ВидеоҶомеа

ВИДЕОИ ҶАНГИ БАЙНИ ДУ ДУХТАРИ ТОҶИКИ МАКТАБХОН ҲАМАРО ШОК КАРД

Дар Интернет видеои ҷанги ду духтари мактабхон нашр шудааст, ки мавҷи вокунишҳоро дар байни корбарони тоҷик ба бор овард.

Дар видеое, ки ҳамагӣ ҳудуди ним дақиқа аст, дида мешавад, ки ду духтар – яке бо пироҳани сафеду доман (юбка)-и сиёҳ ва дувумӣ бо футболкаи сиёҳу шими ҷинс дар як роҳи пиёдагарди зери дарахтҳо бо якдигар занозанӣ доранд ва даҳҳо нафари дигар бо ҳаёҳу ҷанги онҳоро тамошо доранд. Дар видео дида мешавад, ки ин ду духтар якдигарро  мушту лагаткӯб мекунанд ва аз мӯи сари якдигар кашола мекунанд.

Дар охир ба духтари ҷинспӯш муяссар мешавад, ки ҳарифашро ба замин афтонад. Ӯ баъди ин ҳам ба латтукӯби он духтар идома медиҳад, вале ин лаҳза билохира духтарони дигар ба байн даромада, онҳоро халос мекунанд.

Бисёрии корбарон аз мақомоти ҳифзи ҳуқуқ хостаанд, ки иштирокчиёни ин занозаниро муайян карда, ҳамчун намунаи ибрат барои дигарон ҷазо бидиҳанд.

Кай ва дар куҷо сабт шудани ин видео маълум нест. Вале аз либоси тунуки наврасон дар видео бармеояд, ки сабт сабти ҳамин рӯзҳои баҳорист.

Агар Шумо шоҳиди ҳодисаи ҷолибе шудед, видео ва акс бигиред ва бо ин шумора ба “Бомдод” фиристед. Шумораи мо (WhatsApp, Viber, IMO, Telegram): +420 777 404 854

One Comment

  1. бояд тамошо накунанд тез халосшон мекарданд чунки хамамон фарзанд дорем хохар дорем

Назари Шумо чист?

Шарҳҳое, ки дар он таҳқиру дашном ва ё иттилооти дурӯғ бошад, нашр карда намешаванд!

Back to top button