ВидеоТоҷикистонҶомеа

5 АКС АЗ СУД: ДОДГОҲИ ДУШАНБЕ САЪДУЛЛО РАУПОВРО БАРОИ ДУ КУШТОР БА ҲАБСИ УМРБОД МАҲКУМ КАРД. ШАРИКИ Ӯ САФАРОВ 22 СОЛ ГИРИФТ

Нимаи дуюми рӯзи 22 декабр додгоҳи шаҳри Душанбе Сафаров Дониёр ва Саъдулло Раупов, ду сокини 28-солаи маҳаллаи Деҳнаваки болои пойтахтро дар куштори бераҳмонаи ду духтар гунаҳкор шинохта, Дониёр Сафаровро ба ҳабси умрбод ва Саъдулло Рауповро ба 22 соли зиндон маҳкум кард.

Додгоҳ гуфт, Сафаров ва Раупов моҳи январи соли 2018 сокини Душанбе Замирамоҳ Ҳайдарова, соли таваллудаш 1991-ро барои он куштанд, ки ӯ бо як шаҳрванди Афғонистон шиносоӣ пайдо карда, муносибаташро бо Сафаровро тағйир додааст. Сафаров бо рафиқаш Раупов Ҳайдароваро ба як тарабхонаи Ҳисор бурда, маст кардаанд ва сипас ба теппаҳои болои деҳаи Харангони ноҳияи Варзоб бурда, буғӣ карда куштаанд ва ҷасадашро дар як ғор партофтаанд. Сипас Сафаров бо мақсади гумроҳ намудани наздикон ва пайгирӣ накардани ҳолати куштор аз телефони мобилии марҳум Ҳайдарова З.Ф. ба шиноси ӯ Аминова Фарзона бо матни «наздиконаш ҳаввос (хавотир) нашаванд, шавҳар кардаасту дигар ўро накобанд» пайёмак (смс) ирсол намудааст. Ҷасади ба устухонпораҳо мубаддалгашта (скелет) –и марҳум Ҳайдарова З.Ф. баъди ду моҳу 8 моҳ – дар поёни моҳи августи соли 2020 – аз дохили чуқурие дар теппаҳои шафати деҳаи Харангон пайдо карда шуд.

Ҳамин тавр, Раупов Саъдулло 4 апрели соли 2020 дар гардиши маҳаллаи Харангон Меҳрафрўзи Холмирзо, с.т. 2001-ро савор карда, ба ҷои маҳалли зисташ – кӯчаи Алхитой ба теппаҳои маҳаллаи Деҳнаваки боло бурда, пешниҳоди алоқаи ҷинсӣ мекунад. Меҳрафрўз пешниҳоди ӯро рад кардаааст ва Раупов  ба ғазаб омада, ду маротиба ба қафаси синаи Меҳрафрўзи Х. бо мушт пай дар пай зарба зада, ӯро бо роҳи буғӣ кардан ба ҳалокат расондааст. Сипас ӯ ҷасадро ба ҳамон теппаҳои Харангон бурда, дар чуқурие, ки ҷасади Ҳайдароваро партофта буданд, зери хок кардааст…

Дар моҳҳои охир ин алакай дуюмин ҳукми ҳабси умрбод аст, ки аз ҷониби додгоҳи Душанбе содир мешавад. 15 сентябр ин додгоҳ Исанов Турғунҷон, сокини 35-солаи ноҳияи Шаҳритӯсро бо ҷурми таҷовуз ба номуси писарандар ва духтарандари хурдсолаш ба ҳабси умрбод маҳкум кард. Додгоҳ гуфт, Исанов дар дастикам се маврид нисбат ба духтарандари 10-солааш ҳаракатҳои зӯроваронаи шаҳвонӣ анҷом дода, аз ҷумла олоти мардонагиашро ба маҳбали ноболиғ Б. молиш дода, бо ин восита нафси шаҳвониашро қонеъ намудааст. Дар натиҷа пардаи бакорати кӯдакро дарондааст. Додгоҳ мегӯяд, Исанов бо ин қаноат накарда, бо мақсади бачабозӣ, моҳи майи соли 2020, дидаю дониста ки писарандари 9-солаашро маҷбур кардааст, ки ба зону истода, маҳлули равғанмонандро дар маъқадаш истифода барад. Ноболиғ М. аз тарс маҳлулро дар маъқадаш истифода бурда, Исанов Т.Ж. бо истифодаи зўроварӣ як маротиба олоти мардонагиашро дар маъқади ноболиғ  М. ворид карда, нафси шаҳвониашро қонеъ намудааст…

Ҷазои якумра маҳрум сохтан аз озодӣ ба Раупов С.А. ва 22 соли зиндонӣ нисбати Сафаров Д.К. барои куштори ду ҷавондухтар дар ноҳияи Варзоб

