё ба умед гуфта ҳоло ин ким боз бошиносҳояш боз чи корҳо мекунад ким ҳамма айбро ба гардани ман мезанад аз худо натарси аз ин ҳоҷи наметарсӣ 0008 тайотаи сафед, мошини аудии таги почеш ини Исматулло мошини фотеҳа залок гирифт оварда бечора да бобои Холиқ 19000 фурухт қариб Фотеҳам бечора худаша кушта буд, аммор гурехт ман гурехта натонистам.

Ба худкуши даст задам аз шармандагиам.

Лекин Ҳоҷи Айёр ту худатро Ҳоҷи магу ту худатро просент гӯй, рибо гӯй ту фикр накун дар ин дунё фақат ту ҳасти ту агар ҳоҷи мешудӣ маро дастгири мекардӣ медоди қарзи ҳасана лекин ту қарзи ҳасанаро чи медонӣ. Падарҷон ман ин суханонро менависам дар идора мемонам ки ин Айёр нест накунад ин аз дасташ чи корҳое меояд. То як қарзе ҳаст пардохт намояд баъд аз даъво гузаред майлаш гузаред ҳаволааш ба худо инсонҳои аз ман қарздор дар пушти блокнотам навиштаги сейф ба мондагӣ шахсоне,, ки аз ман қарздоред ба хотири аллоҳ оварда расонед то ки падару модарам ва фарзандаконам чойпули кунанд.

Падарҷонам фарзандонам ба шумо амонат албатта ризқи ҳаммаро худованд мерасонад. Падарҷонам маро бубахшед илтимос боз илтимос.

Падарҷонам албатта ин дастхатаро дар рӯзи вафотам хонанд то ки мардум бидонанд, ки бонк чи лаззат доард ҳама фикр мекаунад, ки миллион мегирем не балки миллион қарздор мешавем аз пушти чунин ҳоҷиҳои рӯсиёҳ. Падарчонам вақто, ки ман ин чизҳоро менавиштам албатта ҳама ҷиҳатҳои ҳаётро фикр карда навиштам албатта, лекин ба чашмони шумо нигоҳ карда натавонистам шармам омад, ки як шахсе барояду гӯяд, ки Аюбидддин писари ту аз ман қарздор падарҷонам шумо як умр қарздор набудед балки шамо ба тамоми инсоне, ки пул мепурсид қарз медодед, албатта қарзи ҳасана.

Падарҷонам шумо ҳоло ҳам қарздор нестед инҳоро бояд ҳаммашро Ҳоҷи Айёр пардохт намояд Ҳоҷи Айёр чунки маро имрӯз маҷбур кард ҳатто пули кассаамро гирифта ба наздаш ба Душанбе шаҳр рафтам, аммо 65000 сомонӣ ва 1000 ҳазор доллари ИМА гуфт наори ба хонаат одам меравад бурда боз рӯзи панҷшанбе 150000 (яксаду панҷоҳ ҳазор сомонӣ) ва 1000 ҳазор доллар аз бонк гирифтам ки овар пенсаҳои мардума тиям боз Бобои Туяк маро аз роҳ дар ДАР-ДАР қаппиду 120000 (яксаду бист ҳазор) ва 1000 ҳазор долларамро гирифт ҳаволаи бад ба Худо гуфтаму додам ин шаби 30-09-2021 буд. Боз рӯзи 01-10-2021 Бобои Туяк занг зад 2- то панҷ ҳҳазори интиқол кун ба номи фалонча то падазрения нафуроем (Мусоев Ғолибҷон Очибоевич) боз фиристодам маҷбур ягон илоҷ намонд.

Ҳамин шаб боз ҳамуқа зора задам ша ки ёрдам кун аққалан ҷавоб надод э ин одам нест ин як рибохур аст. Падарҷонам ҳамма хешу табор донанд, ки ман қарздор нестам саратона бардошта гардед падарҷон албатта дарди фарзанд зураст, аммо чи илоҷ ман ба шумо фарзанди хубе буда натавонистам.

Падарҷонам, модарҷонам , хоҳараконам, ҳамсари меҳрубонам илтимос фарзандакони маро сағир нагӯй илтимос ҳамсари меҳрубонам маро бубахш ман бароят ёри вафодор набудам маро бубахш Азизабонуи азизам маро бубахш ва аҳли оилаам ҳаммаатон маро бубахшед. Мардуми шарафманд ва баобрӯи Реваддеҳ шумо низ маро бубахшед агар рафту дар ҳолати кори вақтҳои монда шуданам заррае хотири шуморо озурда бошам маъзарат мехоҳам пеши шумо шармандаам чунки кадри хубе набудам барои ҳар якояки шумо бахшиш сари таъзим фуро меорам.

