Хабарҳои кӯтоҳ
БОЗДОШТИ ЯК ҶАВОНИ ГОВДУЗД ДАР ФАРХОР
Ба ШВКД дар ноҳияи Фархор бо ариза марди 57-солаи сокини ҷамоати шаҳраки Фархори ноҳияи мазкур муроҷиат намудааст, ки рӯзи 14-уми августи соли 2021, тахминан соати 13:00, шахсони номаълум бо роҳи пинҳонӣ аз заминҳои хоҷагии деҳқониаш, воқеъ дар ҷамоати деҳоти Гулшани ҳамин ноҳия 1-сар чорвои калони шохдорро дуздида, аз ҷойи ҳодиса ғайб задаанд. Зарари расонидашуда 6 ҳазору 500-сомониро ташкил медиҳад.
Маркази матбуоти ВКД Тоҷикистон рӯзи 17 август хабар дод, ки ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия ҷавони 24-солаи сокини ҷамоати деҳоти Гулшан бо гумони содир намудани ҷинояти дуздӣ дастгир карда шуд.
Аз рӯи ин ҳодиса тафтишот идома дорад.