МАЛИКЗОДА НУРИДДИН ҒИЁС
Корманди дастгоҳи суди шаҳри Душанбе

Аз сомонаи расмии додгоҳи шаҳри Душанбе

Нимаи дуюми рӯзи 22 декабри соли 2020 дар ҳайати раисии судяи суди шаҳри Душанбе Шӯҳратзода У. бо иштироки машваратчиёни халқӣ Қосимова З. ва Забирова М., бо котибии Аҳмадзода А.Ё., бо иштироки айбдоркунандаи давлатӣ Раҳимов С., ҳимоятгарон Абдухамидов А. ва Шаропов З. баррасии  парвандаи ҷиноятӣ нисбати Сафаров Дониёр Каримович 7 феврали 1992 рўзи таваллудаш, шаҳрванди Ҷумҳурии Тоҷикистон, зодаи шаҳри Душанбе, миллаташ тоҷик, маълумоташ миёна, оиладор, соҳиби ду фарзанд, муваққатан бекор, қаблан суд нашудааст, истиқоматкунандаи шаҳри Душанбе, ноҳияи И.Сомонӣ, деҳаи Деҳнаваки Боло, бо моддаи 104 қисми 2 бандҳои “в,з” Кодекси ҷиноятии Ҷумҳурии Тоҷикистон ва Раупов Саъдулло Абдуллоевич 14 апрели 1992 рўзи таваллудаш, шаҳрванди Ҷумҳурии Тоҷикистон, зодаи шаҳри Душанбе, миллаташ тоҷик, маълумоташ миёна, оиладор, соҳиби ду фарзанд, муваққатан бекор, қаблан суд нашудааст, истиқоматкунандаи шаҳри Душанбе, ноҳияи И.Сомонӣ, деҳаи Деҳнаваки Боло, бо моддаи 104 қисми 2 бандҳои “в,з,п” Кодекси ҷиноятии Ҷумҳурии Тоҷикистон анҷом ёфт.

Суд зимни баррасии парванда муайян кард, ки Сафаров Дониёр Каримович бо шаҳрванд Ҳайдарова Замирамоҳ Файзалиевна, таваллудаш 23.06.1991 сол,тахминан аз моҳи июни соли 2010 шиносоӣ пайдо намуданд.

Моҳи ноябри соли 2017 марҳум Ҳайдарова З.Ф. бинобар бо шаҳрванди Ҷумҳурии Исломии Афғонистон Аҷмал Абдул Латиф шиносоӣ пайдо намуданаш муносибаташро бо Сафаров Д.К. тағйир додааст.

Бинбар ин, Сафаров Д.К. аз рўи ҳиссиёти рашк мунтазам Ҳайдарова З.Ф-ро мавриди лату кӯб қарор дода, бо мақсади дар оянда аз ҳаёт маҳрум сохтани Ҳайдарова З.Ф. бо ҳамроҳии рафиқаш Раупов С.А. нақшаи куштори охиринро тарҳрезӣ намуданд, то ин ки онҳо якҷоя Ҳайдарова З.Ф-ро ба қатл расонида ҷасадашро нобуд созанд.

Ҳамин тавр, Сафаров Д.К. бо ҳамроҳии рафиқаш Раупов С.А. бо мақсади амалӣ намудани қасди куштори Ҳайдарова З.Ф., тахминан моҳи январи соли 2018 аз рўи нақшаи қаблан тарҳрезӣ намудаашон амал намуда, шаҳрванд Ҳайдарова 3.Ф-ро, барои истеъмолӣ хўроки шом ба шаҳри Ҳисор даъват карда, ҷиҳати осон гардидани нақшаи худ бо ҳам якҷоя нушокии спиртӣ истеъмол намуда, номбурдаро то ба ҳолати сахти мастӣ оварда расониданд. Баъдан охиринро маҷбуран дар бағоҷи автомашинаи сабукрави тамғаи “Опел”, рақами қайди давлатиаш 86-59 ВЕ ТҶ 01, таҳти идораи Сафаров Д.К. буда ҷой намуда, ба макони беодам яъне ҳудуди теппаҳои назди деҳаи Харангони ноҳияи Варзоб бурданд.

Сипас, Сафаров Д.К. аз рўи бадбинии қаблан дар ботинаш дошта, бо мақсади ба анҷом расонидани қасди куштори охирин, шароити мусоид барои одамкушӣ муҳайё сохта, дидаю дониста, ки Ҳайдарова З.Ф. дар ҳолати оҷизӣ қарордошта, ҳаракатҳои худро дарк карда наметавонад,  бо дастонаш роҳҳои нафаскашии Ҳайдарова З.Ф-ро буғӣ карда, ба ин васила охиронро аз ҳаёт маҳрум месозад.

