ЯК ЗАН ДАР ХИСТЕВАРЗ МАРДИ ҲАМДЕҲААШРО КОРД ЗАДААСТ
Як зани 26-солаи сокини ҷамоати Хистеварзи ноҳияи Б.Ғафуровро бо гумони қасдан расонидани зарари вазнин ба саломатӣ дастгир кардаанд. ВКД гуфт, ки ин зан шаби 2 август, тахминан соати 23:30, дар хонаи истиқоматиаш бо марди 26-солаи ҳамдеҳааш аз сабаби муноқишаи ба миёномада, ҷангу ҷанҷол карда, бо корди хоҷагӣ як маротиба ба шиками ӯ задааст.
Дар натиҷа, ҷабрдида, мувофиқи хулосаи ташхиси судӣ-тиббӣ, ба саломатиаш ҷароҳати вазнини ҷисмонӣ бардошта, дар беморхона бистарӣ гардидааст.
Нисбат ба гумонбаршаванда бар асоси қисми якуми моддаи 110 Кодекси ҷиноятии Тоҷикистон парвандаи ҷиноятӣ оғоз кардаанд. Ба ӯ бар асоси ин банди қонун аз 5 то 8 соли зиндон таҳдид мекунад.
хххххххххххххххххххххххххх
Як ҷавони 23-солаи сокини ҷамоати Муҷихарфи ноҳияи Нуробод низ бо гумони қасдан расонидани зарари миёна ба саломатӣ дастгир шудааст.
ВКД гуфт, ин ҷавон рӯзи 6 июл, тахминан соати 12:30, дар заминаи баҳси заминҳои алафдаравиашон дар мавзеи чарогоҳи Чанораки ҷамоати Муҷихарф бо ҷавони 21-солаи сокини ҳамин ҷамоат ҷангу ҷанҷол карда, ӯро лату кӯб намудааст. Дар натиҷа, ҷабрдида, тибқи санади ташхиси судӣ-тиббӣ, ҷароҳати миёна бардоштааст. Ба ҷавони боздоштшуда бар асоси қисми якуми моддаи 111 Кодекси ҷиноятии Тоҷикистон то 2 сол корҳои ислоҳӣ ваё ҳукми зиндон ба ба муҳлати то 2 сол таҳдид мекунад.
Аз навори хабарҳои рӯзи 5 августи маркази матбуоти ВКД Тоҷикистон
Бо корд захмӣ гардидани марди 26-сола дар заминаи муноқиша
Дар натиҷаи баргузор намудани чорабиниҳои оперативӣ-ҷустуҷӯӣ аз ҷониби кормандони милитсия зани 26-солаи сокини ҷамоати деҳоти Хистеварзи ноҳияи Б.Ғафуров бо гумони қасдан расонидани зарари вазнин ба саломатӣ дастгир карда шуд.
Номбурда, 2-юми августи соли 2021, тахминан соати 23:30-дақиқа, дар хонаи истиқоматиаш бо марди 26-солаи сокини ҷамоати деҳоти мазкур аз сабаби муноқишаи ба миёномада, ҷангу ҷанҷол карда, бо корди хоҷагӣ 1-маротиба ба шиками ӯ задааст.
Дар натиҷа, ҷабрдида мувофиқи хулосаи Ташхиси судӣ-тиббӣ ба саломатиаш ҷароҳати вазнини ҷисмонӣ бардошта, дар беморхона бистарӣ гардидааст.
Нисбати гумонбаршаванда парвандаи ҷиноятӣ бо моддаи 110 қисми 1 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.
Боздошт гардидани ҷавони 23-сола бо гумони қасдан расонидани зарари миёна ба саломатӣ
Зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия ҷавони 23-солаи сокини ҷамоати деҳоти Муҷихарфи ноҳияи Нуробод бо гумони қасдан расонидани зарари миёна ба саломатӣ дастгир карда шуд.
Номбурда, 6-уми июли соли 2021, тахминан соати 12:30-дақиқа, дар заминаи баҳси заминҳои алафдаравиашон дар мавзеи чарогоҳи Чанораки ҷамоати деҳоти Муҷихарф бо ҷавони 21-солаи сокини ҳамин ҷамоат ҷангу ҷанҷол карда, ӯро лату кӯб намудааст.
Дар натиҷа, тибқи санади ташхиси судӣ-тиббӣ ҷароҳати бардоштаи ҷабрдида ба дараҷаи миёна мансуб мебошад.
Нисбати гумонбаршаванда парвандаи ҷиноятӣ бо моддаи 111 қисми 1 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.