ВидеоТиб ва беҳдошт/Муҳити зист
ОХИРИН ОМОР: РӮЗИ 9 СЕНТЯБР ДАР ТОҶИКИСТОН 12 КАС БА КОРОНАВИРУС ДУЧОР ШУДААСТ
Вазорати тандурустии Тоҷикистон шоми 9 сентябр хабар дод, ки дар як шабонарӯзи охир дар ҷумҳурӣ 12 ҳолати нави гирифторшавии шаҳрвандон ба бемории коронавируси нави COVID-19 ба қайд гирифта шуда, дар айни замон 14 нафар пас аз муолиҷа аз ин беморӣ шифо ёфтаанд ва хушбахтона, касе нафавтидааст.
Дар маҷмӯъ, аз аввали бақайдгирии пандемия то шоми 9 сентябр дар кишвар 17 054 нафар гирифторони сирояти коронавируси нави COVID-19 ба қайд гирифта шуда, аз ин шумора то санаи зикргардида 16 915 нафар (99,2%) шифо ёфта, мутаассифона, 124 нафар аз ин беморӣ ҷон бохтаанд.
Аз омори расмии вазорат бармеояд, ки то шоми 9 сенябр дар Тоҷикистон чӣ дар шароити хона ва чӣ дар бемористон ҳамагӣ 15 нафар аз коронавирус табобат мегирифтанд.