МӮСАФЕДИ 74-СОЛА ДАР НОҲИЯИ РӮДАКӢ ЗАНИ ҶАВОНАШРО ЛАТУКӮБ КАРДААСТ
Сокини 74-солаи ноҳияи Рӯдакӣ ба он айбдор мешавад, ки рӯзи 8 сентябр, соати 12, дар хонааш ҳамсари ҷавони 37-солаашро латукӯб карда, ба саломатии ӯ зарари вазнин расондааст. Сабаби занозанӣ гуфта нашудааст. Вале ба мӯсафед бар асоси моддаи 110 Кодекси ҷиноятии Тоҷикистон аз 5 то 8 соли зиндон таҳдид мекунад.
Солҳои охир дар Тоҷикистон зани ҷавон гирифтани мардони солхӯрда ба қавле “мӯд” шудааст.
хххххххххх
Як зани 50-солаи соҳибкори бозори “Корвон” ба ШВКД ноҳияи Фирдавсӣ шикоят кардааст, ки к зани 36-солаи сокини пойтахт моҳи март бо роҳи фиреб ба бовариаш даромада, аз ӯ ба маблағи 186 ҳазор сомонӣ ҷавоҳироти гуногуни тиллоиро гирифта, то ҳол пулашро надодааст.
Аз навори хабарҳои рӯзи 6 октябри маркази матбуоти ВКД Тоҷикистон
Дастгир гардидани мӯсафеди 74-сола бо ҷурми қасдан расонидани зарар ба саломатӣ
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 74-солаи сокини ноҳияи Рӯдакӣ, ҳамчун гумонбар дар қасдан расонидани зарари вазнин ба саломатӣ дастгир карда шуд.
Номбурда, рӯзи 8-уми сентябри соли 2021, тахминан соати 12:00, дар хонаи истиқоматиаш, ҳамсараш зани 37-соларо лату кӯб намудааст.
Дар натиҷа, ҳамсараш мувофиқи хулосаи ташхиси судӣ-тиббӣ ҷароҳати вазнини ҷисмонӣ ба саломатиаш бардоштааст.
Аз рӯи ин ҳодиса тафтишот идома дорад.
Ошкор шудани қаллобӣ вобаста ба ҷавоҳирот
Ба ШВКД-1 дар ноҳияи Фирдавсӣ бо ариза зани 50-солаи сокини шаҳри Душанбе, соҳибкори ҶДММ бозори «Корвон» муроҷиат намудааст, ки рӯзи 3-юми марти соли 2021, зани 36-солаи сокини пойтахт бо роҳи фиреб ба бовариаш даромада, аз ӯ ба маблағи 186 ҳазор сомонӣ ҷавоҳироти гуногуни тиллоиро гирифта, то ҳол маблағашро барнагардонидааст.
Аз рӯи ин ҳодиса тафтишот идома дорад.