Ин лаҳза Раупов С.А., ки худ дар ҷои ҳодиса ҳузур дошт ва ҳолати ба ҳалокат расонидани Ҳайдарова З.Ф-ро назорат мекард, ба Сафаров Д.К. барои минбаъд пинҳон кардани ҷасади Ҳайдарова З.Ф. кўмак расонида, ҳамроҳ ҷасадро аз ҷои ҳодиса ба масофаи тахминан 100 метр дуртар кашола карда бурда, дар натиҷа аз баландии 50 метр ба ҷарӣ қисми поён партофтанд.

Сафаров Д.К. баъди ҳосил намудани боварӣ ба ҳолати марги Ҳайдарова З.Ф. ҷасадашро дар зери хок дар чуқурии ҷарӣ пинҳон намуда, пас бо мақсади гумроҳ намудани наздикон ва пайгирӣ накардани ҳолати куштор аз телефони мобилии марҳум Ҳайдарова З.Ф. ба шиноси худи ӯ бо ному насаби Аминова Фарзона Комилҷоновна бо матни «наздиконаш ҳаввос (хавотир) нашаванд, шавҳар кардаасту дигар ўро накобанд» пайёмак (смс) ирсол намудааст.

Дар рафти тафтишоти пешакӣ аз дохили чуқурии ҷарии теппаҳои шафати деҳаи Харангони ноҳияи Варзоб ҷасади ба устухонпораҳо мубаддалгашта (скелет) –и марҳум Ҳайдарова З.Ф. дарёфт карда шуд.

Ғайр аз ин, Раупов Саъдулло Абдуллоевич 4 апрели соли 2020 тахминан соати 1100 дақиқа ҳангоми дар гардиши маҳаллаи Харангони ноҳияи Исмоили Сомонии шаҳри Душанбе ба мусофиркашонӣ машғул буданаш, дар ин лаҳза шаҳрванд Меҳрафрўзи Холмирзо, таваллудаш 20.09.2001 сол, зода ва истиқоматкунандаи шаҳри Душанбе, ноҳияи И.Сомонӣ, ба автомашинаи ў ҳамчун мусофир савор шуда, ба самти манзили истиқоматиашон воқеъ ба суроғаи кӯчаи Алхитойи, ноҳияи И.Сомонӣ, шаҳриДушанбе, равона мегардад. Дар роҳ Раупов С.А. бо Меҳрафрўзи Х. шиносоӣ пайдо намуда, ўро ба теппаҳои маҳаллаи Деҳнаваки боло, Ҷамоати деҳоти Айнӣ, ноҳияи Варзоб бурда, пешниҳоди алоқаи ҷинсӣ карданро менамояд. Меҳрафрўзи Х. пешниҳоди ӯро рад карда, ба тарафаш дашномҳои қабеҳ медиҳад.

Дар ин лаҳза Раупов С.А. ба ғазаб омада, ду маротиба ба қафаси синаи Меҳрафрўзи Х. бо мушт пай дар пай зарба зада, дар ботинаш қасди кўштори ӯро пайдо мекунад, пас бо  мақсади амалӣ намудани ин кирдораш ӯ бо роҳи буғӣ кардан охиринро ба ҳалокат расонид. Баъд аз ин ӯ ҷасади беҷонгардидаи Меҳрафрўзи Х-ро ба ҷарии теппаҳои маҳаллаи Деҳнаваки боло, Ҷамоати деҳоти Айнӣ, ноҳияи Варзоб, ки қаблан ҷасади Ҳайдарова З.Ф.-ро ҳамроҳи рафиқаш Сафаров Д.К. оварда зери хок пинҳон кардаашон бурда, зери хок намуд.

Гунаҳгории  Раупов Саъдулло Абдуллоевич ва Сафаров Дониёр Каримович бо далелҳои раднопазир, ки дар суд мавриди муҳокима қарор дода шуданд, исботи худро ёфт.

Ҳамин тариқ, бо ҳукми суд Сафаров Дониёр Каримович дар содир намудани ҷиноят бо моддаи 104 қисми 2 бандҳои “в, з” Кодекси ҷиноятии Ҷумҳурии Тоҷикистон ба маҳрум сохтан аз озодӣ ба муҳлати 22 сол бо адои ҷазо дар колонияи ислоҳии низомаш сахт ва Раупов Саъдулло Абдуллоевич бо моддаи 104 қисми 2 бандҳои “в, з, п” Кодекси ҷиноятии Ҷумҳурии Тоҷикистон ба якумра аз озодӣ маҳрум сохтан, бо адои ҷазо дар колонияи ислоҳии низомаш махсус маҳкум карда шуданд.

Суратлавҳа аз ҷараёни эълони ҳукм

Агар Шумо шоҳиди ҳодисаи ҷолибе шудед, видео ва акс бигиред ва бо ин шумора ба “Бомдод” фиристед. Шумораи мо (WhatsApp, Viber, IMO, Telegram): +420 777 404 854

Назари Шумо чист?

Шарҳҳое, ки дар он таҳқиру дашном ва ё иттилооти дурӯғ бошад, нашр карда намешаванд!

Back to top button