ВидеоМуҳоҷирон

ЧАНД РӮЗ БО ҶАСАДҲО ИСТОД… ХУДКУШИИ ФИРӮЗ ЁРОВ БАЪДИ ҚАТЛИ ЗАНУ ДУ ДУХТАРАШ ДАР ШЁЛКОВО (6 АКС)

Рӯзи 30 май аз як манзил дар қабати даҳуми як бинои истиқоматӣ дар шаҳри Шёлковои вилояти Маскав ҷасади 4 нафар– ду духтари синнашон 11 ва 17 ва падару модари онҳоро пайдо кардаанд. Бино ба фарзияи муқаддамотӣ, падари ин хонавода Фирӯз Ёров, ки 42 сол дошта, зодаи Тоҷикистон аст, ҳанӯз дар поёни моҳи апрел дар ҷараёни муноқишаи оилавӣ аввал ҳамсари 40-солааш Юлия ва сипас ҳарду фарзанди ноболиғашро бо корд зада куштааст ва баъди чанд рӯз худкушӣ кардааст.

Ҳамсояҳо бо гузашти чанд ҳафта аз самти ин хона омадани бӯи бадро ҳис карда, ба мақомот хабар додаанд. Пулис маҷбур шуд, ки дари хонаро зада бишиканад, чунки онро аз дарун қуфл зада буданд. Дар бадани модару ду духтараш захмҳои зиёди корд дида мешуд, вале дар бадани мард ягон захм мушоҳида нашудааст. Танҳо дар паҳлуи ҷасади Фирӯз Ёров шишаи холии уксус (сирко) пайдо кардаанд. Зоҳиран ӯ сирко нӯшида, худкушӣ кардааст.

Бино ба иттилои Telegram-канали LIFE SHOT,  ин оила аз лиҳози молиявӣ оилаи серу пур буд. Фирӯз Ёров  дар як ширкати мухобиротӣ дар мақоми баланди сардори департаменти рушд кор мекард, Ёровҳо соли 2010 шаҳрвандии Русияро ба даст оварда, баъди чанд соли иҷорашинӣ дар Маскав зимистони соли ҷорӣ қарзи ипотека гирифта, дар Шёлково манзили худро хариданд. Ҳарду духтари ӯ дар хона таҳсил мекарданд ва ҳамсараш Юлия ягон ҷо кор намекард.

Ҳамин сабаб шудааст, ки ғайб задани як оилаи иборат аз 4 нафарро дар тӯли чанд ҳафта касе пай набурдааст.

Гумон меравад, ки як сабаби қатли бераҳмонаи аъзои ин оила метавонад қарзҳои Фирӯз Ёров бошанд. Ба иттилои LIFE SHOT, Ёров дар қимори бозиҳои варзишӣ пули калон мегузошт ва қарздор шуда буд. Ба ин далел байни ӯву ҳамсараш зудзуд муноқишаҳо рух медод, ки охиринаш бо қатли ҳамсар анҷом ёфт. Зоҳиран Ёров сари қаҳр фарзандонашро ҳам зада куштааст.

Бовар меравад, ки Фирӯз Ёров баъди қатли зану ду духтараш чанд рӯз дар ҳамон хона ҳамроҳи ҷасадҳо истодааст. Аз ин сигори зиёде, ки ӯ кашидааст, шаҳодат медиҳад. Боқимондаи сигорҳоро бо шишаи холии уксус аз назди кати хоби Фирӯз Ёров пайдо кардаанд.

Олга Врадий, сухангӯи раёсати тафтишоти вилояти Маскав гуфт, дар робита ба ин ҳодиса парвандаи ҷиноятӣ оғоз кардаанд.

Официальная информация:

В г. Щелково возбуждено уголовное дело по факту обнаружения тел четырех человек, двое из которых дети

30 мая 2021 года в правоохранительные органы поступила информация об обнаружении в квартире в г. Щелково тел 4-х человек: 40-летней женщины, двоих детей (17 и 11 лет) с множественными колото-резаными ранениями и 42-летнего мужчины без видимых телесных повреждений. На место происшествия незамедлительно выехала следственно-криминалистическая группа. По данному факту следователем следственного отдела по г. Щелково ГСУ СК России по Московской области возбуждено уголовное дело (п. «а» ч. 2 ст. 105 УК РФ).

Следователями и криминалистами ГСУ СК России по Московской области проведён осмотр места происшествия. Установлено, что квартира, в которой обнаружены тела, расположена на 10-м этаже, входная дверь – металлическая и закрыта изнутри, окна открыты на небольшое проветривание. С места происшествия изъяты мобильные телефоны и иные гаджеты погибших, а также пустая бутылка из-под уксусной кислоты, обнаруженная вблизи тела мужчины. В ходе осмотра изъяты ножи и иные предметы, имеющие значение для следствия, а также смывы. Назначены судебно-медицинские и молекулярно-генетические экспертизы, планируется назначение посмертной психолого-психиатрической. Осуществляется сбор характеризующего семью материала, допрашиваются родственники. Устанавливаются обстоятельства, а также причины и условия, приведшие к совершению данного преступления.

Агар Шумо шоҳиди ҳодисаи ҷолибе шудед, видео ва акс бигиред ва бо ин шумора ба “Бомдод” фиристед. Шумораи мо (WhatsApp, Viber, IMO, Telegram): +420 777 404 854

Назари Шумо чист?

Шарҳҳое, ки дар он таҳқиру дашном ва ё иттилооти дурӯғ бошад, нашр карда намешаванд!

Back to top button