Аз гуноҳам дар гузаретон илтимос боз илтимос. Дар вақти навиштани ин суханон гиря чашмонамро пур карда буд дар пеши чашмонам Абдуллоҳҷони сухтаам, Оишабону, Оминабону, Азизабону, Падарҷонам, Модарҷонам, хоҳараконам ва аҳли оила так-так мегузаштанд, аммор чи илоҷ чи кор карда метавонистам танҳо роҳи ҳал ҳамин буду халос.

Падарҷонам устод Самариддин бохабар ҳастанд чунки он кас бонк ба кор кардагӣ фаҳмиданд аз рафторҳоям гуфтанд ту бачча қарздор шудаи чи бало. Афсус падарҷонам гуфта натонистам ба шумо чунки ғайрат накардам .Баъди маргам илтимос то омадани падарам мурдаамро нигоҳ доретон илтимос боз илтимос чи коре кунанд майлаш лекин бояд Ҳоҷи Айёр ҷавоб гӯяд.

Бояд ҷавоб гӯяд. Падарҷонам Шумо ба назди Қулов Мирзобаландин меравед ҳамон одам ариза менависад ба мақомотҳои дахлдор фақат ҳамон одам метавонад. Раиси мӯҳтарами мо медонанд, ки ман чи хел кор мекардам бояд ҳоҷи Айёр ҷавоб гӯяд Бояд Ҳоҷи Айёр бо бобои Туяк ҷавоб гӯяд. Дар сари марсияи ман бояд ин суханҳоро Одилов Рабимқул Устод қироат намоянд, аммо ин бисёр аст, лекин бояд хонда шавад агар ягон одами болои омад хонад агар не устод Одилов Р агар устод наомаданд ягон шахси дигар чунки устод аратори бузург ҳастанд.

Ҳаргиз маро нахандетон , ки ин қарздор шуду худашро кушт. Аллоҳ ба ҳама чиз қодир аст. Маро бинетон, чи хел будам, ягон одам намегуфт, ки ҳамин қарздор аст ҳама бонкир мегуфтанд. Худованд қодир аст дар як лаҳза ҳама чизро иваз намояд.

Аз рӯзгор пурсидам: Ба касе, ки ба зиндагӣ ва эҳсосотам бозӣ кард, чӣ кунам. Гуфт:

Онро ба ман вогузор кун чархи рӯзгор боло ва поёниҳои зиёд дорад…….

Фарз ва қарз. Хизмати падар ва модар ин ҳам фарз аст ҳам қарз.

Фарзаш туро ба ҷаннат барад.

Қарзаш бошад, аз фарзандони худат бар мегардад.

Лек ман ҳеҷ чиз накардам.

Падар модар ва аҳли оилаам маро бубахшед Худо ҳофиз дидорҳо дар қиёмат албатта худкуши ин гуноҳи Азим аст. Аллоҳ маро бубахшад.

Парвардигор бузург ва меҳрубону бахшояндааст албатта.

Розҳоятро ба ду кас бигӯ: Ба худ ва ба Худо.

Дар тангиҳо ба ду чиз такя кун: Сабр ва Намоз.

Дар дунё ду касро эҳтиёт кун:

Падар ва модар

Аз ду чиз натарс ки дар дар дасти Худост:

Ризқ ва Марг.

Куҷо донанд бедилҳо дили мо,

Ки ҳар як хандаи мо дард дорад.

Эй ки аз одамгарӣ моро насиҳат мекунӣ,

Худ агар одам шавӣ, олам гулистон иешавад.

Ҳар ки рафт аз дида, доғе бар дили мо тоза кард,

Дар замини нарм нақши по намоён мешавад.

Худо донаду ман донаму ту ҳам донӣ,

Ки як фулуз надорад Ғиёси Ревадӣ.

Агар Шумо шоҳиди ҳодисаи ҷолибе шудед, видео ва акс бигиред ва бо ин шумора ба “Бомдод” фиристед. Шумораи мо (WhatsApp, Viber, IMO, Telegram): +420 777 404 854

Назари Шумо чист?

Шарҳҳое, ки дар он таҳқиру дашном ва ё иттилооти дурӯғ бошад, нашр карда намешаванд!

Back to top button